لائیو شو میں ٹک ٹاکر لڑکیاں لڑ پڑیں، ویڈیو وائرل
اشاعت کی تاریخ: 30th, January 2026 GMT
لائیو ٹی وی پروگرام پر ٹک ٹاکر لڑکیوں کے لڑنے اور ایک دوسرے کے بال کھیچنے کی ویڈیو سوشل میڈیا پر وائرل ہے۔
یہ ٹی وی پروگرام اس سے قبل متھیرا کی میزبانی میں ہوا کرتا تھا، جس کے کئی متنازع کلپ پہلے ہی سوشل میڈیا پر موجود ہیں اور صارفین کی تنقید کا نشانہ بن رہے ہیں۔ لیکن حالیہ تنازع نے ایک بار پھر خبروں میں جگہ بنالی ہے۔
اس شو کی میزبانی آج کل یونس خان کررہے ہیں، جو حالیہ دنوں میں لائیو ٹی وی پر ہونے والے تنازعات اور گرما گرمی کے باعث توجہ حاصل کر رہے ہیں۔
چند دن قبل یونس خان اس وقت وائرل ہوئے تھے جب معروف کامیڈین ولی شیخ سے متعلق ایک کلپ سامنے آیا تھا، جس میں ولی شیخ نے لائیو شو میں ہونے والی بے عزتی پر مایوسی کا اظہار کیا تھا۔ اب ایک اور واقعے نے شو کو ایک بار پھر سوشل میڈیا کی سرخیوں میں لا کھڑا کیا ہے۔
اس بار منظر کچھ اور ہی تھا۔ شو میں شریک دو خواتین ٹک ٹاکرز، عالیہ ستار اور آسیل لارنس، اچانک ایک دوسرے سے الجھ پڑیں۔ وائرل ہونے والی بیک اسٹیج ویڈیو میں دیکھا جاسکتا ہے کہ بحث کے دوران عالیہ ستار نے غصے میں آکر آسیل لارنس کے بال پکڑ لیے اور انہیں بدتمیزی نہ کرنے کا کہا۔
رپورٹس کے مطابق جھگڑے کی ابتدا اس وقت ہوئی جب آسیل نے الزام لگایا کہ عالیہ نے ان کا گانا چلنے نہیں دیا، جبکہ عالیہ نے جواباً طنز کرتے ہوئے شو میں بیٹھنے پر طعنے دے ڈالے۔
معاملہ ہاتھ سے نکلنے لگا تو سینئر میزبان عظمیٰ خان نے مداخلت کر کے دونوں کو الگ کیا اور ماحول کو ٹھنڈا کرنے کی کوشش کی، مگر تب تک یہ جھڑپ سوشل میڈیا پر طوفان برپا کر چکی تھی۔
ٹک ٹاکرز کی اس لڑائی نے آن لائن نئی بحث چھیڑ دی ہے۔ کئی صارفین نے اسے سستی شہرت حاصل کرنے کی کوشش قرار دیا۔ ایک صارف نے لکھا، ’’یہ سب ڈرامہ ہے، صرف شو کو وائرل کرنے کے لیے اسکرپٹڈ لڑائی کروائی گئی۔‘‘ دوسرے نے حیرت کا اظہار کرتے ہوئے کہا، ’’آخر اس ملک میں ہو کیا رہا ہے؟‘‘ ایک اور مداح نے تو شو پر پابندی لگانے کا مطالبہ بھی کر دیا اور لکھا، ’’کمزور میزبان، کمزور شو۔‘‘
کچھ صارفین یونس خان کو بھی نشانے پر لیتے دکھائی دیے۔ ایک نے تبصرہ کیا، ’’بھائی، آپ کا شو ویسے نہیں چل رہا تو یہ ہتھکنڈے چھوڑ دیں۔‘‘ جبکہ ایک اور نے طنزیہ لکھا، ’’یہی ہوتا ہے جب سڑک چھاپ لوگوں کو شو میں بلایا جائے۔‘‘
TagsShowbiz News Urdu.
ذریعہ
ذریعہ: Al Qamar Online
کلیدی لفظ: پاکستان کھیل سوشل میڈیا
پڑھیں:
بلاول کے پنجاب کے شہروں کی صورتحال پر سوالات، مریم اورنگزیب نے ویڈیو جاری کرکے جواب دیدیا
پیپلز پارٹی کے چیئرمین بلاول بھٹو کے سوالات پر پنجاب کی سینئر وزیر مریم اورنگزیب نے ویڈیو ثبوت کے ساتھ جواب دیدیے۔آزاد کشمیر کے انتخابی جلسے میں پنجاب کے شہروں کی صورتِ حال پر سوال اٹھاتے بلاول کو پنجاب کی سینئر وزیر مریم اورنگ زیب نے ویڈیو جاری کر کے جواب دیا۔ بلاول نے لاہور کے علاوہ پنجاب کے جن شہروں کے حالات پر سوال اٹھایا ، مریم اورنگزيب نے انہی شہروں کی ویڈیو شیرکردی۔مریم اورنگزيب نے پنجاب کے مختلف شہروں کی سڑکوں اور صفائی کی صورتِحال کی ویڈیو شیئر کی۔ وہاڑی اور قصور پر بلاول کے سوالوں کا جواب دیتے ہوئے وہاڑی اور قصور کی سڑکوں ، گلیوں اور صفائی کی صورتِ حال کی ویڈیو کے ساتھ دیا۔
بھارت سے جنگ اور افغانستان میں کارروائی خارج ازامکان نہیں، وزیردفاع