کوئٹہ پولیس نے احتجاج کرنیوالے ملازمین کیساتھ سیاسی رہنماؤں کو بھی گرفتار کر لیا
اشاعت کی تاریخ: 29th, January 2026 GMT
احتجاج کرنیوالے ملازمین کیخلاف کریک ڈاؤن کرتے ہوئے پولیس نے ملازمین کی حمایت کرنیوالے سیاسی رہنماؤں کو بھی گرفتار کر لیا ہے۔ اسلام ٹائمز۔ بلوچستان کے صوبائی دارالحکومت کوئٹہ میں سرکاری ملازمین کے احتجاج کے خلاف کارروائی کرتے ہوئے کوئٹہ پولیس نے ملازمین کے ساتھ ساتھ ان کی حمایت کرنے والے سیاسی رہنماؤں کو بھی گرفتار کر لیا۔ نیشنل پارٹی کے مرکزی رہنماء ڈاکٹر رمضان ہزارہ بھی گرفتار ہو گئے ہیں۔ تفصیلات کے مطابق آج ایک بار پھر سرکاری ملازمین اپنے مطالبات کے حق میں سڑکوں پر آئیں۔ کوئٹہ پولیس نے حسب روایت ملازمین پر ہلہ بول دیا۔ ملازمین کی گرفتاری کے موقع پر ان کی حمایت کرنے والی سیاسی شخصیات کو بھی پولیس نے گرفتار کر لیا۔ نیشنل پارٹی کے مرکزی رہنماء ڈاکٹر رمضان ہزارہ، اقلیتی رہنماء درشن کمار اور عنایت بزدار بھی اس موقع پر گرفتار ہو گئے ہیں۔ نیشنل پارٹی کے صوبائی صدر اسلم بلوچ نے حکومتی اقدامات کی مذمت کرتے ہوئے مطالبہ کیا ہے کہ گرفتار ملازمین اور سیاسی رہنماؤں کو جلد رہا کرکے ان کے جائز مطالبات تسلیم کئے جائیں۔
.
ذریعہ
ذریعہ: Islam Times
کلیدی لفظ: سیاسی رہنماؤں کو گرفتار کر لیا ملازمین کی بھی گرفتار پولیس نے کو بھی
پڑھیں:
کراچی میں شوہر کے ساتھ موٹرسائیکل چوری کی درجنوں وارداتوں میں ملوث ملزمہ گرفتار
سولچر بازار پولیس نے موٹرسائیکل لفٹنگ میں ملوث خاتون ملزمہ کو گرفتار کرلیا۔
تفصیلات کے مطابق سولچر بازارپولیس نے خفیہ اطلاع پر کارروائی کرتے ہوئے موٹر سائیکل لفٹنگ میں ملوث خاتون ملزمہ سحر بتول زوجہ کاشف خان کو گرفتار کرلیا
۔پولیس کے مطابق ملزمہ کی گرفتاری سی سی ٹی وی فوٹیج کی مدد سے عمل میں لائی گئی۔گرفتار ملزمہ اپنے شوہر کے ہمراہ موٹرسائیکل لفٹنگ کی درجنوں وارداتوں میں ملوث رہی ہے۔
دونوں میاں بیوی کو موٹر سائیکل لے جاتے ہوئے سی سی ٹی وی فوٹیج میں بھی دیکھا جاسکتا ہے۔ ملزمہ کے قبضے سے موٹر سائیکل نمبر KQX-2361 میکر سپر اسٹار 70 برآمد کرلی گئی۔
گرفتارملزمہ اورفرار شوہر کے خلاف ضابطے کے تحت مقدمہ درج، مزید تفتیش جاری ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی