کوٹری، انٹیگریٹیڈ ایمرجنسی اینڈ ہیلتھ سروسز کا مفت ایمبولینس سروس کا آغاز
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
کوٹری(جسارت نیوز)سندھ انٹیگریٹیڈ ایمرجنسی اینڈ ہیلتھ سروسز حیدرآباد ریجن کے 8اضلاع میں مفت ایمبولینس سروس مہیا کررہا ہے۔ غریب ونادر طبقہ کو ہنگامی بنیادوں پر طبی امداد کے ساتھ ہسپتال سے گھر پہنچانے کی سہولت بھی دی جارہی ہے جوکہ سندھ حکومت کی فری سروس ہے جس کے تحت ہزاروں افراد فائدہ اٹھا چکے ہیں۔ان خیالات کا اظہار ریجنل منیجر سندھ انٹیگریٹیڈ ایمرجنسی اینڈ ہیلتھ سروسز حیدرآباد ریجن فرید احمد خاصخیلی نے صحافیوں کے وفد کو بریفنگ دیتے ہوئے کیا۔کوٹری جامشورو اور حیدرآباد کے صحافیوں کے ایک وفد نے ریجنل آفس حیدرآباد کا دورہ کیا اور ادارے کے افسران اور عملہ کی ماہرانہ تربیت سے تعلق آگاہی حاصل کی۔صحافیوں کے وفد میں ڈسٹرکٹ پریس کلب جامشورو ایٹ کوٹری کے صدر جہانگیر سرور سہڑو۔جنرل سیکریٹری ارمان احمد عباسی سینئر نائب صدر اسماعیل رند۔نائب صدر جلیل زرین بنگش خازن اعجاز مغل اطلاعات سیکریٹری نوید پہنور ممبران مجلس عاملہ محسن خان اور گل ملاح سمیت صحافی شوکت میمن اور جاوید لاشاری نے شرکت کی۔اس موقع پر ایچ آر سینئر منیجر یاسر رضا میمن۔ایڈمن اسسٹنٹ منیجر یاسین سومرو میڈیا آفیسرز راشد لاکھیر اور رسول بخش سومرو بھی موجود تھے۔فرید احمد خاصخیلی نے بتایا کہ ادارے کا قیام کراچی میں نجی این جی اوز امن نے شروع کیا تھا جوکہ مالی بحران کے سبب ایمبولینس سروس کو کسی دوسرے ادارے کو سونپ دینا چاہتا تھا جسے سندھ حکومت نے اپنی دسترس میں لیکر اسے سندھ بھر تک پھیلا دیا ہے۔سندھ بھر میں 627ایمبولینس ہنگامی بنیادوں پر طبی امداد فراہم کررہی ہیں جبکہ ایمبولینس کے ساتھ طبی تربیت یافتہ عملہ بھی موجود ہوتا ہے۔سندھ حکومت کی جانب سے یہ سروس عوام کو مفت فراہم کی جارہی ہے جس کیلئے کوئی رقم نہیں لی جاتی ہے۔انہوں نے ایک سوال کے جواب میں بتایا کہ ہماری ایمبولینس سروس گھر سے مریض کو لیکر ہسپتال میں داخل ہونے تک مانٹرنگ میں ہوتی ہے ایمبولینس کے ساتھ تربیت یافتہ عملہ سی پی آر دینے۔انجیکشن لگانے اور مرہم پٹی کرنے کے علاوہ دیگر طبی امداد دیتا ہے۔قبل ازیں انہوں نے ڈسٹرکٹ پریس کلب جامشورو ایٹ کوٹری کے نومنتخب عہدیداران کو لونگی اجرک کا تحفہ پیش کیا اور کامیابی پر مبارکباد دی۔بعد ازاں صحافیوں کے وفد نے ادارے کے مختلف شبعوں اور طبی سہولیات کا جائزہ بھی لیا۔
ذریعہ
ذریعہ: Jasarat News
کلیدی لفظ: ایمبولینس سروس صحافیوں کے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی