امریکا نے جنگ مسلط کی تو علاقائی جنگ بن جائیگی، آیت اللہ خامنہ ای
اشاعت کی تاریخ: 1st, February 2026 GMT
تہران:(ویب ڈیسک) ایران کے سپریم لیڈر آیت اللہ علی خامنہ ای نے امریکا کو خبردار کیا ہے کہ اگر اس نے ایران پر جنگ مسلط کرنے کی کوشش کی تو یہ تنازع ایک علاقائی جنگ کی صورت اختیار کر لے گا۔
ایران کے سپریم لیڈر آیت اللہ خامنہ ای نے تہران میں ایک بڑے عوامی اجتماع سے خطاب کرتے ہوئے کہا کہ امریکا کی جانب سے جنگ کی دھمکیاں، جنگی طیاروں اور بحری جہازوں کا ذکر کوئی نئی بات نہیں۔ ماضی میں بھی امریکا بارہا یہ کہتا رہا ہے کہ تمام آپشنز میز پر ہیں۔ جن میں جنگ کا آپشن بھی شامل ہے۔
انہوں نے کہا کہ ایرانی قوم دھمکیوں سے خوفزدہ نہیں ہوتی۔ ایران جنگ کا آغاز کرنے والا نہیں۔ تاہم کسی بھی حملے یا ہراسانی کا سخت جواب دیا جائے گا۔
آیت اللہ خامنہ ای نے زور دیا کہ امریکا کو یہ حقیقت تسلیم کرنی چاہیے کہ اگر اس بار جنگ شروع کی گئی۔ تو وہ محدود نہیں رہے گی بلکہ پورے خطے کو اپنی لپیٹ میں لے لے گی۔
انہوں نے کہا کہ ایران کے پاس تیل، گیس، قیمتی معدنی ذخائر اور ایک انتہائی اہم اسٹریٹجک محل وقوع جیسے قیمتی اثاثے موجود ہیں۔ جو لالچی طاقتوں کی توجہ کا مرکز رہے ہیں۔ امریکا نے تین دہائیوں سے زائد عرصے تک ایران کے وسائل، سیاست، سلامتی اور خارجہ امور پر کنٹرول رکھا۔ لیکن اب اس کا اثر ختم ہو چکا ہے۔ اور وہ پہلوی دور کی بالادستی واپس لانا چاہتے ہیں۔
سپریم لیڈر نے کہا کہ اصل تنازع ایران کی آزادی اور عالمی طاقتوں کے سامنے مزاحمت ہے۔ جبکہ انسانی حقوق اور دیگر دعوے محض بہانے ہیں۔ انہوں نے اس عزم کا اظہار کیا کہ ایران آئندہ بھی ثابت قدم رہے گا اور اللہ کے فضل سے دشمنوں کی سازشیں ناکام بنائے گا۔
انہوں نے ایران میں حالیہ بدامنی کو بیرونی حمایت یافتہ سازش قرار دیا۔ جس کی جڑیں امریکا اور اسرائیل سے ملتی ہیں۔ ان کے مطابق ان واقعات کے منتظمین کو بیرون ملک سے تربیت اور مالی معاونت فراہم کی گئی۔ جبکہ بعض نوجوان گمراہی کا شکار ہوئے۔
.
ذریعہ
ذریعہ: Daily Mumtaz
پڑھیں:
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی WhatsAppFacebookX 0 23 July, 2026 سب نیوز
لندن (آئی پی ایس )امریکا کی جانب سے ایران پر بمباری کے لیے برطانوی ائیربیس کے استعمال پر ایرانی پاسداران انقلاب نے برطانیہ کو سخت ردعمل کی دھمکی دی ہے۔برطانوی میڈیا کے مطابق نئے وزیراعظم اینڈی برنہم کے عہدہ سنبھالنیکے بعد امریکی فوج نے گلوسیسٹرشائر میں واقع رائل ائیر فورس کے آر اے ایف فیئرفورڈ فضائی اڈے سے ایران کے خلاف B-1 اسٹریٹجک بمبار طیاروں سے بمباری کی۔
ایرانی میڈیا کے مطابق اس حملے میں امریکی طیاروں نے ایران عراق سرحدی علاقے شلمچہ بارڈرکراسنگ کو نشانہ بنایا جس میں 2 افراد شہید اور 11 زخمی ہوئے۔ ایران نے اس کے جواب میں آنکھ کے بدلے آنکھ کی بنیاد پر جوابی کارروائیوں کی دھمکی دی۔
ایرانی وزیر خارجہ عباس عراقچی نیکہا کہ ہماری دفاعی پالیسی واضح ہے، آنکھ کے بدلے آنکھ۔ جو لوگ کسی بھی قسم کی مدد کے ذریعے ایران کیخلاف جارحیت میں شریک ہوں گے، انہیں بھی جائز ہدف سمجھا جائیگا۔اب ایرانی پاسداران انقلاب نے امریکی طیاروں کے برطانوی فضائی اڈوں کے استعمال پر برطانیہ کو خبردار کیا ہے۔
پاسداران انقلاب کا کہنا ہیکہ حالیہ کارروائیوں میں امریکی افواج نے ابتدا میں بحر ہند میں موجود بحری جہازوں سے کروز میزائل داغے اور جب ان کے ذخائر کم ہوگئے تو برطانیہ کے آر اے ایف فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔پاسداران انقلاب نے خبردار کیا ہیکہ ایران کے خلاف کسی بھی جارحیت میں استعمال ہونے والا ہر فوجی اڈہ ایک جائز فوجی ہدف سمجھا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرجدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا اگلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
ٹی20 ورلڈ کپ 2026: پاکستان نے سپر 8 کے لیے جگہ پکی کر لی