مستقبل میں اسمارٹ گلاسز کے بغیر زندگی کا تصور مشکل ہوگا،مارک زکربرگ
اشاعت کی تاریخ: 29th, January 2026 GMT
فیس بک کے بانی اور میٹا کے سی ای او مارک زکربرگ نے کہا ہے کہ مستقبل میں بغیر اسمارٹ گلاسز کے زندگی کا تصور کرنا مشکل ہو گا۔
زکربرگ نے یہ بات میٹا کی مالی سال2025 کی سہ ماہی رپورٹ پیش کرنے کی تقریب کے دوران کہی اور کمپنی کے اے آئی سمارٹ گلاسز کے منصوبوں پر روشنی ڈالی۔
یہ بھی پڑھیں: میٹا نے رے بین اسمارٹ چشمے لانچ کردیے، خصوصیات کیا ہیں؟
مارک زکربرگ نے کہا کہ دنیا میں اربوں لوگ نظر کی اصلاح کے لیے چشمہ یا کانٹیکٹ لینس استعمال کرتے ہیں، اور ان کا ماننا ہے کہ جیسا اسمارٹ فونز نے موبائل فونز کا منظر بدل دیا، اسی طرح چند برسوں میں زیادہ تر چشمے اے آئی اسمارٹ گلاسز کی شکل اختیار کرلیں گے۔
انہوں نے بتایا کہ میٹا کے اسمارٹ گلاسز کی فروخت گزشتہ سال میں 3 گنا بڑھ گئی اور یہ الیکٹرانکس کی تاریخ میں سب سے تیز رفتار ترقی کرنے والے آلات میں شامل ہیں۔
میٹا کے علاوہ گوگل بھی اس سال اسمارٹ گلاسز لانچ کرنے کی تیاری کررہا ہے، جبکہ ایپل اگلے ایک یا 2 سال میں اسمارٹ گلاسز متعارف کرانے کا منصوبہ رکھتی ہے، اسنیپ نے بھی اپنی اے آر گلاسز اسپیسز کے لیے الگ سبسڈری قائم کی ہے تاکہ ان کی ترقی اور مارکیٹنگ پر زیادہ توجہ دی جاسکے۔
یہ بھی پڑھیں: اسمارٹ گلاسز کا خطرناک استعمال، خواتین سوشل میڈیا پر ہراسانی کا شکار
میٹا نے اے آئی گلاسز کے مختلف ماڈلز مارکیٹ میں پیش کردیے ہیں، جن میں اوکلے اسمارٹ گلاسز شامل ہیں جو ورزش کے دوران استعمال کے لیے ڈیزائن کیے گئے ہیں، اور یہ اب تک کے سب سے مؤثر اور دلچسپ استعمالات میں شمار کیے جاتے ہیں۔
مارک زکربرگ کا ماننا ہے کہ اے آئی اسمارٹ گلاسز مستقبل میں صارفین کی زندگیوں میں بنیادی جزو بن جائیں گے، اور یہ اس وقت ٹیکنالوجی کی دنیا میں سب سے اہم شعبوں میں سے ایک بننے کی راہ پر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسمارٹ چشمے ایپل اے آئی گلاسز گوگل مارک زکرک برگ میٹا.
ذریعہ
ذریعہ: WE News
کلیدی لفظ: ایپل اے ا ئی گلاسز گوگل میٹا اسمارٹ گلاسز گلاسز کے اے ا ئی کے لیے
پڑھیں:
اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
پاکستانی شوبز انڈسٹری کے معروف اداکار شان بیگ اور ماڈل سے اداکارہ بننے والی روما مائیکل نے خاموشی سے شادی کرلی۔
اس خوشخبری کا اعلان شان بیگ نے سوشل میڈیا کے ذریعے کیا، جہاں انہوں نے اپنی اہلیہ روما مائیکل کے ساتھ ایک تصویر شیئر کی، جس پر ’Wifey‘ کا اسٹیکر بھی نمایاں تھا۔ بعد ازاں روما مائیکل نے بھی یہی تصویر اپنے انسٹاگرام اکاؤنٹ پر شیئر کرکے اس خبر کی تصدیق کردی۔
شادی کی خبر سامنے آتے ہی مداحوں، شوبز شخصیات اور ساتھی فنکاروں کی جانب سے مبارکباد اور نیک تمناؤں کا سلسلہ شروع ہوگیا۔ روما مائیکل نے اپنی انسٹاگرام اسٹوریز پر موصول ہونے والے متعدد مبارکبادی پیغامات بھی شیئر کیے، جن میں ان کی خوشحال ازدواجی زندگی کے لیے دعائیں کی گئیں۔
اس خوشخبری کے کچھ ہی دیر بعد شان بیگ نے ایک تفصیلی بیان جاری کرتے ہوئے مداحوں اور میڈیا سے اپنی نجی زندگی کا احترام کرنے کی درخواست کی۔ انہوں نے بتایا کہ ان کی سابقہ اہلیہ سے طلاق کا عمل کافی عرصہ پہلے مکمل ہوچکا تھا اور دونوں اپنی اپنی زندگی میں آگے بڑھ چکے ہیں۔ اداکار کے مطابق اب انہوں نے امید، خوشی اور شکرگزاری کے ساتھ زندگی کے ایک نئے باب کا آغاز کیا ہے۔
شان بیگ نے اپنے پیغام میں لوگوں سے اپیل کی کہ وہ ماضی کو ماضی رہنے دیں اور افواہوں، قیاس آرائیوں یا غیر ضروری موازنوں سے گریز کریں۔ ان کا کہنا تھا کہ اس وقت ان کی تمام تر توجہ اپنی نئی ازدواجی زندگی، خاندان، بطور والد اپنی ذمہ داریوں اور مستقبل پر مرکوز ہے۔
شان بیگ پاکستان میں متعدد کامیاب ڈراموں میں اداکاری کے جوہر دکھا چکے ہیں، جبکہ بین الاقوامی سطح پر بھی انہوں نے اپنی صلاحیتوں کا لوہا منوایا ہے۔ وہ حال ہی میں ہالی ووڈ سیریز ’Deli Boys‘ کے دوسرے سیزن میں بھی نظر آئے تھے۔ اداکاری کے ساتھ ساتھ وہ فیشن انفلوئنسر کے طور پر بھی خاصی شہرت رکھتے ہیں اور انہیں 2023 اور 2024 میں فلم فیئر مڈل ایسٹ کی جانب سے ’فیشن انفلوئنسر آف دی ایئر‘ کا اعزاز بھی دیا جا چکا ہے۔
دوسری جانب روما مائیکل نے بطور ماڈل اپنی شناخت قائم کرنے کے بعد اداکاری کے میدان میں قدم رکھا۔ وہ 2023 اور 2024 میں پاکستان کی نمائندگی کرتے ہوئے ’مس چارم‘ اور ’مس گرینڈ بیوٹی‘ پیجنٹس میں بھی شریک رہیں، جبکہ فلم ’کہے دل جدھر‘ سمیت متعدد پراجیکٹس میں اپنی اداکاری کے باعث بھی توجہ حاصل کر چکی ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع