کراچی: ایک ماہ میں 3 ہزار سے زائد کتوں کے کاٹنے کے کیسز ریکارڈ
اشاعت کی تاریخ: 24th, January 2026 GMT
کراچی میں یکم جنوری سے اب تک شہر بھر کے اسپتالوں میں کتوں کے کاٹنے کے کیسز میں شدید اضافہ دیکھنے میں آیا ہے، جہاں تین ہزار سے زائد افراد متاثر ہو چکے ہیں۔
انڈس اسپتال کے ترجمان کے مطابق رواں سال اب تک ان کے مختلف مراکز میں 1,300 سے زائد ڈاگ بائٹ کیسز رپورٹ ہو چکے ہیں۔ جناح اسپتال میں اسی عرصے کے دوران 700 سے زائد متاثرین رجسٹر ہوئے، جبکہ سول اسپتال میں ایک ہزار نئے کیسز سامنے آئے ہیں۔
اسپتال حکام کے مطابق متاثرہ افراد کی بڑی تعداد روزانہ ایمرجنسی میں پہنچتی ہے، اور نجی اسپتالوں میں بھی ایسے واقعات رپورٹ ہو رہے ہیں۔ مثال کے طور پر اسٹیڈیم روڈ پر ایک نجی اسپتال میں اب تک 20 کیسز رجسٹر ہوئے، جبکہ فیڈرل بی ایریا کے ایک نجی اسپتال میں بھی اتنے ہی کیسز رپورٹ ہوئے۔
ڈاکٹر فاروق مامجی نے بتایا کہ متاثرین کو ابتدائی طبی امداد دی جاتی ہے، اور ضروری ہونے پر انہیں مزید علاج کے لیے سرکاری اسپتال منتقل کیا جاتا ہے۔
حکام نے عوام سے اپیل کی ہے کہ وہ کتوں کے کاٹنے کے خطرات سے بچاؤ کے اقدامات اختیار کریں اور متاثر ہونے کی صورت میں فوراً طبی امداد حاصل کریں۔
ذریعہ
ذریعہ: Daily Mumtaz
کلیدی لفظ: اسپتال میں
پڑھیں:
آزاد کشمیر کے ترقیاتی منصوبوں کیلئے 54 ارب روپے سے زائد فنڈز تجویز
اسلام آباد: پی ایس ڈی پی 2026-27 کے تحت وفاقی حکومت نے آزاد جموں و کشمیر میں ترقیاتی، تعلیمی، صحت، توانائی، مواصلات اور بنیادی ڈھانچے کے مختلف منصوبوں کے لیے 54 ارب 17 کروڑ 37 لاکھ روپے سے زائد فنڈز مختص کرنے کی تجویز پیش کر دی ہے۔
بجٹ دستاویزات کے مطابق جاری ترقیاتی منصوبوں کے لیے 43 ارب 10 کروڑ 54 لاکھ روپے جبکہ نئے منصوبوں کے لیے 3 ارب 94 کروڑ 45 لاکھ روپے سے زائد فنڈز رکھنے کی سفارش کی گئی ہے۔ اس کے علاوہ آزاد کشمیر بلاک ایلوکیشن کے لیے 33 ارب روپے اور وزیراعظم کے خصوصی ترقیاتی پیکج کے لیے 5 ارب روپے مختص کرنے کی تجویز دی گئی ہے۔
پی ایس ڈی پی 2026-27 میں تعلیمی شعبے کو خصوصی اہمیت دی گئی ہے۔ آزاد کشمیر کے چار اضلاع میں دانش سکولوں کے قیام اور توسیع کے منصوبوں کے لیے 6 ارب 27 کروڑ روپے سے زائد فنڈز تجویز کیے گئے ہیں۔ ضلع باغ کے ہاڑی گہل میں دانش سکول کے لیے 2 ارب 14 کروڑ روپے، بھمبر میں 60 کروڑ روپے، وادی نیلم کے شاردا میں ایک ارب 55 کروڑ روپے جبکہ حویلی کہوٹہ میں دانش سکول کے قیام کے لیے 2 ارب 9 کروڑ روپے مختص کرنے کی سفارش کی گئی ہے۔
توانائی کے شعبے میں جگراں-II ہائیڈرو پاور منصوبے کے لیے ایک ارب 14 کروڑ 94 لاکھ روپے، شاردا-II منصوبے کے لیے 10 کروڑ روپے اور نگدر ہائیڈرو پاور منصوبے کے لیے 30 کروڑ روپے تجویز کیے گئے ہیں۔ دواریاں ہائیڈرو پاور منصوبہ بھی ترقیاتی پروگرام میں شامل ہے۔
بنیادی ڈھانچے کی بہتری کے لیے آزاد کشمیر قانون ساز اسمبلی کمپلیکس، رٹھوعہ ہریام پل اور نوسیری لیسوا بائی پاس روڈ سمیت متعدد منصوبوں کے لیے فنڈز رکھنے کی سفارش کی گئی ہے۔
صحت کے شعبے میں میرپور، مظفرآباد اور راولاکوٹ کے میڈیکل کالجوں کے انفراسٹرکچر اور سہولیات کی بہتری کے لیے کروڑوں روپے مختص کرنے کی تجویز دی گئی ہے۔ اس کے علاوہ میرپور واٹر سپلائی و سیوریج اسکیم، سالڈ ویسٹ مینجمنٹ اور ایل او سی متاثرین کی بحالی کے منصوبوں کو بھی شامل کیا گیا ہے۔
دستاویزات کے مطابق آزاد کشمیر میں لینڈ ریکارڈ کمپیوٹرائزیشن، آسان خدمت مرکز مظفرآباد، کاؤنٹر ٹیررازم ڈیپارٹمنٹ کی استعداد کار میں اضافے اور گورنمنٹ کالجز آف ٹیکنالوجی کے قیام کے منصوبوں کے لیے بھی فنڈز تجویز کیے گئے ہیں۔
حکومت نے آئندہ مالی سال کے ترقیاتی پروگرام میں تعلیم، صحت، توانائی، سڑکوں کے انفراسٹرکچر اور شہری سہولیات کے منصوبوں کو خصوصی ترجیح دی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ