پاکستان میں سردی کی لہر اوربرفباری ’’لانینا‘‘ کا متحرک ہونا قرار
اشاعت کی تاریخ: 28th, January 2026 GMT
کراچی: ال نینو اور لا نینا بحرالکاہل کے گہرے سمندر سے جڑی اہم موسمیاتی اصطلاحات ہیں، جو اگرچہ پاکستان سے ہزاروں میل دور وقوع پذیر ہوتی ہیں، تاہم ان کے اثرات یہاں شدید گرمی، سخت سردی، بارشوں میں کمی اور تباہ کن سیلابوں کی صورت میں نمایاں ہو جاتے ہیں۔
ال نینو سمندر کے درجۂ حرارت میں غیر معمولی اضافے جبکہ لا نینا سمندری پانی کے ٹھنڈا ہونے کی علامت سمجھا جاتا ہے۔ حالیہ دنوں میں سوشل میڈیا پر صارفین کی جانب سے کراچی سمیت ملک بھر میں سردی کی شدت اور برفباری کو لا نینا کے متحرک ہونے سے جوڑا جا رہا ہے، تاہم محکمہ موسمیات نے اس تاثر کو مسترد کر دیا ہے۔
محکمہ موسمیات کے مطابق سردیوں کے موسم میں اگر لا نینا مضبوط ہو تو یہ بارشوں کے نظام کو روک دیتا ہے، جبکہ ملک میں حالیہ بارشیں اس بات کی نشاندہی کرتی ہیں کہ لا نینا اس وقت کمزور ہے۔
ڈپٹی ڈائریکٹر اور ترجمان محکمہ موسمیات انجم نذیر ضیغم کا کہنا ہے کہ سوشل میڈیا پر یہ تاثر دیا جا رہا ہے کہ موجودہ سردی معمول کی نہیں اور اسے لا نینا سے جوڑا جا رہا ہے، جو درست نہیں۔
انہوں نے مزید بتایا کہ پاکستان ان ممالک میں شامل ہے جو عالمی موسمیاتی نظام میں معمولی تبدیلی سے بھی شدید متاثر ہوتے ہیں۔ بحرالکاہل میں جنم لینے والے ال نینو اور لا نینا اگرچہ بظاہر بہت دور ہیں، مگر ان کے اثرات پاکستان میں موسم کی شدت، بارشوں کی کمی یا زیادتی اور قدرتی آفات کی صورت میں واضح طور پر محسوس کیے جاتے ہیں۔
.
ذریعہ
ذریعہ: Al Qamar Online
کلیدی لفظ: پاکستان کھیل لا نینا
پڑھیں:
کراچی میں ہواؤں کی رفتار کم ہوگئی، درجہ حرارت بڑھنے کا امکان
کراچی:شہر قائد میں سمندری ہواؤں کی رفتار میں کمی کے سبب درجہ حرارت بڑھنے کا امکان ہے۔
محکمہ موسمیات کے مطابق شہر کا مطلع جزوی ابر آلود، گرم اور مرطوب رہنے کا امکان ہے جبکہ نمی کا تناسب بڑھنے سے گرمی زیادہ محسوس کی جائے گی۔
شہر میں جنوب مغرب سے 8 کلو میٹر فی گھنٹہ کی رفتار سے چل رہی ہے، آج زیادہ سے زیادہ درجہ حرارت 36 ڈگری تک بڑھ سکتا ہے۔ آج صبح کم سے کم درجہ حرارت 29 ڈگری سینٹی گریڈ رہا۔
محکمہ موسمیات کے مطابق آج تا اتوار کراچی میں صبح و رات کے اوقات میں کہیں کہیں بوندا باندی کا امکان ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع