ایم کیو ایم خوش نہیں ہوگی، کھالیں جمع کرنے اور کھینچنے والوں سے امید نہ رکھیں: مرتضیٰ وہاب
اشاعت کی تاریخ: 30th, January 2026 GMT
میئر مرتضیٰ وہاب نے کہا ہے کہ جو کھالیں جمع کرتے ہیں یا کھالیں کھینچتے ہیں ان سے امید نہ رکھیں۔میئر کراچی نے فریئر ہال میں گیندے کے پھولوں کی3 روزہ نمائش کا افتتاح کردیا۔اس موقع پر گفتگو کرتے ہوئے مرتضیٰ وہاب نے کہا کہ ایک لاکھ 12 ہزار پھول نمائش میں رکھے گئے ہیں، جہاں جگہ ہے ،نیم ،گل موہر ،برگد ،چیکو ،امرود اور بادام کے درخت لگائیں، بلدیہ عظمیٰ سول سائٹی کو ممکن مدد فراہم کرے گی۔انہوں نے کہا کہ مشکل حالات میں وسائل کو استعمال کررہے ہیں، گل پلازہ دل دہلا دینے والا سانحہ ہے، کراچی میں بدقسمت واقعے کو بھی سانحہ کہتا ہوں اور لاہور میں بھی۔میئر کراچی کا کہنا تھا کہ آپ کچھ بھی کرلیں ، ایم کیوایم خوش نہیں ہوگی کیونکہ جو کھالیں جمع کرتے ہیں یا کھالیں کھینچتے ہیں ان سے یہ امید نہ رکھیں، ایم کیو ایم والے اپنوں کے نہیں ہوئے کسی اور کے کیا ہوں گے۔مرتضیٰ وہاب نے مزید کہا کہ جماعت اسلامی والےکہتےہیں اچھا ہے تو انہوں نے کیا، برا ہے پیپلزپارٹی نے کیا،حکومت کی کمیٹی نے تفتیش کی اور فیصلے کیے، یہ تنقید کرتے رہیں،باتیں کرتے رہیں، ہم کام کرتے رہیں گے۔
.
ذریعہ
ذریعہ: Nawaiwaqt
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی