سونے کی قیمتوں میں مزید کمی، عالمی اور مقامی مارکیٹوں میں سونا سستا ہو گیا
اشاعت کی تاریخ: 31st, January 2026 GMT
سونے کی قیمتوں میں آج بھی نمایاں کمی دیکھی گئی، جس کے نتیجے میں عالمی اور مقامی مارکیٹوں میں سونا سستا ہو گیا۔
بین الاقوامی مارکیٹ میں ہفتے کے روز فی اونس سونے کی قیمت میں 255 ڈالر کمی کے بعد نئی قیمت 4,895 ڈالر فی اونس پر پہنچ گئی ہے۔
مقامی صرافہ بازار میں بھی کاروباری ہفتے کے آخری دن 24 قیراط سونے کی فی تولہ قیمت میں 25,500 روپے کی کمی دیکھی گئی، جس کے بعد نئی قیمت 511,862 روپے فی تولہ ہو گئی۔ فی 10 گرام سونے کی قیمت بھی گھٹ کر 438,839 روپے ہو گئی۔
چاندی کی قیمت میں بھی کمی واقع ہوئی، فی تولہ چاندی 2,063 روپے کم ہو کر 9,006 روپے جبکہ فی 10 گرام چاندی 1,768 روپے کم ہو کر 7,721 روپے پر آ گئی۔
واضح رہے کہ گزشتہ روز بھی سونے اور چاندی کی قیمتوں میں قابلِ ذکر کمی ریکارڈ کی گئی تھی، جبکہ اس سے قبل مسلسل دو دن عالمی اور مقامی مارکیٹوں میں قیمتیں تاریخی سطح پر بڑھ گئی تھیں۔
ذریعہ
ذریعہ: Daily Mumtaz
کلیدی لفظ: سونے کی قیمت
پڑھیں:
حکومت نے یومیہ بنیادوں پر آج پھر عوام پر پیٹرول بم گرا دیا
اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 23 جولائی 2026ء ) وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا ہے۔ پیٹرولیم ڈویژن کے جاری کردہ نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر اضافہ کردیا ہے۔ پیٹرول کی نئی قیمت 331 روپے 52 پیسے فی لیٹر مقرر کردی گئی ہے۔ جبکہ ڈیزل کی قیمت فی لیٹر قیمت میں 3 روپے 62 پیسے اضافہ کر دیا گیا ہے، ڈیزل کی نئی قیمت 378 روپے 66 پیسے فی لیٹر مقرر کردی گئی۔(جاری ہے)
نئی قیمتوں کا اطلاق آج رات 12 کے بعد ایک دن کیلئے ہوگا۔ یاد رہے وفاقی کابینہ نے پیٹرولیم مصنوعات کے لیے روزانہ قیمتوں کے تعین کا نیا نظام منظور کر لیا جس کے تحت اوگرا اب پیٹرول اور ڈیزل کی ایکس ڈپو قیمتیں روزانہ جاری کرے گا۔ پیٹرول اور ڈیزل کی نئی قیمتیں گزشتہ سات کاروباری دن کی اوسط عالمی قیمت کے مطابق ہوں گی، پیٹرول اور ڈیزل کی قیمتوں کا تعین عالمی مارکیٹ کے حساب سے کیا جائے گا۔ قیمتوں کے اعلان کے لیے وزیراعظم یا وفاقی حکومت کی پیشگی منظوری درکار نہیں ہوگی جبکہ اوگرا بغیر وزیراعظم یا حکومت کی منظوری کے قیمتوں کا اعلان کرے گا۔
پاکستان نے ورلڈ کپ 2028 کیلیے براہ راست کوالیفائی کر لیا