خیبرپختونخوا میں خاتون کے ہاں بیک وقت 5 بچوں کی پیدائش
اشاعت کی تاریخ: 23rd, January 2026 GMT
صوابی (ویب ڈیسک) صوبہ خیبرپختونخوا کے شہر صوابی میں ایک خاتون نے بیک وقت پانچ بچوں کو جنم دیا ہے۔
یہ منفرد واقعہ صوابی کے باچا خان میڈیکل کمپلیکس میں پیش آیا، جہاں خاتون کے ہاں ایک بیٹا اور چار بیٹیاں پیدا ہوئیں، ہسپتال انتظامیہ کے مطابق تمام بچے قبل از وقت پیدا ہوئے ہیں اور انہیں خصوصی طبی نگرانی میں رکھا گیا ہے۔
ہسپتال کے ترجمان کا کہنا ہے کہ زچہ اور بچوں کو جدید طبی سہولتیں فراہم کی جا رہی ہیں اور ڈاکٹروں کی ٹیم مسلسل ان کی صحت کی نگرانی کر رہی ہے، ابتدائی طور پر ماں اور بچے مستحکم حالت میں ہیں، تاہم قبل ازوقت پیدائش کے باعث انہیں مزید دیکھ بھال کی ضرورت ہے۔
واقعے کے بعد ہسپتال میں خوشی کی فضا قائم ہوگئی ہے اور لواحقین نے ڈاکٹروں اور طبی عملے کی کوششوں کو سراہا ہے۔
ہسپتال انتظامیہ کے مطابق ایسے کیسزمیں خصوصی سہولیات اور تجربہ کارعملہ تعینات کیا گیا ہے تاکہ ماں اور بچوں کی جان کومحفوظ رکھا جا سکے۔
.
ذریعہ
ذریعہ: Daily Mumtaz
پڑھیں:
لاہور سے تعلق رکھنے والی سعدیہ زاہدی عالمی فضائی تنظیم کی پہلی خاتون ڈائریکٹر جنرل مقرر
سعدیہ زاہدی— تصویر بشکریہ سوشل میڈیالاہور سے تعلق رکھنے والی سعدیہ زاہدی عالمی فضائی تنظیم آئی اے ٹی اے (IATA)، (انٹرنیشنل ایئر ٹرانسپورٹ ایسوسی ایشن) کی پہلی خاتون ڈائریکٹر جنرل مقرر ہو گئیں۔
سعدیہ زاہدی یکم نومبر سے اپنی ذمے داریاں سنبھالیں گی۔
سعدیہ زاہدی اس وقت ورلڈ اکنامک فورم (WEF) میں مینیجنگ ڈائریکٹر کے طور پر خدمات انجام دے رہی ہیں۔
ان کا کہنا ہے کہ عالمی فضائی صنعت میں جدت، مضبوطی اور پائیدار ترقی کے لیے کام کروں گی۔
سعدیہ زاہدی سوئس اور پاکستانی شہریت رکھتی ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع