بریانی آخری کھانا ثابت ہوئی، پوسٹ مارٹم نے راز کھول دیا
اشاعت کی تاریخ: 23rd, January 2026 GMT
رات کے کھانے میں بریانی عام طور پر خوشی کا باعث بنتی ہے، مگر بھارتی ریاست آندھرا پردیش میں ایک شخص کے لیے یہی بریانی آخری کھانا ثابت ہوئی۔
چلوور گاؤں میں پیاز کے ایک تاجر نے دن بھر کی تھکن کے بعد گھر آ کر کھانا کھایا، جو اس کی بیوی نے خوشبودار بریانی کی صورت میں پیش کیا۔
یہ بھی پڑھیں: 2 بیویوں کے شوہر نے ’لائیو اِن پارٹنر‘ کو قتل کر کے لاش جلادی
مذکورہ جوڑا 2007 سے شادی کے بندھن میں تھا، بیوی نے اپنی تیارکردہ بریانی میں تقریباً 20 نیند کی گولیاں ملا دی تھیں۔
میڈیا رپورٹس کے مطابق خاتون کا اپنے ایک مرد ساتھی کے ساتھ مبینہ تعلق تھا اور وہ اپنے شوہر کو اس تعلق میں رکاوٹ سمجھتی تھی۔
Andhra woman puts 20 sleeping pills in husband’s biryani, chokes him to death and spends night watching porn beside his body.
Questions arose when relatives suspected blood from victims ears. pic.twitter.com/ADUGR3m82S
— The Tatva (@thetatvaindia) January 23, 2026
ایک ساتھ زندگی گزارنے کی خواہش میں خاتون نے اپنے مبینہ عاشق کے ساتھ مل کر شوہر کو قتل کرنے کا منصوبہ بنایا۔
18 جنوری کو اس ضمن میں تیار کی گئی خواب آور بریانی شوہر کو کھلا دی گئی۔
رات تقریباً ساڑھے گیارہ بجے جب وہ بے ہوش ہو گیا تو خاتون کا ساتھی، جو پہلے سے موقع پر موجود تھا، گھر میں داخل ہوا۔
مزید پڑھیں: خوشاب: بڑی بہن نے فائرنگ کرکے چھوٹی بہن کو قتل کر دیا
اس نے تاجر کے سینے پر بیٹھ کر اسے دبوچ لیا جبکہ خاتون نے تکیے سے اس کا منہ بند کر دیا۔
موت کی تصدیق کے بعد مرد موقع سے فرار ہو گیا جبکہ خاتون پوری رات لاش کے پاس بیٹھی رہی۔
صبح اس نے شور مچایا اور دعویٰ کیا کہ اس کے شوہر کا انتقال دل کا دورہ پڑنے سے ہوا ہے۔
مزید پڑھیں: لاہور، سابق ایکسائز آفیسر رانا آفتاب احمد قتل، پولیس نے 4 نامعلوم افراد کے خلاف مقدمہ درج کرلیا
تاہم رشتہ داروں نے مقتول کے کان کے قریب سوکھے ہوئے خون کے دھبے اور جسم پر چوٹوں کے نشانات دیکھ کر شک ظاہر کیا۔
پولیس نے لاش کا پوسٹ مارٹم کروایا تو معلوم ہوا کہ موت دم گھٹنے کے باعث ہوئی تھی۔
جس کے بعد خاتون اور اس کے ساتھی کو گرفتار کر لیا گیا ہے، واقعے کی مزید تفتیش جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آندھرا پردیش بریانی بھارتی ریاست بے ہوش پیاز تاجر خاتون شوہر عاشق لاش
ذریعہ
ذریعہ: WE News
کلیدی لفظ: بریانی بھارتی ریاست بے ہوش پیاز تاجر خاتون شوہر لاش
پڑھیں:
کوہستان کرپشن کیس، نیب نے 6 ارب کے ریکور اثاثے خیبر پختونخوا کے حوالے کردیے
فائل فوٹوکوہستان مالیاتی کرپشن کیس میں قومی احتساب بیورو (نیب) نے 6 ارب روپے کے اثاثے ریکور کرکے خیبر پختونخوا حکومت کے حوالے کردیے جبکہ مزید ریکوری کا عمل جاری ہے۔
چیئرمین نیب لیفٹیننٹ جنرل (ر) نذیر احمد نے پشاور میں اثاثے چیف سیکرٹری خیبر پختونخوا شہاب علی شاہ کے حوالے کیے۔
نیب حکام کے مطابق پہلے مرحلے میں 6 ارب روپے سے زائد مالیت کے اثاثے صوبائی حکومت کے حوالے کیے گئے ہیں، جن میں نقد رقم، سونا، قیمتی جائیدادیں اور لگژری گاڑیاں شامل ہیں، اثاثوں کی واپسی منظم اور جامع تحقیقات کے نتیجے میں عمل میں آئی۔
نیب حکام کے مطابق کوہستان مالیاتی کرپشن میں سرکاری فنڈز سے 37 ارب روپے سے زائد کا غبن ہوا ہے، پیچیدہ مالیاتی غبن کو مؤثر تحقیقات کے ذریعے بے نقاب کیا گیا۔
چیئرمین نیب نے کہا کہ ڈائریکٹر جنرل (ڈی جی) نیب خیبر پختونخوا فرمان اللہ اور تحقیقاتی ٹیم کی کارکردگی قابل ستائش ہے۔
انہوں نے مزید کہا کہ کوہستان مالیاتی کرپشن میں مزید ریکوری کا عمل جاری ہے، قانونی کارروائی مکمل ہونے پر مزید اثاثے خیبر پختونخوا حکومت کو منتقل کیے جائیں گے، عوامی وسائل قومی امانت ہیں، ان کے تحفظ کے لیے ہر ممکن اقدام کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ