شادی پر لاکھوں روپے اور 21 تولہ سونے کا جہیز لینے پر معروف یوٹیوبر تنقید کی زد میں
اشاعت کی تاریخ: 2nd, February 2026 GMT
بھارتی یوٹیوبر ارون پانور اپنی شادی کی ویڈیوز کے منظر عام پر آنے کے بعد تنازعے میں آ گئے ہیں۔ ویڈیوز میں انہیں تقریباً 71 لاکھ روپے نقد اور 21 تولہ سونا دیا جاتا دکھایا گیا جسے خاندان نے ’دان‘ یا تحائف کے طور پر پیش کیا۔
یہ ویڈیوز جو بظاہر 2025 کے آخر میں ہونے والی شادی کی تقریب کی ہیں جو وائرل ہو گئیں اور سوشل میڈیا صارفین غصے میں آ گئے۔ صارفین نے اس تبادلے کو جہیز کے مترادف قرار دیا ہے جو بھارت میں 1961 کے ڈاؤری پروہیبیشن ایکٹ کے تحت غیر قانونی ہے۔
Meet YouTuber Arun Panwar.
> bro earn 20 – 25 lakh per month from YouTube.
> Still bro take dowry in the name of "Daan" from her family ????
>Bro get 71 lakh rupee cash & "21 Tola" Gold. pic.twitter.com/rRlMjA6S3L
— Sumit (@beingsumit01) January 31, 2026
رپورٹس کے مطابق ارون پانور کے یوٹیوب چینل کے 24 لاکھ سے زائد سبسکرائبرز ہیں اور ماہانہ آمدنی تقریباً 20 سے 25 لاکھ روپے بتائی گئی ہے جس پر ناقدین نے سوال کیا کہ اتنے بڑے تحائف لینے کی ضرورت کیا تھی۔
یہ بھی پڑھیں: بیٹی کی شادی میں کروڑوں کے جہیز کے بینر، گاڑی، پلاٹ اور حج پیکج کے تحائف کی ویڈیو وائرل
صارفین کا کہنا ہے کہ اکثر یہ رسمیں ’تحائف‘، ’دان‘ یا ثقافتی روایت کے نام پر چھپائی جاتی ہیں تاکہ سماجی داغ یا قانونی کارروائی سے بچا جا سکے۔ قانون کے مطابق شادی کے سلسلے میں بڑے نقد تحائف یا قیمتی اشیاء جہیز کے زمرے میں آ سکتی ہیں اور اس کی مانگ یا قبولیت جرم ہے۔
یہ بھی پڑھیں: دلہے نے جہیز میں لاکھوں روپے لینے سے انکار کرکے باراتیوں کے دل جیت لیے
کئی لوگوں نے پانور کی بیوی کے لیے بھی تشویش ظاہر کی جو کہ ایک ماہر سرجن ہیں۔ ان کا کہنا تھا کہ سب سے افسوسناک بات یہ ہے کہ وہ اعلیٰ تعلیم یافتہ ہیں، ایک اور صارف نے لکھا کہ اگر ایسے لوگ اس عمل کی اجازت دیتے ہیں تو پھر باقی کے لیے کیا امید ہے؟ میں صرف دعا کرتا ہوں کہ انہیں بعد میں مزید ’تحائف‘ کے لیے اذیت نہ دی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جہیز جہیز کی ویڈیو یوٹیوبر شادی
ذریعہ
ذریعہ: WE News
کلیدی لفظ: جہیز جہیز کی ویڈیو یوٹیوبر شادی کے لیے
پڑھیں:
میکسیکو کی معروف بیوٹی انفلوئنسر کاسمیٹک سرجری کے دوران دم توڑ گئیں
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر، 30 سالہ ایڈریانا گارشیا کاسمیٹک سرجری کے دوران انتقال کر گئیں۔
غیر ملکی میڈیا رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا۔ سرجری کے دوران اچانک پیچیدگیاں پیدا ہوئیں جس کے بعد طبی عملے کی کوششوں کے باوجود انہیں بچایا نہ جا سکا۔
یہ بھی پڑھیں: اداکارہ میرب علی کو اچانک سرجری کیوں کروانا پڑی؟ اصل وجہ سامنے آگئی
مقامی حکام نے تاحال موت کی حتمی وجہ جاری نہیں کی تاہم واقعے کی مکمل تحقیقات کا آغاز کر دیا گیا ہے۔ حکام سرجری کے دوران پیش آنے والے حالات، طبی طریقۂ کار اور ممکنہ طبی غفلت سمیت تمام پہلوؤں کا تفصیلی جائزہ لے رہے ہیں۔
ایڈریانا گارشیا سوشل میڈیا پر ایک معروف شخصیت تھیں جہاں انسٹاگرام سمیت مختلف پلیٹ فارمز پر ان کے 90 ہزار سے زائد فالوورز موجود تھے۔ ان کے انتقال کی تصدیق اس میکسیکن کمپنی نے بھی کی ہے جس کے ساتھ وہ بطور برانڈ انفلوئنسر وابستہ تھیں۔
یہ بھی پڑھیں: اسرائیلی وزیراعظم نیتن یاہو پروسٹیٹ کینسر میں مبتلا، سرجری کا انکشاف
ایڈریانا گارشیا کے اچانک انتقال کی خبر سامنے آنے کے بعد سوشل میڈیا پر ان کے مداحوں اور ساتھی کانٹینٹ کریئیٹرز نے گہرے دکھ اور افسوس کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیوٹی انفلیوئنسر کاسمیٹک سرجری میکسیکو
بھارت سے جنگ اور افغانستان میں کارروائی خارج ازامکان نہیں، وزیردفاع