محسن نقوی سے مفتی منیب الرحمن کی سربراہی میں وفد کی ملاقات
اشاعت کی تاریخ: 22nd, January 2026 GMT
اسلام آباد (اپنے سٹاف رپورٹرسے) وزیر داخلہ محسن نقوی اور وزیر مملکت طلال چوہدری سے مفتی منیب الرحمن کی سربراہی میں وفد نے ملاقات کی۔ وزیر داخلہ محسن نقوی نے ملک میں قیام امن اور استحکام کیلئے مفتی منیب اور دیگر علمائے کرام کی خدمات کو خراج تحسین پیش کیا۔ وزیر داخلہ نقوی نے وفد کو ان کے مسائل حل کرنے کی یقین دہانی کرائی، ملاقات میں اس بات پر اتفاق کیا گیا کہ مسائل کے حل کا جائزہ لیا جائے گا اور حل کیلئے اقدامات کئے جائیں گے۔ وزیر مملکت داخلہ طلال چوہدری کی سربراہی میں کمیٹی تشکیل دی گئی مفتی منیب الرحمن اور دیگر علمائے کرام اس کمیٹی کا حصہ ہوں گے۔ کمیٹی مسائل کے حل کیلئے قابلِ عمل سفارت پیش کرے گی۔ وفاقی وزیر داخلہ نے کہا کہ مفتی منیب الرحمٰن سب کیلئے قابل احترام ہیں اور ہمیشہ اتحاد، اتفاق اور یکجہتی کی بات کرتے ہیں۔ محسن نقوی نے کہا کہ مفتی منیب الرحمٰن سب کو متحد رکھنے کا کردار ادا کرتے ہیں۔ ہم سب ایک ہیں اور پاکستان سب سے پہلے ہے وزیر مملکت طلال چوہدری نے کہا کہ علمائے کرام کی پاکستان کیلئے خدمات قابل ستائش ہے۔
.
ذریعہ
ذریعہ: Nawaiwaqt
کلیدی لفظ: وزیر داخلہ محسن نقوی مفتی منیب
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان