دفتر میں کام کے زیادہ دباؤ سے نوجوان دل کا دورہ پڑنے سے انتقال کرگیا
اشاعت کی تاریخ: 2nd, February 2026 GMT
بیجنگ: چین میں ایک 32 سالہ شخص حد سے زیادہ کام کرنے کے باعث اچانک انتقال کر گیا، جبکہ موت کے آٹھ گھنٹے بعد بھی اسے دفتر کی جانب سے کام سے متعلق پیغام موصول ہوا۔ یہ واقعہ چینی سوشل میڈیا پر شدید ردعمل کا باعث بن گیا ہے۔
گاؤ گوانگ ہوئی نامی شخص نومبر 2025 میں انتقال کر گیا۔ ان کی اہلیہ لی کے مطابق انتقال کے روز گاؤ نے صبح جلدی کام شروع کیا، حالانکہ وہ خود کو بیمار محسوس کر رہے تھے۔ کچھ ہی دیر بعد ان کی حالت بگڑ گئی اور اسپتال لے جاتے ہوئے وہ بے ہوش ہو گئے۔
اسپتال نے دوپہر کو تصدیق کی کہ گاؤ دل کا دورہ پڑنے سے انتقال کر گئے، جس کی وجہ ڈاکٹروں نے مسلسل اور حد سے زیادہ کام کو قرار دیا۔ ان کی اہلیہ کے مطابق گاؤ نے اپنی موت کے دن پانچ مرتبہ کمپنی کے ورک سسٹم میں لاگ ان کیا تھا اور انہیں ایک نئے ورک چیٹ گروپ میں بھی شامل کیا گیا تھا۔
لی نے بتایا کہ گاؤ کو ان کی موت کے آٹھ گھنٹے بعد بھی ایک فوری کام کا پیغام موصول ہوا۔ ان کے مطابق گاؤ 2021 میں ترقی کے بعد روزانہ رات ساڑھے نو بجے کے بعد گھر آتے تھے اور شاذ و نادر ہی چھٹی لیتے تھے۔
اہلیہ کا کہنا ہے کہ گاؤ اکثر کہتے تھے کہ کام بہت زیادہ ہے اور ٹیم کو ان کی ضرورت ہے، اسی لیے وہ جلد دفتر سے نکلنے یا چھٹی لینے سے انکار کر دیتے تھے۔ لی کے مطابق اگر وقت واپس آ سکتا تو وہ اپنے شوہر کو ملازمت چھوڑنے پر مجبور کر دیتیں۔
گاؤ کا تعلق صوبہ ہینان سے تھا اور وہ بچپن میں اپنے والدین کے ساتھ گوانگزو منتقل ہوئے تھے۔ تعلیم کے دوران وہ مالی مشکلات کے باعث جزوقتی ملازمتیں کرتے رہے۔ انہوں نے اپنے تعلیمی ساتھی سے شادی کی، تاہم ان کے کوئی بچے نہیں تھے۔
گاؤ کی ڈائری میں 16 سال کی عمر میں لکھی گئی تحریر بھی سامنے آئی ہے، جس میں انہوں نے سخت محنت کو کامیابی کا راستہ قرار دیا تھا۔
چین میں کئی ٹیکنالوجی کمپنیوں میں طویل اوقات کار ایک عام بات ہے، جہاں ملازمین سے ہفتے میں چھ دن، روزانہ 12 گھنٹے کام لیا جاتا ہے۔ اس واقعے کے بعد سوشل میڈیا صارفین نے چینی دفتری کلچر پر تنقید کرتے ہوئے اصلاحات اور بہتر ورک لائف بیلنس کا مطالبہ کیا ہے۔
.
ذریعہ
ذریعہ: Express News
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ