اسپین کا 5 لاکھ غیر قانونی تارکین وطن کو قانونی حیثیت دینے کا فیصلہ
اشاعت کی تاریخ: 27th, January 2026 GMT
اسپین کی بائیں بازو کی حکومت نے ایک صدارتی حکم نامے کے ذریعے تقریباً 5 لاکھ غیر قانونی تارکین وطن کو قانونی حیثیت دینے کی منظوری دینے کا فیصلہ کرلیا۔
یہ بھی پڑھیں: اسپین کی عدالت نے پاکستانی شہری کو 36 سال قید کی سزا سنادی
وزیر برائے امورِ مہاجرت ایلما سائز نے کہا ہے کہ یہ اقدام یورپ کے کئی ممالک میں سخت امیگریشن پالیسیوں کے برعکس ایک نمایاں فیصلہ ہے۔
ملک کے سرکاری نشریاتی ادارے آر ٹی وی ای سے گفتگو کرتے ہوئے ایلما سائز نے بتایا کہ قانونی حیثیت حاصل کرنے والے افراد ملک کے کسی بھی حصے اور کسی بھی شعبے میں کام کرنے کے اہل ہوں گے۔
انہوں نے مہاجرت کے مثبت اثرات پر زور دیتے ہوئے کہا کہ حکومت اسپین میں پہلے سے موجود افراد کو تسلیم اور باعزت مقام دینا چاہتی ہے۔
ان کے مطابق یہ تعداد اندازوں پر مبنی ہے اور ممکنہ طور پر پانچ لاکھ کے لگ بھگ افراد اس اقدام سے فائدہ اٹھائیں گے۔ وزارتِ مہاجرت کے ذرائع کا کہنا ہے کہ یہ سہولت ان افراد کو دی جائے گی جو کم از کم 5 ماہ سے اسپین میں مقیم ہیں اور جنہوں نے 31 دسمبر 2025 سے قبل بین الاقوامی تحفظ کے لیے درخواست دی تھی۔
مزید پڑھیے: اسپین میں تیز رفتار ٹرینوں کا خوفناک تصادم، 39افراد ہلاک، درجنوں زخمی
اس عمل میں درخواست گزاروں کے وہ بچے بھی شامل ہوں گے جو پہلے ہی اسپین میں رہائش پذیر ہیں۔ وزیر مہاجرت نے بتایا کہ درخواستیں اپریل میں وصول کی جائیں گی جو جون کے اختتام تک جاری رہیں گی۔
یہ صدارتی حکم نامہ پارلیمنٹ کی منظوری کا محتاج نہیں ہوگا جہاں سوشلسٹ جماعت کی قیادت میں قائم حکومتی اتحاد کو واضح اکثریت حاصل نہیں۔
وزیراعظم پیڈرو سانچیز کا کہنا ہے کہ اسپین کو افرادی قوت کی کمی پوری کرنے اور بڑھتی ہوئی عمر رسیدہ آبادی کے باعث پنشن اور فلاحی نظام کو محفوظ بنانے کے لیے مہاجرت کی ضرورت ہے۔
مہاجرت کے حوالے سے اسپین کی نسبتاً کھلی پالیسی یورپی یونین کے کئی ممالک میں دائیں بازو کی جماعتوں کی جانب سے امیگریشن مخالف بیانیے کے بڑھتے رجحان سے واضح طور پر مختلف ہے۔
مزید پڑھیں: اسپین کی پارلیمنٹ نے اسرائیل پر اسلحہ کی خرید و فروخت پابندی کا قانون منظور کر لیا
واضح رہے کہ اسپین یورپ کے مہاجرتی بحران کے اگلے محاذ پر ہے جہاں ہر سال ہزاروں غیر قانونی تارکینِ وطن مغربی افریقہ کے ساحل سے کینری آئی لینڈز پہنچتے ہیں۔
تاہم 2025 کے دوران اسپین میں غیر قانونی آمد میں 40 فیصد سے زائد کمی ریکارڈ کی گئی جس کی بڑی وجہ بحرِ اوقیانوس کے خطرناک راستے سے آنے والے تارکینِ وطن کی تعداد میں نمایاں کمی ہے۔
یہ بھی پڑھیے: ’یورپی تحفظاتی پروگرام‘ کے لیے بڑی کامیابی، اسپین میں نایاب گینڈے کی پیدائش
قومی ادارہ برائے شماریات کے تازہ اعداد و شمار کے مطابق اسپین کی مجموعی آبادی 4 کروڑ 94 لاکھ ہے جن میں سے 70 لاکھ سے زائد افراد غیر ملکی شہری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین اسپین میں غیرقانونی تارکین وطن.
ذریعہ
ذریعہ: WE News
کلیدی لفظ: اسپین اسپین میں غیرقانونی تارکین وطن قانونی تارکین اسپین میں اسپین کی کے لیے
پڑھیں:
سہیل آفریدی کا 10 جون کو قومی اسمبلی کے سامنے دھرنا دینے اور بجٹ کی منظوری روکنے کا اعلان
(ڈیلی پاکستان آن لائن)وزیراعلیٰ خیبرپختونخوا سہیل آفریدی کا کہنا ہے کہ اگر اس مرتبہ بھی انہیں دیوار سے لگانے کی کوشش کی گئی تو 10 جون کو ملک بھر سے پارلیمنٹیرین اسلام آباد پہنچ کر قومی اسمبلی کے سامنے دھرنا دیں گے اور وفاقی بجٹ پاس نہیں ہونے دیں گے۔اڈیالہ روڈ سے روانگی سے قبل میڈیا سے گفتگو میں سہیل آفریدی کا مزید کہنا تھا کہ خیبرپختونخوا حکومت بانی پی ٹی آئی کی جماعت کی حکومت ہے اور صوبے کے عوام نے بانی پی ٹی آئی کو ووٹ دیا ہے، اس لیے عوام کی خواہش ہے کہ صوبائی بجٹ ان کی ہدایات اور ترجیحات کے مطابق مرتب کیا جائے۔انہوں نے کہا کہ وہ چاہتے ہیں کہ بجٹ کے حوالے سے بانی پی ٹی آئی سے ملاقات کر کے ان کی منظوری حاصل کی جائے۔
وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات، امن عامہ کی صورتحال اور اہم امور پر تبادلۂ خیال
سہیل آفریدی نے اعلان کیا کہ وہ کل اسلام آباد ہائیکورٹ میں ایک درخواست دائر کریں گے اور امید ہے کہ اس مرتبہ ملاقات کی اجازت مل جائے گی۔ انہوں نے الزام عائد کیا کہ آج بھی بانی پی ٹی آئی کے اہل خانہ کو ملاقات کی اجازت نہیں دی گئی۔وزیراعلیٰ خیبرپختونخوا نے کہا کہ بانی پی ٹی آئی نے کوئی جرم نہیں کیا بلکہ انہیں ناحق قید رکھا گیا ہے۔ ان کے بقول پنجاب حکومت اور جیل انتظامیہ کی غفلت کے باعث بانی پی ٹی آئی کی آنکھ میں مسئلہ پیدا ہوا جبکہ عوام میں اس بات پر تشویش پائی جاتی ہے کہ ملاقاتوں پر پابندی کیوں عائد کی جا رہی۔
مایوسی کا دور ختم ، ہم ایک ماہ میں پوسٹ حج آپریشن کامیابی سے مکمل کریں گے: کنٹری منیجر ظہیرالدین آغا
سہیل آفریدی نے کہا کہ خیبرپختونخوا کے عوام نے بانی پی ٹی آئی کو مینڈیٹ دیا ہے اور صرف وہی وزیراعلیٰ کو تبدیل کرنے کا اختیار رکھتے ہیں۔ انہوں نے بتایا کہ وفاقی وزیر داخلہ محسن نقوی سے ان کی ملاقات بیرسٹر گوہر کی درخواست پر ہوئی تھی، علاقائی صورتحال پر گفتگو کرتے ہوئے انہوں نے کہا کہ افغانستان پاکستان کا برادر اسلامی ملک ہے اور کسی کی خوشنودی کے لیے دونوں ممالک کے تعلقات خراب نہیں ہونے چاہئیں۔
ان کا کہنا تھا کہ بانی پی ٹی آئی ہمیشہ یہ مؤقف رکھتے ہیں کہ جنگ کسی مسئلے کا حل نہیں اور پاکستان کو خطے میں ثالثی کا کردار ادا کرنا چاہیے، خیبرپختونخوا کے آئندہ بجٹ میں سماجی بہبود، تعلیم اور صحت کے شعبوں کو ترجیح دی گئی ہے۔کرپشن کے الزامات کے حوالے سے وزیراعلیٰ نے کہا کہ ان کے دفتر کے دروازے سب کے لیے کھلے ہیں اور اگر کسی کے پاس کرپشن کے ثبوت ہیں تو وہ سامنے لائے۔
بری طرح تھکا ہوا تھا، خستہ حال بے خوابی سے بوجھل سوجی آنکھوں میں نیند کی شدت کا درد، آتے ہی چارپائی پر ایسا گرا کہ شام تک ہوش ہی نہیں آیا
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ