جی ایچ کیو میں اہم ملاقات، پاکستان اور ترکی کی دفاعی شراکت داری مضبوط بنانے پر زور
اشاعت کی تاریخ: 30th, January 2026 GMT
ترکی کے چیف آف جنرل اسٹاف جنرل سیلچوک بایراکتاروگلو نے آج جنرل ہیڈکوارٹرز (GHQ) میں فیلڈ مارشل سید عاصم منیر، چیف آف آرمی اسٹاف اور چیف آف ڈیفنس اسٹاف سے ملاقات کی۔ ان کے جی ایچ کیو آمد پر پاکستان آرمی کے شاندار گارڈ آف آنر سے استقبال کیا گیا۔
آئی ایس پی آر کے مطابق ملاقات کے دوران باہمی دلچسپی کے امور، خطے اور عالمی سطح پر سیکورٹی کے پہلوؤں، اور دفاعی و عسکری تعاون کو مضبوط بنانے کے امکانات پر تبادلہ خیال کیا گیا۔ دونوں رہنماؤں نے پاکستان-ترکی تعلقات کی موجودہ راہ پر اطمینان کا اظہار کیا اور قریبی رابطہ اور دفاعی تعاون بڑھانے کی ضرورت پر زور دیا۔
فیلڈ مارشل سید آصف منیر نے پاکستان اور ترکی کے تاریخی تعلقات، اور عوامی روابط کو سراہا اور ترکی کی مسلح افواج کے تعاون کی قدر دانی کی۔ انہوں نے دوطرفہ عسکری تعلقات کو مزید مضبوط کرنے کے پاکستان کے عزم کو دہرایا۔
جنرل بایراکتاروگلو نے گرم جوشی سے استقبال پر شکریہ ادا کیا اور پاکستان آرمی کے پیشہ ورانہ معیار کو سراہا۔ انہوں نے دفاعی تعاون، تربیت، مشترکہ مشقیں اور صلاحیت سازی کے اقدامات کو گہرا کرنے کے لیے ترکی کے عزم کو بھی دہرایا۔
یہ دورہ پاکستان اور ترکی کے اسٹریٹجک پارٹنرشپ کی مضبوطی اور خطے میں امن، استحکام اور سلامتی کے مشترکہ عزم کی عکاسی کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
جماعت اسلامی کے سیکریٹری جنرل امیرالعظیم انتقال کرگئے
لاہور(ڈیلی پاکستان آن لائن)جماعت اسلامی پاکستان کے سیکریٹری جنرل امیرالعظیم لاہور میں انتقال کرگئے۔جماعت اسلامی پاکستان کی جانب سے سماجی رابطے کی ویب سائٹ پر جاری بیان میں بتایا گیا کہ امیرالعظیم صاحب اللہ کے حضور پیش ہوگئے۔
سیکریٹری جنرل جماعت اسلامی امیر العظیم طویل عرصے سے علیل اور کینسر کے مرض سے نبرد آزما تھے۔امیرالعظیم کی نماز جنازہ کا اعلان بعد میں کیا جائے گا۔امیرالعظیم جماعت اسلامی کے سیکریٹری جنرل کے علاوہ زمانۂ طالب علمی میں اسلامی جمعیت طلبہ پاکستان کے ناظم اعلیٰ بھی رہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
لاہور میں 1958 میں پیدا ہونے والے امیرالعظیم نے پنجاب یونیورسٹی سے ایم بی اے کی ڈگری حاصل کی اور اسلامی جمعیت طلبہ کے ناظم اعلی رہے۔جماعت اسلامی پاکستان کے سابق امیر سراج الحق نے انہیں 2019 اور 2024 میں موجودہ امیر جماعت اسلامی حافظ نعیم الرحمان نے مرکزی مجلس شوریٰ کے مشورے سے انہیں مرکزی سیکریٹری جنرل مقرر کیا۔
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی