تعلیم کی بہتری ضلعی انتظامیہ کی اولین ترجیح ہے،محمد یوسف شیخ
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
مٹیاری (نمائندہ جسارت)ڈپٹی کمشنر مٹیاری محمد یوسف شیخ نے کہا ہے کہ تعلیم کی بہتری اور اسکول سے باہر بچوں کے داخلے ضلعی انتظامیہ کی اولین ترجیح ہیں۔انہوں نے یہ بات اپنے دفتر میں منعقدہ ضلعی کمیٹیوں کے اجلاس کی صدارت کرتے ہوئے کہی۔ ڈپٹی کمشنر کا کہنا تھا کہ تمام متعلقہ محکموں کو مشترکہ اور سنجیدہ کوششوں کے ساتھ کام کرنا ہوگا تاکہ کوئی بھی بچہ تعلیم سے محروم نہ رہے۔اجلاس کے دوران ڈسٹرکٹ سروس ڈیلیوری کمیشن کمیٹی، آؤٹ آف اسکول بچوں کے داخلے کی کمیٹی اور درسی کتب کی تقسیم کے حوالے سے تفصیلی جائزہ لیا گیا۔ ڈی سی نے واضح ہدایات دیتے ہوئے کہا کہ درسی کتب کی بروقت اور شفاف تقسیم کو ہر صورت یقینی بنایا جائے۔ ڈپٹی کمشنر محمد یوسف شیخ نے مزید کہا کہ اسکولز کی نگرانی، اساتذہ کی حاضری اور تعلیمی معیار پر کسی قسم کی کوتاہی برداشت نہیں کی جائے گی۔اجلاس میں محکمہ تعلیم، ضلعی انتظامیہ، مانیٹرنگ اداروں اور نجی تعلیمی اداروں کے نمائندگان نے شرکت کی، جبکہ آئندہ اجلاس میں پیش رفت رپورٹ پیش کرنے کی بھی ہدایت دی گئی۔
ذریعہ
ذریعہ: Jasarat News
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی