راولپنڈی: پتنگ کی ڈور سے سٹی ٹریفک پولیس کا وارڈن زخمی
اشاعت کی تاریخ: 29th, January 2026 GMT
راولپنڈی میں سٹی ٹریفک پولیس کے ایک وارڈن، محمد اسرار، پتنگ کی ڈور سے زخمی ہو گئے۔
تفصیلات کے مطابق وارڈن ڈیوٹی مکمل کرنے کے بعد واپس جا رہے تھے کہ خواجہ کارپوریشن فلائی اوور کے قریب پتنگ کی ڈور ان کے ساتھ جا لگی۔ خوش قسمتی سے ہیلمٹ اور کالر کی وجہ سے وارڈن شدید چوٹ سے محفوظ رہے، تاہم آنکھوں کے قریب اور ناک پر ڈور لگنے سے چھوٹے زخم آئے۔
ریسکیو 1122 کی ٹیم نے فوری طور پر موقع پر پہنچ کر وارڈن کو طبی امداد فراہم کی اور ان کی حالت مستحکم بتائی گئی۔
ذریعہ
ذریعہ: Daily Mumtaz
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع