متحدہ علماء محاذ پاکستان کے تحت یکجہتی فلسطین و کشمیر امن سیمینار، ایران کیخلاف امریکی دھمکیوں کی مذمت
اشاعت کی تاریخ: 22nd, January 2026 GMT
اسلام ٹائمز: اپنے خطاب میں علماء مشائخ اور سیاسی زعماء نے برادر اسلامی ایران پر امریکی حملے کی دھمکی بیجا مداخلت کی مذمت کرتے ہوئے سپریم لیڈر آیت اللہ سید علی خامنہ ای ایرانی حکومت و عوام سے یکجہتی کا اظہار کیا اور کہا کہ اسرائیل امریکہ و استعماری قوتیں ایران کو حمایت فلسطین سے دور رکھنے کیلئے اس طرح کی سازشیں کررہی ہیں۔ رپورٹ: میثم عابدی
متحدہ علماء محاذ پاکستان کے زیر اہتمام محاذ کے 18سالہ یوم تاسیس کے موقع پر یکجہتی فلسطین و کشمیر امن سیمینار میں شریک مختلف مکاتب فکر کے جید علماء مشائخ، سیاسی زعماء سمیت صدر محفل علامہ مرزا یوسف حسین، بانی سیکریٹری جنرل و میزبان مولانا محمدامین انصاری، مرکزی بانی چیئرمین و مہمان خصوصی علامہ عبدالخالق فریدی سلفی، خطیب اہل سنت علامہ محمد اصغر درس، ڈاکٹر صابر ابومریم، ڈاکٹر سید شمیل احمد قادری حنبلی، مولانا منظرالحق تھانوی، علامہ عقیل انجم قادری، شیخ الحدیث مفتی محمد داؤد، علامہ سید سجاد شبیر رضوی، مولانا مفتی محمد ابراہیم چترالی، علامہ مرتضیٰ خان رحمانی، مولانا مفتی وجیہہ الدین، علامہ عبدالماجد فاروقی، مولانا قاری محمد اقبال رحیمی، مسلم لیگ کے رہنما محمد اسلم خٹک ایڈووکیٹ، موٹیویشنل اسپیکر فضائل علی رانا، علامہ حسن شریفی، علامہ اشرف علی منتظری، یعقوب احمد شیخ، پاسٹر عمانوئل صوبہ، کاشف بروہی و دیگر نے خطاب کیا۔
اپنے خطاب میں مقررین نے برادر اسلامی ایران پر امریکی حملے کی دھمکی بیجا مداخلت کی مذمت کرتے ہوئے سپریم لیڈر آیت اللہ سید علی خامنہ ای ایرانی حکومت و عوام سے یکجہتی کا اظہار کیا اور کہا کہ اسرائیل امریکہ و استعماری قوتیں ایران کو حمایت فلسطین سے دور رکھنے کیلئے اس طرح کی سازشیں کررہی ہیں۔ علماء نے کہا کہ فلسطین و کشمیر کی تحریک آزادی کو ظلم و جبر و طاقت سے کسی صورت ختم نہیں کیا جاسکتا، شہدائے فلسطین و کشمیر و شہدائے اسلام اور افواج پاکستان کے عظیم شہداء کی قربانیاں دنیا میں غلبہ اسلام ظلم و جبر کے خاتمے عدل و انصاف کے قیام کیلئے حوصلہ جذبہ و جرأت پیدا کررہی ہیں، فلسطین میں امریکی صدر ٹرمپ کا جانبدارانہ متنازعہ امن منصوبہ غاصب قابض ظالم اسرائیل کو تقویت دینے اور حماس سمیت مجاہدین کو غیر مسلح و کمزور کرنے کی گھناؤنی سازشوں کا ناقابل قبول حصہ ہے، پاکستان کی غیور افواج حماس کو غیر مسلح کرنے اور اسرائیل کے جارحانہ عزائم کو تقویت دینے کیلئے کسی صورت امریکی و استعماری دباؤ میں آکر غزہ نہیں جائے گی۔
سیمینار میں قیامت خیز سانحہ گل پلازہ پر اپنے گہرے رنج و غم دکھ کا اظہار کرتے ہوئے شہداء و متاثرین کے ورثاء سے تعزیت کی اور سانحہ کے ذمہ داران کیخلاف فوری کارروائی اور متاثرین کے جانی مالی نقصانات کے فوری ازالے و معاوضے کا مطالبہ کیا۔ سیمینار میں متحدہ علماء محاذ کے مرحومین رہنماؤں مولانا مفتی محمد اسلم نعیمی، مولانا انتظارالحق تھانوی، علامہ شمس الرحمن صدیقی، مولانا یوسف میمن، مولانا سلیم اللہ خان ترک ، مفتی محمد عثمان یار خان و دیگر کی خدمات پر انہیں شاندار الفاظ میں خراج تحسین پیش کیا گیا۔ علاوہ ازیں متحدہ علماء محاذ کے سرپرست رہنما اور جمعیت علمائے اسلام کے متحرک و فعال رہنما شیخ الحدیث مولانا سلیم اللہ خان ترک کے سانحہ ارتحال پر اہل خانہ و صاحبزادوں و دیگر متعلقین ہزاروں شاگردوں سے رنج و غم و دلی تعزیت کا اظہار کیا گیا۔ مولانا محمد امین انصاری کی والدہ مرحومہ کیلئے دعائے مغفرت کی گئی۔ سیمینار کے دوران فلسطین کشمیر و افواج پاکستان کے ساتھ تین مرتبہ اظہار یکجہتی کیا گیا۔
سیمینارمیں شیخ الحدیث مولانا مفتی محمد داؤد کے ادارے جامع مسجد زکریا ومدرسہ منبع العلوم و انسداد منشیات مرکز فرید گوٹھ کی حالیہ تین ماہ سے بجلی پانی گیس بند کئے جانے کی شدید مذمت کی اور فوری بحالی کا مطالبہ کیا گیا۔ محاذ کے صوبائی رہنما استاذ القرأ مولانا قاری محمد اقبال رحیمی کی مسجد دیوا اکیڈمی سے جبری بے دخلی اور 28 سالوں کی تنخواہوں کی عدم ادائیگی کیخلاف گورنر، وزیراعلیٰ، محتسب اعلیٰ سندھ، وزیر تعلیم و وزیر مذہبی امور و اوقاف و دیگر متعلقہ اداروں سے فوری ایکشن لینے کا پرزور مطالبہ کیا گیا۔ سیمینار میں تحفظ حقوق تاجران ویلفیئر کے رہنماؤں، عہدیداروں سمیت دیگر شخصیات نے دفاع افواج پاکستان فورم اور متحدہ علماء محاذ میں اپنی شمولیت کا اعلان کیا۔
سیمینار سے علامہ زاہد حسین ہاشمی مشہدی، مولانا عزت اللہ، لاہور سے آئے ہوئے دفاع افواج پاکستان فورم یوتھ ونگ لاہور کے صدر محمد رطیب جاوید، نائب صدر جنید منور، فیضان فاروقی، وسیم بٹ، صوفی راشد، مولانا فرحان سلفی، پیس اسپیکر حیات محمد خان ایڈووکیٹ، مولانا پیر حافظ گل نواز خان ترک، محمد شعیب، محمد یوسف، پاکستان نظریاتی پارٹی کے رہنماؤں کاشف بروہی، اعجاز افضل، نعیم خان، ابرار، ڈاکٹر فیضان فاروقی، تحریک صوبہ ہزارہ و کڑلال ویلفیئر کمیٹی کے رہنماؤں علامہ مرتضیٰ خان رحمانی، سردار ارشد کڑلال، سردار طارق یوسف، سردار عتیق الرحمن، سردار جمال و دیگر نے شرکت اور بعض نے خطاب کیا۔ معروف نعت و منقبت خواں ایاز قادری نے بارگاہ رسالت ۖ میں نذرانہ عقیدت پیش کیا۔ علامہ مرزا یوسف حسین نے ملکی امن و استحکام فلسطین کشمیر، افواج پاکستان کیلئے خصوصی دعا کرائی۔ مولانا محمد امین انصاری نے سیمینار میں شرکت کرنے والے تمام معززین مذہبی سیاسی و دیگر شخصیات کا تہہ دل سے شکریہ ادا کیا۔
ذریعہ
ذریعہ: Islam Times
کلیدی لفظ: متحدہ علماء محاذ فلسطین و کشمیر افواج پاکستان مولانا مفتی پاکستان کے مفتی محمد کا اظہار کے رہنما محاذ کے کیا گیا
پڑھیں:
تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ
وزیر اطلاعات پنجاب عظمیٰ بخاری۔فوٹو: فائلوزیر اطلاعات پنجاب عظمیٰ بخاری کا کہنا ہے کہ تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ ہوئے، ورلڈ سمٹ آن دی انفارمیشن سوسائٹی (ڈبلیو ایس آئی ایس) میں دو منصوبوں کی شارٹ لسٹنگ کے ساتھ دنیا کا واحد ملک بن گیا۔
عظمیٰ بخاری نے کہا کہ اقوامِ متحدہ ڈبلیو ایس آئی ایس پرائز 2026 میں پنجاب کا ورچوئل سینٹر فار چائلڈ سیفٹی میرا پیارا عالمی چیمپئن پروجیکٹ قرار پایا، ورچوئل سینٹر فار چائلڈ سیفٹی ’’میرا پیارا‘‘ پروجیکٹ دنیا کے ٹاپ فائیو میں شامل ہوگیا۔
صوبائی وزیر نے کہا کہ پنجاب حکومت کا ورچوئل ویمن پولیس اسٹیشن بھی دنیا بھر کے ٹاپ 20 پروجیکٹس میں شارٹ لسٹ ہوگیا، ورچوئل سینٹر فار چائلڈ سیفٹی کی بدولت 77 ہزار سے زائد گمشدہ بچے بازیاب، ماؤں کی گودیں ہری ہو گئیں، حکومت نے 3 ہزار اسپیشل (معذور) بچوں کو بھی تلاش کر کے خاندانوں سے ملوایا، بدسلوکی، آن لائن استحصال اور کمزور بچوں کے تحفظ کے ہزاروں کیسز حل کیے گئے۔
عظمیٰ بخاری نے کہا کہ پنجاب میں اب تک مختلف کیٹیگریز کے 1,45,772 کیسز رپورٹ، 1,36,157 کیسز کو کامیابی سے حل کیا گیا، رپورٹ ہونے والے مقدمات میں سے 26,274 ایف آئی آرز رجسٹرڈ،7,081 چالان عدالتوں میں جمع کروا دیے گئے۔
صوبائی وزیر نے مزید بتایا کہ گمشدہ اور اغوا ہونے والے 54,741 بچوں میں سے 53,811 بچوں کو کامیابی سے تلاش کر کے اہلخانہ سے ملا دیا گیا، ریسکیو ٹیموں کی کارروائی کے نتیجے میں 22,989 بچے ملے، 21,178 کو خاندانوں کے سپرد کیا گیا، اس وقت سسٹم میں 930 بچے لاپتہ اور 1,811 بچے تاحال غیر شناخت شدہ ہیں۔
وزیر اطلاعات پنجاب نے کہا کہ بچوں پر تشدد اور ابیوز کے 15,447 کیسز رپورٹ ہوئے، 5,075 ایف آئی آرز درج کی گئیں، چائلڈ ابیوز کیسز میں 3,830 ملزمان کو گرفتار کر کے 4,168 مقدمات کے چالان عدالتوں میں جمع کروائے جا چکے ہیں، بچوں کے خلاف آن لائن اور ڈیجیٹل ابیوز کے 191 کیسز سامنے آئے، 14 ایف آئی آرز درج اور 5 ملزمان کو گرفتار کیا گیا۔
عظمیٰ بخاری نے کہا کہ خصوصی افراد کے مجموعی طور پر 4,377 کیسز رپورٹ ہوئے، 2,984 افراد کو بازیاب کروا کے خاندانوں سے ملایا گیا، خصوصی افراد کے تحفظ کو یقینی بنانے کے لیے پولیس نے اب تک 646 ایف آئی آرز درج کیں، چائلڈ پروٹیکشن بیورو میں 251 اور دارالامان میں 14 متاثرہ افراد کو فوری پناہ اور حکومتی سرپرستی فراہم کی گئی۔
انہوں نے کہا کہ وزیر اعلیٰ پنجاب مریم نواز نے میرا پیارا یو این گلوبل چیمپئن قرار دیے جانے پر اظہار تشکر کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ