پاکستان اور آسٹریلیا کے درمیان پہلا ٹی ٹوئنٹی میچ آج کھیلا جائے گا
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان اور آسٹریلیا کے درمیان 3 میچوں پر مشتمل ٹی ٹوئنٹی سیریز کا پہلا میچ آج کھیلا جائے گا۔
تفصیلات کے مطابق پاکستان اور آسٹریلیا کے درمیان 3 میچوں پر مشتمل ٹی ٹوئنٹی سیریز کا پہلا میچ آج شام 4 بجے قذافی اسٹیڈیم لاہور میں کھیلا جائے گا، 7 فروری سے شروع ہونے والے ٹی ٹوئنٹی ورلڈ کپ سے قبل یہ سیریز دونوں ٹیموں کے لیے غیر معمولی اہمیت کی حامل سمجھی جا رہی ہے۔
آسٹریلوی ٹیم بدھ کی صبح لاہور پہنچی، مہمان ٹیم کی آمد کے بعد قومی ٹی ٹوئنٹی کرکٹ ٹیم کے کپتان سلمان علی آغا اور آسٹریلوی کرکٹ ٹیم کے کپتان مچل مارش نے سیریز کی چمچاتی ٹرافی کی رونمائی کی۔
پاکستان کے خلاف آج کھیلے جانے والے ٹی ٹوئنٹی سیریز کے پہلے میچ میں آسٹریلوی ٹیم کی قیادت ٹریوس ہیڈ کے ذمے ہونے کا امکان ہے، اس سیریز کے لیے آسٹریلوی اسکواڈ میں پیٹ کمنز، جوش ہیزل ووڈ اور گلین میکسویل سمیت چند بڑے نام شامل نہیں، جو ورلڈ کپ اسکواڈ کا حصہ ہیں۔
دوسری جانب ٹی ٹوئنٹی سیریز کے پیشِ نظر لاہور پولیس کی جانب سے سخت اور فول پروف سیکیورٹی انتظامات کیے گئے ہیں۔ پولیس حکام کے مطابق سیکیورٹی ڈیوٹی پر 9 ایس پیز، 25 ڈی ایس پیز اور 73 ایس ایچ اوز تعینات کیے گئے ہیں، جب کہ مجموعی طور پر 6 ہزار سے زائد افسران اور جوان میچز کے دوران فرائض انجام دیں گے۔
سیکیورٹی پلان کے تحت 351 اپر سب آرڈینیٹس اور 188 لیڈی کانسٹیبلز بھی ڈیوٹی پر مامور ہوں گی، جبکہ سیریز کے دوران ایک ہزار سے زائد ٹریفک وارڈنز شہر میں ٹریفک کی روانی برقرار رکھنے کے لیے ذمہ داریاں سنبھالیں گے۔
سی سی پی او لاہور بلال صدیق کمیانہ کا کہنا ہے کہ پاکستان اور آسٹریلیا کے درمیان ٹی ٹوئنٹی سیریز کے دوران شہر بھر میں سیکیورٹی کو ہائی الرٹ رکھا جائے گا۔ ان کے مطابق لاہور پولیس ملکی اور غیر ملکی کرکٹرز کے ساتھ ساتھ اسٹیڈیم آنے والے شائقین کو بھی مکمل اور فول پروف سیکیورٹی فراہم کر رہی ہے۔
سی سی پی او لاہور نے پولیس افسران کو ہدایت کی ہے کہ وہ پاکستان کرکٹ بورڈ اور دیگر متعلقہ اداروں کے ساتھ مسلسل رابطے میں رہیں، جب کہ کرکٹ اسٹیڈیم، کھلاڑیوں کی رہائش گاہوں اور آمد و رفت کے تمام روٹس پر طے شدہ سیکیورٹی ایس او پیز پر مکمل عملدرآمد یقینی بنایا جائے۔
انہوں نے مزید ہدایت کی کہ اسٹیڈیم میں داخلے سے قبل ہر فرد کی مکمل تلاشی لی جائے جبکہ خواتین شائقین کی چیکنگ لیڈیز پولیس کے ذریعے کی جائے گی۔ سیکیورٹی صورتحال کی مؤثر نگرانی کے لیے سیف سٹی اتھارٹی اور دیگر کنٹرول رومز سے مسلسل مانیٹرنگ بھی کی جائے گی۔
سی سی پی او لاہور کے مطابق میچز کے دوران ڈولفن فورس، پیرو اور ایلیٹ فورس کی ٹیمیں مؤثر پٹرولنگ انجام دیں گی، جب کہ سینئر پولیس افسران فیلڈ میں موجود رہ کر حالات پر مسلسل نظر رکھیں گے، تاکہ سیریز کے دوران امن و امان کی صورتحال کو ہر صورت برقرار رکھا جا سکے۔
اس سیریز کے کمنٹری پینل میں سابق آسٹریلوی ٹیسٹ کرکٹر سائمن کیٹچ، سابق پاکستانی ٹیسٹ کپتان عامر سہیل، رمیز راجہ، باذید خان اور عروج ممتاز شامل ہیں جبکہ زینب عباس پریزینٹر ہوں گی۔
دونوں ٹیموں کے درمیان دوسرا اور تیسرا ٹی ٹوئنٹی میچ 31 جنوری اور یکم فروری کو ہو گا، سیریز کے تمام میچز کا آغاز شام 4 بجے ہو گا۔
ذریعہ
ذریعہ: Jasarat News
کلیدی لفظ: پاکستان اور آسٹریلیا کے درمیان ٹی ٹوئنٹی سیریز کے دوران سیریز کے کے مطابق جائے گا کے لیے
پڑھیں:
پاکستان اور اٹلی کے درمیان سفارتی پاسپورٹ پر ویزے کی شرط ختم
روم: پاکستان اور اٹلی کے درمیان سفارتی پاسپورٹ پر ویزے کی شرط ختم کر دی گئی۔پاکستان کے سفیر علی جاوید اور اٹلی کی وزارتِ خارجہ کے سیکرٹری جنرل، عزت مآب سفیر ریکارڈو گوارِیلیا نے حال ہی میں ایک ایسے معاہدے پر دستخط کئے ہیں. جس کے تحت سفارتی پاسپورٹ رکھنے والے افراد کیلئے ویزا کی شرط ختم کر دی گئی ہے. معاہدے پر دستخط کی پُروقار تقریب اٹلی کی وزارتِ خارجہ میں روم میں منعقد ہوئی۔تقریب سے قبل دونوں اعلیٰ حکام کے درمیان ون آن ون ملاقات ہوئی. دونوں فریقوں نے پاکستان اور اٹلی کے درمیان تزویراتی تعاون کی مضبوطی، وسعت اور مسلسل ترقی پر اطمینان کا اظہار کیا۔اس موقع پر دونوں ممالک کے درمیان روایتی طور پر دوستانہ اور تعمیری دوطرفہ تعلقات کا جامع جائزہ لیا گیا، جبکہ اقوامِ متحدہ اور یورپی یونین سمیت مختلف بین الاقوامی فورمز پر جاری تعاون پر بھی تبادلۂ خیال کیا گیا۔دونوں جانب سے اس معاہدے کو باہمی اعتماد اور دوستی کی عکاسی قرار دیا گیا اور اسے موجودہ دوطرفہ تعاون کے نظام میں ایک اہم اضافہ قرار دیا گیا. معاہدے سے سفارتی وفود کے تبادلوں میں آسانی پیدا ہوگی اور دونوں ممالک کے درمیان روابط مزید مستحکم ہوں گے۔پاکستان اور اٹلی کے درمیان اس وقت متعدد نئے معاہدوں پر غور جاری ہے. اس کے علاوہ دونوں ممالک کی جامعات اور تحقیقی اداروں کے درمیان 21 مفاہمتی یادداشتیں (MoUs) موجود ہیں، جبکہ سیاحت، ثقافت، سائنس و ٹیکنالوجی، کھیل، اعلیٰ دفاعی مطالعات اور منشیات کی سمگلنگ کے خلاف تعاون سمیت مختلف شعبوں میں دونوں حکومتوں کے درمیان 15 معاہدے طے پا چکے ہیں۔دفاعی تعاون کا معاہدہ 2009 میں طے پایا، جبکہ 2013 میں دونوں ممالک کے وزرائے خارجہ کے درمیان سٹریٹجک انگیجمنٹ پلان قائم کیا گیا، اسی طرح مشترکہ اقتصادی کمیشن 2005 میں تشکیل دیا گیا، سرمایہ کاری کے تحفظ کا معاہدہ 1997 میں طے پایا، دوہری شہریت کا معاہدہ 1983 میں جبکہ حوالگیِ ملزمان (Extradition) کا معاہدہ 1972 میں دستخط کیا گیا تھا۔اس سے قبل 7 مئی 2025 کو اسلام آباد میں پاکستان اور اٹلی کے درمیان ’’لیبر موبیلٹی اینڈ مائیگریشن‘‘ کے موضوع پر ایک مفاہمتی یادداشت پر دستخط ہوئے تھے، جو کسی یورپی ملک کے ساتھ پاکستان کا پہلا باقاعدہ لیبر معاہدہ ہے، اس معاہدے کے تحت پاکستانی افرادی قوت کو اٹلی میں پاکستانی شہریوں کیلئے مختص 10,500 ملازمتوں کے کوٹے سے فائدہ اٹھانے کا موقع حاصل ہوگا۔پاکستانی سفیر نے سیکرٹری خارجہ کی جانب سے سیکرٹری جنرل کو ساتویں دورِ دوطرفہ سیاسی مشاورت میں شرکت کیلئے پاکستان کے دورے کی دعوت بھی دی، انہوں نے 2026 کی آخری سہ ماہی میں اس اجلاس کے انعقاد کیلئے پاکستان کی آمادگی سے آگاہ کیا اور اسلام آباد میں اٹلی کے نئے سفارت خانے کے افتتاح کی خواہش کا اظہار کیا، جو اٹلی کا بیرونِ ملک سب سے بڑا سفارتی مشن ہوگا. اس موقع پر دونوں ممالک کے درمیان تعلقات کی اہمیت کو بھی اجاگر کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ