تاجروں کا حکومت سے حلیم پلازہ متاثرین کی معاونت کا مطالبہ
اشاعت کی تاریخ: 22nd, January 2026 GMT
اپنے بیان میں تاجروں نے مطالبہ کیا کہ صوبائی حکومت فوری طور پر متاثرین تاجروں کو معاوضہ دے اور انکے کاروبار کی بحالی کے لیے فوری اقدامات کرے۔ اسلام ٹائمز۔ ایوان صنعت و تجارت کوئٹہ کے صدر حاجی محمد ایوب مریانی و دیگر نے کوئٹہ کے مرکزی علاقے لیاقت بازار میں واقع حلیم پلازہ میں آتشزدگی کے باعث تاجروں کو ہونے والے نقصانات پر افسوس کا اظہار کرتے ہوئے حکومت سے مطالبہ کیا ہے کہ وہ متاثرہ تاجروں کے نقصانات کی تلافی کے لئے مالی معاونت کا اعلان کرے۔ اپنے جا ری کردہ بیان میں انہوں نے کہا ہے کہ صوبائی دارالحکومت کوئٹہ کے وسطی علاقے لیاقت بازار میں حلیم پلازہ میں آتشزدگی سے وہاں موجود دکانوں میں کروڑوں روپے کے کمپیوٹرز، موبائل فونز، گارمنٹس اور دیگر قیمتی سامان جل کر خاکستر ہو گئے ہیں۔ نا صرف تاجروں کو کروڑوں روپے کا بھاری نقصان پہنچا ہے، بلکہ سینکڑوں خاندانوں کا روزگار بھی داؤ پر لگ گیا ہے۔ ایوان صنعت و تجارت واقعہ پر رنج و غم کا اظہار کرتا ہے کیونکہ یہ سانحہ تاجر برادری کے لیے زبردست مالی صدمہ ہے۔ انہوں نے مطالبہ کیا کہ صوبائی حکومت فوری طور پر متاثرین تاجروں کو معاوضہ دے اور ان کے کاروبار کی بحالی کے لیے فوری اقدامات کرے۔ انہوں نے کہا ہے کہ حالات کا جائزہ لیا جائے تاکہ نقصانات کی چھان بین ہو اور تاجروں کو مالی امداد دی جائے تاکہ وہ دوبارہ کاروبار شروع کر سکیں۔
.
ذریعہ
ذریعہ: Islam Times
کلیدی لفظ: تاجروں کو
پڑھیں:
قید تنہائی میں رکھا ہوا ہے، یہ عمران خان کی آنکھ میں آنکھ ڈال کر دیکھ بھی نہیں سکتے، علیمہ خان
راولپنڈی ( اُردو پوائنٹ اخبارتازہ ترین۔ 02 جون2026ء ) پاکستان تحریک انصاف کے بانی عمران خان کی ہمشیرہ علیمہ خان کا کہنا ہے کہ جب بھی حکومت کو لگتا ہے عوام کا غصہ اور ٹمپریچر بڑھ رہا ہے، تو یہ خود کو بچانے کیلئے ڈیل کی باتیں اور افواہیں پھیلانا شروع کر دیتے ہیں، حقیقت میں کوئی ڈیل نہیں ہو رہی۔ میڈیا سے گفتگو کرتے ہوئے انہوں نے کہا کہ میڈیا ہم سے سوال کرنے کے بجائے حکومت سے جواب طلب کرے کہ عمران خان کو گزشتہ 7 ماہ سے غیر قانونی قیدِ تنہائی میں کیوں رکھا گیا ہے؟ صحافی وفاقی وزیر داخلہ محسن نقوی سے جا کر اس قیدِ تنہائی کی وجہ پوچھیں، ہمارا خاندان کسی قسم کا سیاسی این آر او یا ریلیف نہیں مانگ رہا، قیدِ تنہائی کا خاتمہ عمران خان کا بنیادی اور قانونی حق ہے۔ علیمہ خان نے الزام لگایا کہ گزشتہ 8 مہینوں سے عمران خان کو ذہنی و جسمانی ٹارچر کا نشانہ بنایا جا رہا ہے، ملک میں کوئی قانون نہیں چل رہا، اگر حکومت ہمیں جیل میں ڈالنا چاہتی ہے تو شوق سے ڈال دے، لیکن عمران خان کی آنکھوں کے علاج اور معائنے کے لیے انہیں فوری طور پر شفا انٹرنیشنل ہسپتال منتقل کیا جائے اور وہاں کے ماہر ڈاکٹرز سے ان کا طبی معائنہ کروایا جائے۔(جاری ہے)
انہوں نے سوال اٹھایا کہ سابق آرمی چیف کیوں عمران خان سے ملنے جائیں گے؟ وہ تو عمران خان کی آنکھوں میں آنکھیں ڈال کر دیکھ ہی نہیں سکتے، پارٹی چیئرمین بیرسٹر گوہر نے بھی واضح کر دیا ہے کہ یہ تمام باتیں بالکل جھوٹ ہیں، جب بھی حکومت کو لگتا ہے کہ عوام کا غصہ اور ٹمپریچر بڑھ رہا ہے، تو یہ خود کو بچانے کے لیے ڈیل کی باتیں اور افواہیں پھیلانا شروع کر دیتے ہیں، جبکہ حقیقت میں کوئی ڈیل نہیں ہو رہی۔ عمران خان کی ہمشیرہ نے کہا کہ جب آپ لوگوں کے ووٹ چوری کریں گے اور عوام سمجھ جائیں گے کہ ان کے ووٹ کی کوئی حیثیت نہیں رہی، تو پھر ان کا شدید ردعمل آئے گا، حکومت کبھی لاٹھی سے تو کبھی گولی سے عوام کو مارتی ہے، ووٹ چوری سے پی ٹی آئی کا نہیں بلکہ اس عام شہری کا حق مارا جاتا ہے جس کا وہ ووٹ ہوتا ہے، گلگت بلتستان میں بھی وہی کچھ دہرایا جا رہا ہے جو عام انتخابات 2024ء میں کیا گیا تھا، وہاں پی ٹی آئی کو انتخابی مہم تک چلانے کی اجازت نہیں دی جا رہی، یاد رکھیں ظلم ہمیشہ وہی کرتا ہے جو اندر سے خود شدید خوفزدہ ہوتا ہے۔ علیمہ خان نے کہا کہ ہم پی ٹی آئی کی قیادت سے درخواست کرتے ہیں کہ وہ ہمارے ساتھ آ کر یہاں بیٹھیں، جب قیادت آئے گی تو تمام ایم این ایز، ایم پی ایز، سینیٹرز اور تنظیم کے سینئر رہنما یہاں موجود ہوں گے، اگر پی ٹی آئی کی موجودہ قیادت اس فائنل کال پر بھی باہر نہیں نکلتی، تو پھر میڈیا اور عوام کا حق ہے کہ وہ ان رہنماؤں سے سوال کریں کہ وہ اپنے عظیم لیڈر کے لیے باہر کیوں نہیں آ رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ