ہمیں کسی سے بھیگ مانگنے کی ضرورت نہیں، قوم کردار سے بنتی ہے: سرفراز بگٹی
اشاعت کی تاریخ: 29th, January 2026 GMT
وزیرِ اعلیٰ بلوچستان سرفراز بگٹی نے بارکھان میں خطاب کرتے ہوئے کہا کہ وہ جو وعدہ کرتے ہیں، اسے ہمیشہ پورا کرتے ہیں اور انہیں کسی سے بھیگ مانگنے کی ضرورت نہیں ہے۔
انہوں نے شرکاء سے مخاطب ہو کر کہا، “قومیں نعروں سے نہیں بنتیں، کردار سے بنتی ہیں۔ جو محنت سے بھاگ جائے وہ نام تو کما سکتا ہے، مگر مقام نہیں۔” بگٹی نے واضح کیا کہ وہ تنقید کو ہمیشہ اپنی ترقی کے لیے مثبت سمجھتے ہیں۔
وزیرِ اعلیٰ بلوچستان نے مزید کہا کہ غیرت وراثت میں ملتی ہے جبکہ ترقی محنت اور کمائی سے حاصل کی جاتی ہے۔ “اپنے سر اونچا رکھو، جیسے کوہ سلیمان بلند ہے۔ ہم ایک دوسرے کے بھائی ہیں، اور بھائی رہیں گے، بھائیوں کی طرح زندگی گزاریں گے۔”
سرفراز بگٹی نے یقین دلایا کہ فیصلے صرف تخت پر نہیں، دلوں میں لکھے جاتے ہیں اور قبائل کی محبتوں کا وہ قرض دار ہیں۔ انہوں نے لوگوں سے کہا کہ قومی نعرے کے ساتھ شامل ہوں اور سب کو یہ پیغام دیں کہ ہم پاکستانی ہیں۔
ذریعہ
ذریعہ: Daily Mumtaz
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع