ڈی سی نوشکی محمد حسین کو بازیاب کرا لیا گیا
اشاعت کی تاریخ: 1st, February 2026 GMT
نجی ادارے کی رپورٹ میں سینئیر سکیورٹی اہلکار اور حکومت بلوچستان کے اہم اہلکار کا حوالہ دیتے ہوئے رپورٹ کیا گیا ہے کہ ڈی سی نوشکی محمد حسین کو بازیاب کرا لیا گیا ہے۔ اسلام ٹائمز۔ بلوچستان کے ضلع نوشکی میں کالعدم تنظیم کے حملے کے دوران اغواء ہونے والے ڈپٹی کمشنر محمد حسین ہزارہ کو بحفاظت بازیاب کرا لیا گیا ہے۔ خطے کے تنازعات پر نظر رکھنے والی میڈیا اوٹلیٹ دی خراسان ڈائری کی جانب سے شائع رپورٹ میں ایک سینئیر سکیورٹی اہلکار اور حکومت بلوچستان کے اہم اہلکار کا حوالہ دیتے ہوئے رپورٹ کیا ہے کہ ڈی سی نوشکی محمد حسین کو بازیاب کرا لیا گیا ہے۔ گزشتہ روز بلوچستان کے 12 مقامات پر حملے کے دوران نوشکی میں بھی حملہ کیا گیا۔ جہاں سے ڈپٹی کمشنر کو مسلح افراد اپنے ساتھ لے گئے تھے۔ ان کی ویڈیو بھی جاری کی گئی تھی، جس میں وہ کہتے ہوئے دکھائے گئے کہ وہ کالعدم تنظیم کی تحویل میں ہیں۔ حکومت بلوچستان نے سرکاری طور پر خبر کی تصدیق نہیں کی ہے، اور نہ ہی ڈی سی نوشکی کے اغواء پر حکومت نے کوئی ردعمل دیا تھا۔
.
ذریعہ
ذریعہ: Islam Times
کلیدی لفظ: بازیاب کرا لیا گیا بلوچستان کے ڈی سی نوشکی گیا ہے
پڑھیں:
بلوچستان کے مختلف علاقوں میں سیکیورٹی فورسز کا آپریشن، 17دہشتگرد ہلاک
فائل فوٹو۔بلوچستان کے مختلف علاقوں میں انٹیلی جنس کی بنیاد پر آپریشنز کے دوران بھارتی حمایت یافتہ فتنہ الخوارج کے 17دہشت گرد ہلاک کر دیے گئے۔
مسلح افواج کے شعبہ تعلقات عامہ آئی ایس پی آر کے مطابق سیکیورٹی فورسز نے یہ آپریشنز 24 مئی کے ٹرین واقعہ کے بعد کیے، جو مستونگ، نوشکی، زہری، خضدار اور کیچ کے اضلاع میں کیے گئے۔
آئی ایس پی آر کے مطابق دہشت گردوں کی ہلاکت سے ان علاقوں میں دہشت گرد نیٹ ورکس کو بہت زیادہ نقصان ہوا، ہلاک دہشت گردوں کے قبضے سے اسلحہ، بڑی مقدار میں بارودی مواد اور آئی ای ڈیز برآمد کیے گئے۔
آئی ایس پی آر کے مطابق یہ دہشت گرد علاقے میں متعدد دہشت گرد کارروائیوں میں ملوث رہے تھے۔ ان علاقوں میں کلیئرنس آپریشنز جاری ہیں۔
آئی ایس پی آر کے مطابق سیکیورٹی اداروں کی ملک گیر انسدادِ دہشت گردی مہم بھرپور انداز میں جاری رہے گی اور ملک سے بیرونی حمایت یافتہ دہشت گردی کے خطرے کا مکمل خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ