پاک چین ای مائننگ پلیٹ فارم کا آغاز، معدنی شعبے میں 10 ارب ڈالر سرمایہ کاری متوقع
اشاعت کی تاریخ: 29th, January 2026 GMT
وفاقی وزیر برائے منصوبہ بندی احسن اقبال نے کہا ہے کہ پاکستان اور چین کی شراکت داری ایک نئے دور میں داخل ہو چکی ہے، جو اب محض انفرا اسٹرکچر تک محدود نہیں بلکہ پیداوار، برآمدات، روزگار اور پائیدار ترقی پر مرکوز ہے۔
پاک چین منرل کوآپریشن فورم سے خطاب کرتے ہوئےوفاقی وزیر نے بتایا کہ پاکستان اور چین نے پاک چین ای مائننگ پلیٹ فارم کا آغاز کر دیا ہے۔
یہ بھی پڑھیں: سی پیک فیز ٹو کی رفتار میں اضافہ، اقتصادی زونز کے ذریعے 2030 تک 10 ارب ڈالر سرمایہ کاری ہدف
’اس ڈیجیٹل اقدام کا مقصد پاکستانی اداروں اور چینی کمپنیوں کے درمیان معلومات کے تبادلے، منصوبہ جاتی روابط اور تعاون کو فروغ دینا ہے۔‘
اس پلیٹ فارم کے ذریعے پاکستان کے معدنی شعبے میں 10 ارب ڈالر سے زائد کی سرمایہ کاری سمیت ملک کے معدنی شعبے میں شفافیت، کارکردگی اور تعاون کو فروغ ملنے کی توقع ہے۔
احسن اقبال کہا کہ پاکستان اور چین کے سفارتی تعلقات کے 75 برس مکمل ہونے پر یہ شراکت داری تسلسل، اعتماد اور اسٹریٹجک گہرائی کی روشن مثال بن چکی ہے۔
انہوں نے کہا کہ چین پاکستان اقتصادی راہداری یعنی سی پیک نے توانائی، سڑکوں، گوادر پورٹ اور قومی رابطہ کاری کے ذریعے پاکستان کے ترقیاتی منظرنامے کو یکسر تبدیل کر دیا ہے۔
انہوں نے کہا کہ سی پیک 2.
مزید پڑھیں: چین کے تجربات سے پاکستان معاشی اور زرعی انقلاب لا سکتا ہے، سی پیک 2.0 کو کامیاب بنائیں گے: وزیراعظم شہباز شریف
انہوں نے بتایا کہ حالیہ دورۂ چین کے دوران ایک مفاہمتی یادداشت پر دستخط کیے گئے، جس کے تحت اُڑان پاکستان کے پانچ ستونوں کو چینی صدر شی جن پنگ کے فائیو گروتھ کوریڈورز سے منسلک کیا گیا، تاکہ منصوبہ بندی، سرمایہ کاری اور عملدرآمد میں ہم آہنگی پیدا ہو۔
انہوں نے کہا کہ معدنی شعبہ اُڑان پاکستان کے برآمدی اہداف کے حصول میں کلیدی کردار ادا کر سکتا ہے۔ پاکستان کے معدنی وسائل کی مالیت تقریباً 6 ٹریلین ڈالر ہے، تاہم موجودہ معدنی برآمدات صرف 2 ارب ڈالر سالانہ ہیں۔
’بہتر حکمرانی، جدید ٹیکنالوجی اور بین الاقوامی شراکت داری کے ذریعے یہ برآمدات 6 سے 8 ارب ڈالر سالانہ تک بڑھائی جا سکتی ہیں اور لاکھوں روزگار کے مواقع پیدا ہو سکتے ہیں۔‘
????BREAKING: Pakistan’s mineral exports to China reach $1.14B in 2025, led by copper and aluminium.
????https://t.co/70HEz4J9SN pic.twitter.com/oOMrR3t5Gp
— The Daily CPEC (@TheDailyCPEC) January 28, 2026
احسن اقبال نے زور دیا کہ چین کے ساتھ معدنی تعاون کو محض کان کنی تک محدود رکھنے کے بجائے ویلیو ایڈیشن، پروسیسنگ، اسمیلٹنگ اور ریفائننگ تک وسعت دی جانی چاہیے۔
انہوں نے سینڈک، ڈوڈار اور تھر منصوبوں کو اس تعاون کی کامیاب مثالیں قرار دیا، جبکہ حالیہ سرمایہ کاری معاہدوں کو شعبے میں بڑھتے اعتماد کا مظہر بتایا۔
انہوں نے چین کو تانبہ، سونا، ریئر ارتھ منرلز اور دیگر اہم معدنیات میں سرمایہ کاری کی دعوت دیتے ہوئے کہا کہ اس سے پاکستان کی معدنی دولت کو صنعتی طاقت، برآمدی مسابقت اور مشترکہ خوشحالی میں بدلا جا سکتا ہے۔
مزید پڑھیں: سی پیک فیز ٹو کا آغاز ہو چکا، چین نے کبھی کسی دوسرے ملک سے تعلق نہ رکھنے کی شرط نہیں لگائی، احسن اقبال
احسن اقبال نے چین سے اپیل کی کہ وہ پاکستان کے لیے اپنی وسیع درآمدی منڈی کھولے، کیونکہ چین کی سالانہ درآمدات تقریباً 2 ٹریلین ڈالر ہیں اور اگر پاکستان کو اس میں معمولی حصہ بھی مل جائے تو ملک آئی ایم ایف پروگرامز سے نکل سکتا ہے۔
انہوں نے کہا کہ پاکستان کی چین کو برآمدات موجودہ 3 ارب ڈالر سے بڑھ کر2035 تک 50 ارب ڈالر تک پہنچ سکتی ہیں، جس سے زرمبادلہ کے دباؤ میں نمایاں کمی آئے گی۔
فورم سے خطاب کرتے ہوئے چین کے سفیر جیانگ زائی دونگ نے پاکستان کے معدنی شعبے میں سرمایہ کاری اور استعداد کار بڑھانے میں چین کی گہری دلچسپی کا اعادہ کیا۔
مزید پڑھیں:
انہوں نے پائیداری اور بین الاقوامی تعمیراتی معیارات کی اہمیت پر زور دیتے ہوئے کہا کہ ذمہ دارانہ کان کنی سے وسائل کے بہتر استعمال اور مقامی آبادی کے ساتھ ہم آہنگ تعلقات کو فروغ دیا جا سکتا ہے۔
انہوں نے بتایا کہ سینڈک منصوبے کے تحت اب تک 5,200 سے زائد مقامی افراد کو تربیت دی جا چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احسن اقبال استعداد کار برآمدات پاک چین منرل کوآپریشن فورم پاکستان تعمیراتی معیار چین سی پیک کان کنی وزیر منصوبہ بندی
ذریعہ
ذریعہ: WE News
کلیدی لفظ: احسن اقبال استعداد کار برا مدات پاک چین منرل کوآپریشن فورم پاکستان تعمیراتی معیار چین سی پیک کان کنی انہوں نے کہا کہ سرمایہ کاری احسن اقبال پاکستان کے کہ پاکستان ارب ڈالر کے معدنی کے ذریعے سکتا ہے اور چین پاک چین چین کے سی پیک
پڑھیں:
پاکستان میں ڈالر مستحکم، پاؤنڈ اور یورو سمیت بڑی کرنسیوں کے تازہ ریٹس جاری
کراچی: اسٹیٹ بینک آف پاکستان نے 2 جون 2026 کے لیے مختلف عالمی کرنسیوں کے پاکستانی روپے کے مقابلے میں تازہ ریٹس جاری کر دیے ہیں۔ جاری کردہ اعداد و شمار کے مطابق امریکی ڈالر اپنی سابقہ سطح کے قریب برقرار ہے جبکہ برطانوی پاؤنڈ، یورو اور خلیجی ممالک کی کرنسیاں بھی مستحکم رجحان دکھا رہی ہیں۔
امریکی ڈالر کی قیمت
اسٹیٹ بینک کے مطابق امریکی ڈالر کی انٹربینک شرح 278.46 روپے رہی۔ مالیاتی ماہرین کے مطابق ڈالر کی قیمت گزشتہ کئی ماہ سے 278 سے 280 روپے کے درمیان گردش کر رہی ہے، جس سے زرمبادلہ مارکیٹ میں استحکام کا تاثر مل رہا ہے۔
سعودی ریال اور اماراتی درہم
سعودی ریال 74.19 روپے جبکہ متحدہ عرب امارات کا درہم 75.82 روپے پر برقرار رہا۔ خلیجی ممالک میں مقیم پاکستانیوں کی جانب سے بھیجی جانے والی ترسیلات زر کے باعث ان کرنسیوں کی اہمیت پاکستانی معیشت کے لیے بہت زیادہ ہے۔
یورو اور برطانوی پاؤنڈ
یورو کی قیمت 324.40 روپے جبکہ برطانوی پاؤنڈ 375.18 روپے ریکارڈ کیا گیا۔ یورپ اور برطانیہ میں زیر تعلیم پاکستانی طلبہ اور وہاں مقیم پاکستانی خاندانوں کے لیے ان کرنسیوں کی قیمتیں خصوصی اہمیت رکھتی ہیں۔
دیگر اہم کرنسیاں
کینیڈین ڈالر 201.19 روپے، آسٹریلوی ڈالر 200.03 روپے، قطری ریال 76.39 روپے، بحرینی دینار 738.61 روپے اور کویتی دینار 907.63 روپے کی سطح پر رہا، جو بدستور پاکستانی روپے کے مقابلے میں سب سے مہنگی کرنسیوں میں شامل ہے۔
آج کے نمایاں کرنسی ریٹس
امریکی ڈالر: 278.46 روپے
سعودی ریال: 74.19 روپے
اماراتی درہم: 75.82 روپے
قطری ریال: 76.39 روپے
یورو: 324.40 روپے
برطانوی پاؤنڈ: 375.18 روپے
کینیڈین ڈالر: 201.19 روپے
آسٹریلوی ڈالر: 200.03 روپے
کویتی دینار: 907.63 روپے
بحرینی دینار: 738.61 روپے
عمانی ریال: 723.26 روپے
ماہرین کے مطابق آئندہ دنوں میں روپے کی قدر کا انحصار ترسیلات زر، زرمبادلہ ذخائر، درآمدی ادائیگیوں اور عالمی مالیاتی رجحانات پر ہوگا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ