شمسی توانائی سے روزانہ ہزار لیٹر پانی پیدا کرنے کی صلاحیت
اشاعت کی تاریخ: 3rd, February 2026 GMT
دبئی (نیوز ڈیسک) دبئی میں قائم ایک نئی کمپنی نے ایسی جدید ٹیکنالوجی متعارف کرائی ہے جو شمسی توانائی کے ذریعے ہوا سے نمی حاصل کر کے روزانہ تقریباً ایک ہزار لیٹر پانی پیدا کرنے کی صلاحیت رکھتی ہے۔
ماہرین کے مطابق یہ نظام شمسی پینلز سے حاصل ہونے والی توانائی کے ذریعے ہوا میں موجود نمی کو جمع کر کے صاف پانی میں تبدیل کرتا ہے، جسے پینے اور روزمرہ استعمال کے لیے قابلِ استعمال بنایا جا سکتا ہے، خاص طور پر ان علاقوں میں جہاں پانی کی کمی ایک بڑا مسئلہ ہے۔
کمپنی حکام کا کہنا ہے کہ اس ٹیکنالوجی کا مقصد ماحول دوست طریقے سے پانی کی دستیابی کو بہتر بنانا اور مستقبل میں آبادی اور موسمیاتی تبدیلیوں کے باعث پیدا ہونے والے پانی کے بحران کا حل فراہم کرنا ہے۔
ماہرین کا خیال ہے کہ اگر اس نظام کو بڑے پیمانے پر متعارف کرایا گیا تو یہ صحرائی اور خشک علاقوں میں پانی کے متبادل ذرائع پیدا کرنے میں اہم کردار ادا کر سکتا ہے اور مستقبل میں شہری اور دیہی علاقوں کے لیے پائیدار حل بن سکتا ہے۔
.
ذریعہ
ذریعہ: Daily Mumtaz
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع