سندھ میں پولیس اور رینجرزبھی کچے کے ڈاکوؤں سے محفوظ نہیں‘ کاشف شیخ
اشاعت کی تاریخ: 24th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر) امیرجماعت اسلامی سندھ کاشف سعید شیخ نے سکھر شکارپور قومی شاہراہ پر لکی غلام شاہ کے مقام پر مسافر گاڑیوں سے لوٹ مار اور ڈاکووں کی جانب سے پولیس پارٹی پر شدید فائرنگ کے نتیجے میں ایس ایچ اوخمیسو بروہی کی شہادت پر افسوس اور دکھ کا اظہار کرتے ہوئے کہا ہے کہ افسوس ناک واقعے نے پیپلزپارٹی کی حکومت اور وزیرداخلہ کی جانب سے امن امان کے دعووں کی قلعی کھول کر رکھ دی ہے،جب پولیس اور رینجرز کے اہلکار بھی ڈاکو راج سے محفوظ نہیں تو عام لوگوں کا کیا حال ہوگا۔ سندھ میں کچے اور پکے کے ڈاکو آزاد جبکہ شریف اور امن پسند لوگ پولیس گردی کا شکار ہیں، وفاقی حکومت کی جانب سے محض اپنے مخالفین کو کچلنے اور ٹرمپ کی خوشامد کیلئے کاوشیں جاری ہیں جبکہ سندھ سمیت پورے ملک میں امن امان کی بحالی،عوام کی جان ومال اور عزت آبرو کے تحفظ کیلئے کسی قسم کے اقدامات نہیں کئے جارہے ہیں جس کی وجہ سے عام آدمی شدید خوف وہراس کا شکار ہے۔ صوبائی امیر نے آج ایک بیان میں مزید کہا کہ سندھ میں آئے روز ڈاکو شاہراہوں پر مسافر گاڑیوں کو روک کر موبائل ،نقدی سمیت قیمتی سامان لوٹ کر فرار ہوجاتے ہیں اب تو سکھر ملتان موٹروے سمیت کوئی بھی سڑک محفوظ نہیں لیکن سترہ سالوں سے سندھ پر برسراقتدار جماعت اپنے اقتدار کو محفوظ بنانے اور سندھ میں مثالی حکمرانی کے جھوٹے دعوے کرنے کے سوا کچھ بھی نہیں کررہی۔بلاول زرداری کی جانب سے سندھ حکومت کی بے مثال کارکردگی کے تمام تر دعوے گل پلازہ کی راکھ میں دفن ہو چکے ہیں،ایک طرف ملک کے سب سے بڑے شہر کی حالت زار جہاں لوگ کبھی آگ تو کبھی خونی ڈمپروں اور اسٹریٹ کرائم میں اپنی جان سے ہاتھ دھو رہے تو دوسری جانب سندھ بھر میں گذشتہ کئی سالوں سے ڈاکو راج اور پولیس گردی نے لوگوں کا جینا حرام کردیاہے
ذریعہ
ذریعہ: Jasarat News
کلیدی لفظ: کی جانب سے
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار