ڈیرہ مراد جمالی، ولادت امام حسینؑ اور ابوالفضل العباسؑ کی مناسبت پر جشن منعقد
اشاعت کی تاریخ: 24th, January 2026 GMT
محفل جشن سے خطاب کرتے ہوئے علامہ مقصود ڈومکی نے کہا کہ امام حسینؑ کائنات کے وہ نور ہیں جنہوں نے بنی نوعِ انسان کو تاریکی اور گمراہی سے نکال کر نور و ہدایت کی طرف رہنمائی کی۔ اسلام ٹائمز۔ مجلس وحدت مسلمین ضلع نصیرآباد کی جانب سے بلوچستان کے ضلع نصیر آباد کی تحصیل ڈیرہ مراد جمالی میں واقع مسجد امام صادقؑ میں ولادت باسعادت حضرت امام حسینؑ اور حضرت ابو الفضل العباسؑ کے سلسلے میں جشن و محفل میلاد کا انعقاد کیا گیا۔ جس سے مجلس وحدت مسلمین پاکستان کے مرکزی سیکرٹری نشر و اشاعت علامہ مقصود علی ڈومکی اور ایم ڈبلیو ایم بلوچستان کے صوبائی آرگنائزر علامہ سید ظفر عباس شمسی نے خطاب کیا۔ اس موقع پر ایم ڈبلیو ایم ضلع نصیرآباد کے ضلعی صدر سید بہار علی شاہ اور صوبائی رہنماء سید عبدالقادر شاہ نے بارگاہ امامت میں نذرانۂ عقیدت پیش کیا۔
محفل سے خطاب کرتے ہوئے علامہ مقصود علی ڈومکی نے کہا کہ امام حسینؑ کائنات کے وہ نور ہیں جنہوں نے بنی نوعِ انسان کو تاریکی اور گمراہی سے نکال کر نور و ہدایت کی طرف رہنمائی کی۔ جب دنیا یزیدی ظلمت اور اندھیروں میں ڈوب چکی تھی تو فرزند رسولؐ، امام حسینؑ آفتاب ہدایت بن کر چمکے اور یزیدی ظلم، جبر اور گمراہی کو ہمیشہ کے لیے دفن کر دیا۔ انہوں نے کہا کہ خوف اور لالچ وہ بیماریاں ہیں جو انسان کو حق کے راستے پر چلنے اور حق کا ساتھ دینے سے روکتی ہیں۔ امام عالی مقامؑ نے کربلا میں نہ صرف یزیدی سلطنت کو عبرتناک شکست دی بلکہ ہر دور کے یزید کو شکست کا پیغام دیا۔ امام حسینؑ نے خوف کے بت توڑ کر انسانیت کو حریت، بیداری، شجاعت اور حق گوئی کا درس دیا۔
علامہ مقصود علی ڈومکی نے مزید کہا کہ آج دنیا بھر کے اکثر مسلم حکمران ڈونلڈ ٹرمپ کے سامنے سجدہ ریز دکھائی دیتے ہیں، جبکہ حسینیت کا راستہ ظالم کے مقابل قیام اور جدوجہد کا راستہ ہے۔ وطن عزیز پاکستان میں علامہ راجہ ناصر عباس جعفری جرات و بہادری کے ساتھ عوام کی ترجمانی کر رہے ہیں۔ انہوں نے کہا کہ ہم ڈونلڈ ٹرمپ کے نام نہاد "بورڈ آف پیس" کو دہشت گردی اور فلسطین کی مقدس سرزمین پر غاصبانہ قبضے کا بورڈ سمجھتے ہیں اور اسے مکمل طور پر مسترد کرتے ہیں۔
تقریب سے خطاب کرتے ہوئے علامہ سید ظفر عباس شمسی نے کہا کہ نواسۂ رسولؐ، امام حسینؑ سردار جنت مینار نور و ہدایت ہیں، اور ان کے راستے پر چل کر ہی ہم عصر حاضر کے یزیدوں کو شکست دے سکتے ہیں۔ دوش رسول صلی اللہ علیہ وآلہ وسلم کے سوار امام حسینؑ کو پیغمبر اسلام نے ہدایت کا چراغ اور کشتی نجات قرار دیا۔ تقریب کے اختتام پر پاکستان کی نام نہاد امن بورڈ میں شمولیت کے خلاف اور تحریک آزادیٔ فلسطین کی حمایت میں پرجوش نعرے لگائے گئے۔
ذریعہ
ذریعہ: Islam Times
کلیدی لفظ: علامہ مقصود نے کہا کہ
پڑھیں:
میاں بیوی کو تین سالہ بچی سمیت اٹھانے کی سی سی ٹی وی فوٹیج محفوظ کرنے کی درخواست ، لاہور ہائیکورٹ کی متعلقہ عدالت سے رجوع کرنے کی ہدایت
لاہور (اُردو پوائنٹ اخبارتازہ ترین - اے پی پی۔ 02 جون2026ء) لاہور ہائیکورٹ نے سی سی ڈی اہلکاروں کی جانب سے میاں بیوی اور تین سالہ بچی کو گھر سے اٹھانے کے معاملے میں سی سی ٹی وی کیمروں کی وڈیو فوٹیج محفوظ کرنے کی درخواست مسترد کرتے ہوئے درخواست گزار کو متعلقہ ٹرائل کورٹ سے رجوع کرنے کی ہدایت کر دی۔لاہور ہائیکورٹ کے جسٹس شہرام سرور چوہدری نے درخواست پر سماعت کی۔ درخواست گزار رحمان کی جانب سے ایڈووکیٹ ایاز صفدر سندھو نے دلائل دیئے۔درخواست گزار کے وکیل نے موقف اختیار کیا کہ سی سی ڈی گوجرانوالہ نے درخواست گزار کی بہن، بہنوئی اور ان کی تین سالہ بچی کو گھر سے اٹھایا اور بعد ازاں میاں بیوی کے خلاف منشیات کا جھوٹا مقدمہ درج کر دیا۔ مذکورہ میاں بیوی ایک مبینہ جعلی پولیس مقابلے کے مدعی ہیں اور پیروی سے باز نہ آنے پر انہیں جھوٹے مقدمے میں نامزد کیا گیا۔(جاری ہے)
تین سالہ بچی بھی سی سی ڈی کی تحویل میں رہی تاہم درج مقدمے میں اس کا کوئی ذکر موجود نہیں۔ عدالت سے استدعا کی گئی کہ متعلقہ مقامات کی سی سی ٹی وی فوٹیج محفوظ بنانے کے احکامات جاری کیے جائیں۔سماعت کے دوران جسٹس شہرام سرور چوہدری نے ریمارکس دیے کہ فوٹیج حاصل کرنا یا اسے محفوظ بنانا ہائیکورٹ کا کام نہیں۔ عدالت نے قرار دیا کہ ٹرائل کورٹ کے پاس سی سی ٹی وی فوٹیج محفوظ رکھنے سمیت متعدد قانونی اختیارات موجود ہیں۔عدالت نے درخواست گزار کو ہدایت کی کہ وہ اپنی درخواست متعلقہ ٹرائل کورٹ میں دائر کرے کیونکہ اس حوالے سے حکم جاری کرنے کا اختیار اسی عدالت کے پاس ہے۔بعد ازاں عدالت نے سی سی ٹی وی فوٹیج محفوظ کرنے کی درخواست مسترد کرتے ہوئے درخواست گزار کو ٹرائل کورٹ سے رجوع کرنے کی ہدایت کر دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ