حکومت نے دیوالیہ ہوتے ملک کو ترقی کی راہ پر گامزن کیا: احسن اقبال
اشاعت کی تاریخ: 25th, January 2026 GMT
احسن اقبال—فائل فوٹو
وفاقی وزیرِ منصوبہ بندی احسن اقبال نے کہا ہے کہ پی ٹی آئی حکومت خزانہ خالی چھوڑ کر گئی تھی، دو سال میں ملکی معیشت مستحکم ہو چکی ہے۔
جاری کیے گئے بیان میں انہوں نے کہا ہے کہ ملکی معیشت درست سمت میں گامزن ہے۔
وفاقی وزیرِ منصوبہ بندی احسن اقبال کا مزید کہنا ہے کہ معرکۂ حق میں عظیم کامیابی کی تاریخ میں مثال نہیں ملتی۔
ان کا یہ بھی کہنا ہے کہ حکومت نے دیوالیہ ہوتے ملک کو ترقی کی راہ پر گامزن کیا۔
دریں اثنا وفاقی وزیر منصوبہ احسن اقبال نے کہا کہ ن لیگ کی سیاست عوام اور ملکی ترقی کی سیاست ہے، ہم گالم گلوچ کی سیاست نہیں کرتے، سابق حکومت کا کام مخالفین کو چور، ڈاکو کہنا تھا۔
شکر گڑھ کے علاقے فتوال میں کارنرمیٹنگ سےخطاب کرتے ہوئے انھوں نے کہا بانی پی ٹی آئی نے برطانیہ سے آئے ہوئے 60 ارب روپے کا ڈاکا ڈالا، بانی پی ٹی آئی نے بیرونی تحائف کو کم داموں لیا اور بیچ دیا۔
انکا کہنا تھا کہ بانی پی ٹی آئی نے عوامی پیسے پر ڈاکا ڈالا اور 14 سال سزا بھگت رہے ہیں، آج ہمارے چین، امریکا، سعودیہ اور ترکیے سے بہترین تعلقات ہیں، ماضی میں نالائق، پاکستان کو سب ملکوں سے لڑا کر چلاگیا۔
احسن اقبال نے کہا آج ہمارے فیلڈ مارشل اور وزیراعظم کی دنیا بھر میں عزت ہے، ہماری عزت مخالفین کو ہضم نہیں ہو رہی، اسرائیل کی جان امریکا کے اندر ہے، اسرائیل نے کسی طاقت یا اقوام متحدہ کی پرواہ نہ کی۔
انھوں نے کہا کہ اسرائیل کا ہاتھ کوئی روک سکتا ہے تو وہ امریکا ہے، غزہ امن معاہدے میں شرکت سے بھارت اور ہماری اپوزیشن کو تکلیف ہے۔
.
ذریعہ
ذریعہ: Jang News
کلیدی لفظ: احسن اقبال نے کہا
پڑھیں:
گھوٹکی: سابق ایم پی اے شہریار شر کے بیٹے کو بازیاب کروالیا: ایس ایس پی
گھوٹکی میں ڈہرکی سے سابق رکن صوبائی اسمبلی شہریار شر کے بیٹے کو بازیاب کروالیا گیا۔
ایس ایس پی گھوٹکی انور کھیتران کا کہنا ہے کہ جہانگیر شر کو نامعلوم موٹر سائیکل سوار ملزمان نے اغوا کیا تھا۔ واقعے کی اطلاع پر پولیس اور قبیلے لوگوں نے اغوا کاروں کا تعاقب کیا۔
انہوں نے بتایا کہ بچے کو پولیس نے مقابلے کے بعد بازیاب کروا لیا تاہم اس دوران ملزمان فرار ہوگئے۔
ایس ایس پی گھوٹی کا کہنا تھا کہ اغواکاروں کی نشاندہی ہوگئی ہے، ملزمان کا تعلق بھی شر قبیلے سے ہے۔ ملزمان کی گرفتاری کے لیے تعاقب جاری ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی