جینے دو کراچی مارچ عوام کے دلوں کی آوازہے‘کاشف شیخ
اشاعت کی تاریخ: 1st, February 2026 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر) امیرجماعت اسلامی سندھ کاشف سعید شیخ نے جماعت اسلامی کے تحت آج شارع فیصل پر ہونے والے جینے دو کراچی مارچ کوعوام کے دلوں کی آواز قراردیتے ہوئے عوام سے مارچ میں بھرپور شرکت کی اپیل کی ہے۔انہوں نے ایک بیان میں کہاکہ گل پلازہ سانحے میں قیمتی انسانی جانوں واملاک کا نقصان حکومتی ناکامی ہے۔اس واقعے نے پارٹی چیئرمین کی جانب سے اسلام آباد بریفنگ میں سندھ حکومت کی 17 سالہ کارکردگی پرپانی پھیردیا ہے۔ملک کا سب سے بڑا شہر اوردارالحکومت کراچی امن وامان،بہترٹرانسپورٹ،بجلی، گیس کی بدترین لوڈشیڈنگ سمیت دیگرحکومتی اداروں کی خراب کارکردگی کی وجہ سے بے شمار مسائل کا شکار ہے۔کراچی کی اس بربادی میں گزشتہ 18سال سے برسراقتدار پیپلز پارٹی اور ایم کیوایم برابر کی شریک ہیں یہی دونوں پارٹیاں ہردورمیں اقتدارکے مزے لوٹتی رہیں مگرکراچی کی بہتری اورعوام کے مسائل کے حل کے لیے کچھ نہیں کیا صرف ذاتی مفادات کی تکمیل کی ہے۔انہوں نے کہا کہ ویسے تو پوارسندھ بدامنی کی لپیٹ میں اورشہرموئن جو دڑو کا منظر پیش کر رہے ہیں مگر حکومتی نااہلی اورکرپشن کی وجہ سے ملک کا سب سے بڑا اورزیادہ ٹیکس دینے والا شہر کچرا کنڈی اورشہری غیرمحفوظ ہیں۔ انہوں نے عوام سے اپیل کی کہ وہ مارچ میں بھرپور شرکت کرکے کراچی کی روشنیوں کی بحالی اوراپنے حقوق کے لیے آواز بلند کریں۔
ذریعہ
ذریعہ: Jasarat News
پڑھیں:
حکومت نے 11 ماہ میں عوام اور کاروباری اداروں کی جیبوں سے سوا 11 ہزار ارب روپے کا ٹیکس نکال لیا
اسلام آباد(اُردو پوائنٹ اخبارتازہ ترین۔ 02 جون2026ء) حکومت نے 11 ماہ میں عوام اور کاروباری اداروں کی جیبوں سے سوا 11 ہزار ارب روپے کا ٹیکس نکال لیا، ایف بی آر نے پہلے 11 ماہ میں 11 ہزار 257 ارب روپے ٹیکس اکٹھا کیا ، مئی میں 994 ارب روپے وصول کیے ۔ تازہ ترین حکومتی اعداد و شمار کے مطابق ایف بی آر کی ٹیکس وصولیاں نظرثانی شدہ اہداف کے مطابق جاری ہیں۔ مشیر وزیر خزانہ خرم شہزاد کے مطابق 864 ارب روپے کے ٹیکس شارٹ فال کا تاثر ابتدائی 14 ہزار 130 ارب روپے کے ہدف کی بنیاد پر دیا جا رہا ہے جو گمراہ کن ہے۔معاشی حالات میں تبدیلی کے بعد آئی ایم ایف کی مشاورت سے ریونیو ہدف تقریباً 13 ہزار ارب روپے تک ایڈجسٹ کیا گیا۔ مشیر وزیر خزانہ نے کہا کہ مہنگائی،درآمدات اور عالمی صورتحال میں تبدیلی کے باعث اہداف پر نظرثانی معمول کا مالی عمل ہے، نظرثانی شدہ مالی فریم ورک کیتحت ایف بی آر کی کارکردگی مضبوط،11 ماہ کا تقریباً مکمل ہدف حاصل کیا گیا، ایف بی آر نے پہلے 11 ماہ میں 11 ہزار 257 ارب روپے ٹیکس اکٹھا کیا جبکہ مئی میں 994 ارب روپے وصول کیے۔(جاری ہے)
مشیر وزیر خزانہ نے کہا کہ مئی میں ایف بی آر نے ماہانہ ہدف کا 97 فیصد جبکہ 11 ماہ کے ہدفکا 99.8 فیصد حاصل کیا، موجودہ کارکردگی ریونیو بحران یا بڑے ٹیکس شارٹ فال کے دعوؤں کی نفی کرتی ہے، جون 2026 کا 1 ہزار 727 ارب ریونیو ہدف 15 فیصد اضافے کے ساتھ نظرثانی شدہ مالی فریم ورک کے مطابق قابل حصول ہے، کاروباری طبقے اور سرمایہ کار غیر معمولی ٹیکس اقدامات سے متعلق قیاس آرائیوں پر توجہ نہ دیں، مالی معاملات پر تبصرہ پرانے اہداف کے بجائے موجودہ معاشی حقائق اور درست اعداد و شمار پر ہونا چاہیے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ