قازقستان کے صدر قاسم جومارت توکایف پہلے سرکاری دورے پر آج اسلام آباد پہنچیں گے
اشاعت کی تاریخ: 3rd, February 2026 GMT
جمہوریہ قازقستان کے صدر قاسم جومارت توکایف آج اپنے پہلے تاریخی سرکاری 2 روزہ دورہ پر اسلام آباد پہنچیں گے۔ وہ 3 اور 4 فروری کو پاکستان کا پہلا سرکاری دورہ کریں گے۔
یہ دورہ وزیرِ اعظم شہباز شریف کی خصوصی دعوت پر کیا جا رہا ہے۔ اس بات کا اعلان پیر کو وزارتِ خارجہ نے کیا۔
وزارتِ خارجہ کے مطابق، صدر توکایف اپنے دورے کے دوران صدرِ پاکستان آصف علی زرداری سے ملاقات کریں گے، جبکہ وزیرِ اعظم شہباز شریف کے ساتھ دوطرفہ تعلقات پر تفصیلی مذاکرات ہوں گے۔ ان ملاقاتوں میں باہمی تعاون کے مختلف پہلوؤں کا جائزہ لیا جائے گا۔
پاکستان قازقستان بزنس فورم سے خطابصدر توکایف اپنے دورے کے دوران پاکستان قازقستان بزنس فورم سے بھی خطاب کریں گے، جس میں دونوں ممالک کے تاجر، سرمایہ کار اور کاروباری رہنما شریک ہوں گے۔ فورم کا مقصد تجارتی روابط کو فروغ دینا اور سرمایہ کاری کے نئے مواقع تلاش کرنا ہے۔
قازقستان کے صدر کے ہمراہ ایک اعلیٰ سطحی وفد بھی پاکستان آئے گا، جس میں سینئر کابینہ اراکین اور اعلیٰ سرکاری افسران شامل ہوں گے۔ وفد مختلف شعبوں میں تعاون کو عملی شکل دینے پر بات چیت کرے گا۔
دوطرفہ تعلقات کا جامع جائزہوزارتِ خارجہ کے مطابق، یہ دورہ پاکستان اور قازقستان کو دوطرفہ تعلقات کا جامع جائزہ لینے کا اہم موقع فراہم کرے گا۔ مذاکرات میں تجارت، لاجسٹکس، علاقائی رابطہ کاری، عوامی روابط (People-to-People Contacts) اور علاقائی و عالمی فورمز پر تعاون کے امکانات پر غور کیا جائے گا۔
بیان میں کہا گیا ہے کہ صدر توکایف کا دورہ اس بات کی عکاسی کرتا ہے کہ پاکستان اور قازقستان کے تعلقات مسلسل مضبوط ہو رہے ہیں۔ دونوں ممالک تاریخی اور ثقافتی روابط کو مؤثر اقتصادی اور تزویراتی تعاون میں تبدیل کرنے کے لیے پرعزم ہیں اور خطے میں امن و ترقی کے مشترکہ خواہاں ہیں۔
ازبکستان کے صدر کا بھی پاکستان کا اہم دورہقازقستان کے صدر کے دورے کے فوراً بعد، صدر ازبکستان شوکت مرزیایوف 5 اور 6 فروری کو پاکستان کا دورہ کریں گے۔ ازبکستان کی سرکاری خبر رساں ایجنسی UzA کے مطابق، یہ دورہ دونوں ممالک کے درمیان بڑھتے ہوئے سیاسی اور اقتصادی روابط کے تناظر میں ہو رہا ہے۔
پاکستان ازبک تجارت 2 ارب ڈالر تک بڑھانے کا ہدفUzA کے مطابق، اسلام آباد میں ہونے والے اعلیٰ سطحی مذاکرات کا مقصد پاکستان اور ازبکستان کے درمیان تجارتی حجم کو آئندہ برسوں میں 2 ارب ڈالر تک بڑھانا ہے۔ مذاکرات میں اقتصادی تعاون کی ساختی تبدیلی پر خصوصی توجہ دی جائے گی۔
ازبک وزارتِ سرمایہ کاری، صنعت اور تجارت کے مطابق، 5 اور 6 فروری کو اسلام آباد میں ازبکستان پاکستان بزنس فورم اور ’میڈ اِن ازبکستان‘ نمائش کا انعقاد بھی کیا جائے گا، جس کا مقصد صنعتی، تجارتی اور سرمایہ کاری تعاون کو مزید فروغ دینا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان قازقستان تعلقات جمہوریہ قازقستان کے صدر قاسم جومارت توکایف.
ذریعہ
ذریعہ: WE News
کلیدی لفظ: پاکستان قازقستان تعلقات قازقستان کے صدر کے مطابق کریں گے
پڑھیں:
ایس سی او اجلاس کے موقع پر پاک چین وزرائے خارجہ کی ملاقات، علاقائی امن اور تعاون پر تبادلۂ خیال
نائب وزیراعظم و وزیر خارجہ سینیٹر محمد اسحاق ڈار نے کرغزستان میں شنگھائی تعاون تنظیم (ایس سی او) کے وزرائے خارجہ کونسل اجلاس کے موقع پر چینی وزیر خارجہ وانگ یی سے ملاقات کی، جس میں دوطرفہ تعلقات، علاقائی صورتحال اور کثیرالجہتی فورمز پر تعاون سمیت مختلف امور پر تفصیلی تبادلۂ خیال کیا گیا۔
دفتر خارجہ کے مطابق ملاقات خوشگوار ماحول میں ہوئی، جس کے دوران دونوں رہنماؤں نے پاکستان اور چین کے دوطرفہ تعلقات، خطے کی تازہ صورتحال اور مختلف کثیرالجہتی فورمز پر باہمی تعاون کے فروغ سے متعلق امور پر مفصل اور نتیجہ خیز تبادلۂ خیال کیا۔
نائب وزیراعظم و وزیر خارجہ اسحاق ڈار نے شنگھائی تعاون تنظیم کے وزرائے خارجہ اجلاس میں اپنے خطاب کے دوران پاکستان کی علاقائی امن، استحکام اور سفارتی کوششوں کو سراہنے پر چینی وزیر خارجہ وانگ یی کا شکریہ ادا کیا۔
اس موقع پر چینی وزیر خارجہ وانگ یی نے پاکستان کو شنگھائی تعاون تنظیم کی کونسل آف ہیڈز آف اسٹیٹ کی آئندہ سربراہی سنبھالنے اور 2027 میں ایس سی او سربراہ اجلاس کی میزبانی پر نیک تمناؤں کا اظہار کیا۔
دونوں رہنماؤں نے پاکستان اور چین کے درمیان دیرینہ اسٹریٹجک شراکت داری کو مزید مضبوط بنانے، علاقائی امن و استحکام کے فروغ اور بین الاقوامی و علاقائی فورمز پر قریبی تعاون جاری رکھنے کے عزم کا بھی اعادہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک چین تعلقات پاکستان کے نائب وزیراعظم و وزیر خارجہ سینیٹر اسحاق ڈار چینی وزیر خارجہ وانگ یی شنگھائی تعاون تنظیم
بھارت سے جنگ اور افغانستان میں کارروائی خارج ازامکان نہیں، وزیردفاع