ہندوتوا اور اجیت ڈوول ڈاکٹرائن خطے میں عدم استحکام کا باعث بن گیا
اشاعت کی تاریخ: 22nd, January 2026 GMT
ہندوتوا نظریات اور بھارتی قومی سلامتی کے مشیر اجیت ڈوول کی انتقامی ڈاکٹرائن کا گٹھ جوڑ خطے میں بڑھتے ہوئے عدم استحکام کا باعث بن رہا ہے۔ تجزیہ کاروں کے مطابق ہندوتوا نظریے کے زیر اثر بھارت نفرت، شدت پسندی اور اقلیتوں کے خلاف انسانی جرائم کا گڑھ بنتا جا رہا ہے، جہاں یہ اقدامات اب انفرادی نہیں بلکہ ریاستی پالیسی کی شکل اختیار کر چکے ہیں۔
بھارتی جریدے”دی وائر” کے مطابق دہلی یوتھ سمٹ سے خطاب کرتے ہوئے اجیت ڈوول نے نوجوانوں کو انتقام کی ذہنیت اپنانے کی ترغیب دی۔ یہ اشتعال انگیز بیان ایسے وقت سامنے آیا جب وزیراعظم نریندر مودی سومنات مندر کی ہزار سالہ تقریبات میں شریک تھے۔ جریدے کے مطابق ڈوول کے بیانات بھارت کی قومی سلامتی کی پالیسی اور فیصلوں پر گہرے اثرات مرتب کر سکتے ہیں۔
دی وائر کا کہنا ہے کہ آپریشن سندور کو بطور انتقامی کارروائی پیش کرنا اس بات کا واضح ثبوت ہے کہ بھارت کی قومی سلامتی پالیسی اب انتقامی نظریات کے زیر اثر آ چکی ہے۔ جب قومی سلامتی کا مشیر نوجوانوں کے لیے بدلے کو رہنما اصول قرار دے تو اس سے یہ تاثر مضبوط ہوتا ہے کہ ریاستی سوچ بھی اسی جذبے کی عکاس ہے۔
رپورٹ کے مطابق اجیت ڈوول کی بدلے پر مبنی ڈاکٹرائن دانستہ طور پر جنگ چھیڑنے کا جواز بن سکتی ہے، جو خطے میں جوہری تنا کو بڑھا سکتی ہے۔ دی وائر نے اس تناظر میں نشاندہی کی کہ پاکستان کے پاس راکٹ فورس موجود ہے جبکہ بھارت کی پوزیشن نسبتا کمزور ہے۔ آپریشن سندور نے بھی یہ واضح کر دیا ہے کہ پاکستان بھارت کے لیے ایک مضبوط اور مثر حریف ہے۔
ماہرین کا کہنا ہے کہ اجیت ڈوول کے اشتعال انگیز بیانات کا مقصد بھارت میں اقلیتوں کے خلاف سنگین انسانی جرائم اور جمہوری زوال سے توجہ ہٹانا ہے۔ ان کے مطابق بھارت کے تمام ریاستی ادارے شدت پسند نظریات کے زیر اثر آ چکے ہیں، جبکہ نفرت اور انتہاپسندی کے بیانیے کو ریاستی پالیسی بنانا بھارت کو ایک ریجنل ڈسرپٹر کے طور پر ظاہر کرتا ہے۔
تجزیہ کاروں نے خبردار کیا ہے کہ اجیت ڈوول کی پاکستان اور کشمیر کے خلاف انتقامی ڈاکٹرائن نہ صرف بھارت کے اندر مزید انتشار کو جنم دے گی بلکہ پورے خطے کے امن و استحکام کے لیے سنگین خطرات پیدا کر سکتی ہے۔
.
ذریعہ
ذریعہ: Daily Mumtaz
کلیدی لفظ: قومی سلامتی کے مطابق
پڑھیں:
وزیراعظم کی زیر صدارت اجلاس، معیشت کی مجموعی ترقی اور پالیسی اقدامات پر جائزہ
اسلام آباد (ڈیلی پاکستان آن لائن) وزیراعظم محمد شہباز شریف کی زیر صدارت سرمایہ کاری میں اضافہ اور معیشت کی مجموعی ترقی کے لئے شعبہ جاتی اصلاحات اور پالیسی اقدامات پر جائزہ اجلاس ہوا۔
نجی ٹی وی چینل دنیا نیوز کے مطابق وزیراعظم شہباز شریف نے اجلاس کی صدارت کرتے ہوئے کہا کہ ملکی معیشت کی پائیدار ترقی کے لئے صنعت وحرفت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ صنعتی مصنوعات کی ملکی پیداور اضافے کے ساتھ ساتھ برآمدات بڑھانے کے لیے موٴثر پالیسی اقدامات حکومتی ترجیحات کا حصہ ہیں، صنعت و تجارت اور معیشت کے مختلف شعبہ جات میں اصلاحات کا مقصد طویل المدتی معاشی افادیت اور عوامی فلاح ہونا چاہئے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وزیراعظم نے کہا کہ مستقبل کی توانائی کی ضروریات کو متبادل توانائی کے ذرائع سے پورا کرنے کے لیے جامع حکمت عملی پر بھرپور انداز میں کام ہو رہا ہے، توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
انہوں نے کہا کہ جدید ٹیکنالوجی کی مختلف شعبوں میں شمولیت کے لئے تمام وزارتیں اور ماہرین کی بامعنی مشاورت کو یقینی بنائیں، موثر ترقیاتی پالیسیز کی تشکیل و نفاذ کے لیۓ تمام وزراتیں باہمی تعاون اور ہم آہنگی سے کام کریں، تمام اصلاحات اور اقدامات میں انتظامی شفافیت اور بہترین کارکردگی حکومت کی اولین ترجیح ہے۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
اجلاس میں متعلقہ وزارتوں کی جانب سی مختلف زیر غور پالیسی تجاویز پر بریفنگ دی گئی۔
اجلاس میں نائب وزیراعظم محمد اسحاق ڈار، وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر اطلاعات عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر پاور ڈیویژن سردار اویس لغاری، وفاقی وزیر پٹرولیم علی پرویز ملک، کے معاون خصوصی ہارون اختر اور ڈائریکٹر جنرل ایس آئی ایف سی میجر جنرل اسد الرحمن چیمہ اور متعلقہ اداروں کے عہدے داران نے شرکت کی۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے