حیدرآباد‘ قاسم آباد اور لطیف آباد میں چوری اور ڈکیتیوں کی وارداتوں میں اضافہ
اشاعت کی تاریخ: 27th, January 2026 GMT
data-id="863a0a8" data-element_type="widget" data-widget_type="theme-post-content.default">
حیدرآباد(نمائندہ جسارت)شہر حیدرآباد قاسم آباد اور لطیف آباد میں چوری اور ڈکیتیوں کی وارداتوں میں مسلسل اضافہ دیکھنے میں آیا ہے، رات گئے سٹی تھانے کی حدود اسلامی چوک سے ملزمان اسلحہ کے زور پر 5موبائل فون اور نقدی لوٹ کر گئے تو دوسری جانب اتوار اور پیر کی درمیانی شب پنیاری تھانے کی حدود رحمان ٹائون میں چوروں نے ایک بار پھر حیدرآباد پولیس کو چیلنج دیتے ہوئے نظام آرائیں کے گھر میں داخل ہوئے اور الماری کو کھول کر اس میں رکھا تقریبا 10تولہ سونا 3ہزار سعودی ریال اور نقدی چوری کر فرار ہوگئے۔ چوری کی مالیت تقریبا 1کڑور روہے کے قریب بتائی جاتی ہے، چوری کی اطلاع پر پنیاری پولیس اور کرائم سین یونٹ پہنچ کر تحقیقات شروع کردی ۔دوہفتوں کے درمیان چوری اور ڈکیتی کی کئی واردتیں ہوچکی ہیں،15جنوری کو بھٹائی نگر تھانے کی حدود گلستان سجاد میں دو نامعلوم ڈاکوئوں نے محکمہ آبپاشی کے ملازم محمد علی شاہ کے گھر میں داخل ہوئے اور اہل خانہ کو یرغمال بناتے ہوئے20تولہ سونا اور 60ہزار روپے نقدی لوٹ کر باآسانی فرار ہوگئے۔ 15جنوری کو بھٹائی نگر تھانے کی ہی حدود میں کار کے شوروم میں ڈکیتی کی واردات کرتے ہوئے ملزمان 12لاکھ روپے نقدی لوٹ کر فرار ہوئے ۔واردات کیخلاف شوروم مالکان نے شوروم مالکان نے سپرہائی وے پر دھرنا دیکر بیٹھ گئے اور کراچی سے پنجاب کا راستہ بلاک کردیا۔ پولیس کی یقین دہانی کے بعد تاجروں نے دھرنا ختم کیا لیکن اس واردات کے ملزمان بھی آج تک گرفتار نہ ہوسکے۔تاجر رہنمائوں کا کہنا ہے کہ بڑھتی ہوئی چوری اور ڈکیتی کی وارداتوں کی صورتحال پر تشویش ہیں پولیس کی جانب سے یقین دہانی کے سواء عملی کاروائی نظر نہیں آرہی ہیں۔
ذریعہ
ذریعہ: Jasarat News
پڑھیں:
پٹرول کی قیمت میں 4 روپے اضافے پر شہری مایوس، فوری ریلیف کا مطالبہ
افشاں رضوان:پٹرول کی قیمت میں 4 روپے فی لیٹر اضافے کے بعد شہریوں نے شدید مایوسی کا اظہار کرتے ہوئے حکومت سے فوری ریلیف دینے کا مطالبہ کیا ہے۔
شہریوں کا کہنا ہے کہ مسلسل بڑھتی ہوئی مہنگائی اور ایندھن کی قیمتوں میں اضافے نے ان کی مشکلات میں مزید اضافہ کر دیا ہے, آمدن میں کوئی اضافہ نہیں ہوا، جبکہ روزمرہ اخراجات دوگنا ہو چکے ہیں۔
شہریوں نے حکومت سے مطالبہ کیا ہے کہ پٹرولیم مصنوعات کی قیمتوں پر نظرثانی کرتے ہوئے فوری ریلیف فراہم کیا جائے.
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
پاکستان نے ورلڈ کپ 2028 کیلیے براہ راست کوالیفائی کر لیا