پہاڑوں میں میگی بیچ کر ایک دن میں حیران کن کمائی؟ صارفین دنگ رہ گئے
اشاعت کی تاریخ: 27th, January 2026 GMT
ایک بھارتی سوشل میڈیا انفلیوئنسر نے سوشل میڈیا پر ایک ویڈیو شیئر کی جس میں اس نے دعویٰ کیا کہ پہاڑوں میں میگی نوڈلز بیچ کر اس نے صرف ایک دن میں تقریباً 21,000 روپے کی آمدنی حاصل کی
بادل نامی اس انفلیوئنسر نے ایک میز اور ایل پی جی سلنڈر کے ساتھ پہاڑوں میں میگی اسٹال لگایا، جہاں اس نے دن بھر میں 300 سے 350 پلیٹیں فروخت کیں۔ ایک عام پلیٹ میگی 70 روپے اور چیز میگی 100 روپے میں دستیاب تھی۔
یہ بھی پڑھیں: ملک بھر میں سردی کی لہر برقرار، میدانی علاقوں میں شدید دھند جبکہ پہاڑوں میں یخ بستہ موسم
یہ ویڈیو تیزی سے وائرل ہو گئی اور اسے 4 لاکھ سے زائد ویوز ملے، جس نے پہاڑوں میں میگی کی مقبولیت کو اجاگر کیا۔ سوشل میڈیا صارفین نے اس آمدنی کی بنیاد پر حساب لگایا کہ اگر یہی کاروبار مستقل کیا جائے تو ایک وینڈر ماہانہ تقریباً 6 لاکھ روپے کما سکتا ہے۔ کئی صارفین نے مزاحیہ انداز میں تبصرہ کیا کہ ’کیا ہمیں اپنی نوکری چھوڑ دینی چاہیے؟‘
View this post on Instagram
A post shared by Badal Thakur (@fitt_badal)
تاہم کئی لوگوں نے واضح کیا کہ یہ رقم مجموعی آمدنی ہے اور اس میں کاروباری اخراجات شامل نہیں جیسے میگی کے پیکٹس، ایل پی جی سلنڈر، ڈسپوزایبل برتن، ٹرانسپورٹ اور مددگار کی تنخواہ۔
ایک صارف نے حساب لگاتے ہوئے بتایا کہ تمام اخراجات نکالنے کے بعد روزانہ منافع تقریباً 8,000 روپے رہتا ہے جو سخت محنت اور تھکن کے باوجود کچھ لوگوں کے لیے پرکشش ہو سکتا ہے۔
ایک صارف نے مزید کہا کہ ’یہ پھر بھی بعض ڈگریوں سے بہتر ہے لیکن -10 ڈگری میں روزانہ کام کرنا واقعی مشکل اور تھکا دینے والا ہے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پہاڑوں میں میگی میگی ہزاروں کی کمائی ویڈیو وائرل.
ذریعہ
ذریعہ: WE News
کلیدی لفظ: میگی ہزاروں کی کمائی ویڈیو وائرل
پڑھیں:
’میری قبر پہلے ہی تیار ہے‘، موت کی تیاریوں سے متعلق عطا اللہ خان عیسیٰ خیلوی کا حیران کن بیان
پاکستان کے لیجنڈری گلوکار عطا اللہ خان عیسیٰ خیلوی نے اپنی زندگی سے متعلق ایک ایسا انکشاف کیا ہے جس نے مداحوں کو حیران کر دیا۔ معروف گلوکار کا کہنا ہے کہ انہوں نے اپنے آبائی علاقے عیسیٰ خیل میں اپنی قبر پہلے ہی تیار کروا رکھی ہے اور وہ آخرت کی تیاری کو زندگی کا اہم ترین حصہ سمجھتے ہیں۔ ان کے اس بیان نے سوشل میڈیا پر نئی بحث چھیڑ دی ہے جہاں صارفین اس پر مختلف آراء کا اظہار کر رہے ہیں۔
عطا اللہ خان عیسیٰ خیلوی نے حال ہی میں صحافی ارشاد بھٹی کے پوڈکاسٹ میں شرکت کی، جہاں انہوں نے اپنی زندگی، موسیقی اور ذاتی خیالات پر کھل کر گفتگو کی۔ اس دوران انہوں نے بتایا کہ انہوں نے اپنی قبر پہلے ہی تیار کروا رکھی ہے۔
انہوں نے کہا کہ میں نے آخرت کی تیاری کر لی ہے۔ میری قبر عیسیٰ خیل میں تیار ہے، مکمل بن چکی ہے۔ اگر آپ میری زندگی میں آئیں گے تو میں آپ کو دکھا دوں گا ورنہ بعد میں خود ہی دیکھ لیں گے۔ ہمارا اپنا خاندانی قبرستان بھی ہے، جہاں میں نے اپنے لیے ایک قبر مخصوص کر رکھی ہے۔ اس کے ساتھ چند جگہیں اور بھی ہیں جن میں سے ایک کے بارے میں میں نے مذاق میں کہا تھا کہ وہ میری اہلیہ کے لیے ہے لیکن ساتھ ہی کہا کہ مذاق کر رہا ہوں حقیقت میں صرف اپنی قبر محفوظ کروائی ہے۔ اللہ ہم سب پر رحم فرمائے۔
گلوکار نے قبر کے بارے میں بتایا کہ یہ خیال اس وقت آیا جب میں نے ایک فارم ہاؤس اور مسجد تعمیر کروائی۔ پھر سوچا کہ میرے لیے بھی ایک جگہ ہونی چاہیے۔ میں اپنے کئی قریبی دوستوں، عزیزوں، خاندان کے افراد اور اپنی والدہ کو کھو چکا ہوں، اسی لیے موت کا خیال ہمیشہ ذہن میں رہتا ہے۔ میری صرف یہی دعا ہے کہ اللہ مجھے پُرسکون موت عطا فرمائے۔
یہ بھی پڑھیں: عطااللہ عیسیٰ خیلوی کس کے لکھے گانے گا کر مشہور ہوئے؟
عطا اللہ خان عیسیٰ خیلوی کے اس بیان کے بعد سوشل میڈیا پر مختلف آراء سامنے آنے لگیں۔ ایک صارف نے لکھا قبر پہلے سے بنوانا درست نہیں البتہ کفن کی تیاری کی جا سکتی ہے۔
ایک اور نے تبصرہ کیا صرف قبر تیار کر لینا کافی نہیں، اصل تیاری آخرت کی ہونی چاہیے۔ ایک صارف نے لکھا کہ ان کا ایمان مضبوط ہے، ہم تو قبر کا ذکر کرنے سے بھی گھبراتے ہیں جبکہ ایک اور صارف کا کہنا تھا قبر بنانے کے بجائے اگر اولڈ ایج ہوم بنا دیتے تو زیادہ بہتر ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عطااللہ عیسیٰ خیلوی عیسیٰ خیلوی عیسیٰ خیلوی قبر قبر گلوکار ویڈیو وائرل
بھارت سے جنگ اور افغانستان میں کارروائی خارج ازامکان نہیں، وزیردفاع