کوئٹہ: ایران خطے میں ہر قسم کی دہشتگردی کیخلاف ہے، ایرانی قونصل جنرل
اشاعت کی تاریخ: 2nd, February 2026 GMT
پاکستان کے ساتھ ایران کا گہرا برادرانہ تعلق ہے، محمد کریمی تودشکی - فوٹو: فائل
کوئٹہ میں تعینات ایرانی قونصل جنرل محمد کریمی تودشکی نے کہا ہے کہ بلوچستان میں دہشتگردی کے حالیہ واقعات قابل مذمت ہیں، ایران خطے میں ہر قسم کی دہشت گردی کے خلاف ہے۔
کوئٹہ میں صحافیوں سے بات چیت کرتے ہوئے محمد کریمی تودشکی کا کہنا تھا کہ ایران پر جنگ مسلط کی گئی تو بھرپور جواب دیں گے۔
انہوں نے کہا کہ اگر ایران کے خلاف جنگ چھڑی تو اس سے مڈل ایسٹ اور قریبی ممالک متاثر ہوں گے۔
پاکستان کے ساتھ اعلیٰ سطح پر مسلسل رابطہ موجود ہے، پاکستان نے کشیدگی میں کمی کےلیے مخلصانہ کردار ادا کیا: ڈاکٹر رضا امیری مقدم
ان کا کہنا تھا کہ پاکستان کے ساتھ ایران کا گہرا برادرانہ تعلق ہے، پاکستان کی کوششیں قابل ستائش ہیں۔ پاکستان اور عرب ممالک نے کوشش کی کہ مذاکرات کے ذریعے صورتحال بہتر ہو۔
محمد کریمی تودشکی نے کہا کہ ایران میں اس وقت کوئی ٹینشن نہیں، حالات نارمل ہیں۔ ایران میں مظاہروں کے دوران حالات کی خرابی میں امریکا اور اسرائیل کی پشت پناہی تھی۔
ان کا کہنا تھا کہ ایران کے حوالے سے امریکا کی جانب سے کیا جانے والا پروپیگنڈا بےبنیاد ہے، ایرانی عوام امریکا اور اسرائیل کے خلاف ایرانی حکومت کے ساتھ کھڑی ہے۔
.
ذریعہ
ذریعہ: Jang News
کلیدی لفظ: محمد کریمی تودشکی کے ساتھ
پڑھیں:
مانچسٹر، پاکستانی قونصل خانہ کے اوقات میں اضافہ
—تصویر بشکریہ سوشل میڈیاقونصلیٹ جنرل آف پاکستان مانچسٹر نے پاکستانی کمیونٹی کی سہولت کے لیے سرکاری اوقات میں اضافہ کر دیا ہے۔
ہائی کمشنر آف پاکستان ٹیپو عثمان کی ہدایت پر اب قونصل خانہ کمیونٹی خدمات کے لئے روزانہ صبح 8:00 بجے کام کا آغاز کرے گا۔
قونصل جنرل امتیاز فیروز گوندل کی جانب سے جاری نوٹیفکیشن کے مطابق نئے اوقات کار سے کمیونٹی کو بہتر سہولیات فراہم کی جا سکیں گی، جبکہ روزانہ اپوائنٹمنٹ کی تعداد بھی بڑھا دی جائے گی۔
تمام درخواست گزاروں کو ہدایت کی گئی ہے کہ قونصل خانے کی آن لائن اپوائنٹمنٹ پورٹل کے ذریعے وقت لینا ہوگا۔
یہ اپوائنٹمنٹ ہر ہفتہ کے روز صبح 10:00 بجے جاری کی جائیں گی۔درخواست گزار اپوائنٹمنٹ بک کرتے وقت اپنی ذاتی معلومات استعمال کریں اور مقررہ وقت پر پہنچیں۔
30 منٹ سے زیادہ تاخیر سے آنے والے درخواست گزاروں کو نئی اپوائنٹمنٹ لینا ہوگی۔
قونصل جنرل امتیاز فیروز گوندل نے کہا کہ یہ اقدامات کمیونٹی کو مؤثر، شفاف اور بہتر خدمات فراہم کرنے میں مدد گار ثابت ہوں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع