بنگلور ائیرپورٹ: کورین خاتون کے ساتھ مبینہ جنسی ہراسانی، ملزم گرفتار
اشاعت کی تاریخ: 22nd, January 2026 GMT
بھارت کے بنگلورو ائیرپورٹ پر ایک کورین خاتون مبینہ طور پر گراؤنڈ اسٹاف کے ایک رکن کی جانب سے جنسی ہراسانی کا شکار ہو گئی۔
خاتون نے پولیس میں درج شکایت میں بتایا کہ وہ 19 جنوری کو کوریا جانے والی پرواز کے لیے ائیرپورٹ پر موجود تھیں۔
شکایت کے مطابق، عملے کا ایک مرد رکن، محمد عفان، خاتون کے پاس پہنچا اور ٹکٹ دکھانے کو کہا۔ خاتون نے دعویٰ کیا کہ چیک ان کے سامان میں کوئی مسئلہ نہیں تھا، مگر عفان نے انہیں مردوں کے واش روم کے قریب لے جا کر مبینہ طور پر غیر اخلاقی طور پر چھوا۔ خاتون کی مزاحمت کے باوجود ملزم نے گلے لگا کر شکریہ کہا اور وہاں سے چلا گیا۔
خاتون نے فوری طور پر ائیرپورٹ سکیورٹی کو اطلاع دی، جس کے بعد عفان کو حراست میں لے کر پولیس کے حوالے کیا گیا۔ پولیس نے سی سی ٹی وی فوٹیج کا جائزہ بھی لیا اور ملزم کی قابل مذمت حرکت کی تصدیق کی، جبکہ واقعے کی مزید تحقیقات جاری ہیں۔
.
ذریعہ
ذریعہ: Al Qamar Online
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی