اسلام آباد، وفاقی وزیر امیر مقام سے نون لیگ گلگت بلتستان کے 40 رکنی وفد کی ملاقات
اشاعت کی تاریخ: 28th, January 2026 GMT
ملاقات میں گلگت بلتستان کی سیاسی صورتحال، جی بی کے آئندہ عام انتخابات، پارٹی اتحاد اور تنظیمی امور پر تبادلہ خیال کیا گیا۔ اسلام ٹائمز۔ وفاقی وزیر اور صدر پاکستان مسلم لیگ (ن) خیبر پختونخوا انجینئر امیر مقام سے ان کے دفتر اسلام آباد میں مسلم لیگ (ن) گلگت بلتستان کے 40 رکنی وفد نے صوبائی جنرل سیکریٹری حاجی اکبر تابان کی قیادت میں ملاقات کی۔ ملاقات میں گلگت بلتستان کی سیاسی صورتحال، آئندہ عام انتخابات، پارٹی اتحاد اور تنظیمی امور پر تبادلہ خیال کیا گیا۔ اس موقع پر انہوں نے کہا کہ ہمارے قائد میاں محمد نواز شریف صاحب ہیں اور مسلم لیگ (ن) انکی قیادت میں مکمل اتحاد کے ساتھ گلگت بلتستان کے انتخابات میں بھرپور حصہ لے گی۔ وفد میں سابق وزیر گلگت بلتستان انجینئر محمد انور، سابق مشیر فیض اللہ فراق، رانی عتیقہ، سابق صدر استور بشیر احمد خان اور دیگر رہنماء شامل تھے۔
.
ذریعہ
ذریعہ: Islam Times
کلیدی لفظ: گلگت بلتستان
پڑھیں:
سابق گورنر چودھری سرور کے بیٹے انس برطانیہ کے وزیر تجارت نامزد
لندن، لاہور (نمائندہ خصوصی، خصوصی نامہ نگار) سابق گورنر پنجاب چودھری محمد سرور کے بیٹے انس سرور برطانیہ کے نئے وزیر تجارت مقرر ہوگئے۔ برطانوی وزیر اعظم اینڈی برنہم نے انس سرور کو وزیر تجارت مقرر کر دیا ہے۔ وہ اپنی نئی تقرری کے بعد ہاؤس آف لارڈ کے ممبر بھی بن جائیں گے۔ انس سرور کو برطانیہ کے تینوں ہاؤسز کا ممبر بننے کا منفرد اعزاز بھی حاصل ہو گیا ہے، وہ اس سے پہلے برطانوی سیاست میں مختلف اہم ذمہ داریاں انجام دے چکے ہیں۔ برطانیہ بھر میں پاکستانیوں نے خوشی کا اظہار کیا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی