میئر کراچی کا بیان بوکھلاہٹ اور ناکامی کا اعتراف ہے، سیف الدین ایڈووکیٹ
اشاعت کی تاریخ: 3rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی: کے ایم سی میں اپوزیشن لیڈر اور جماعت اسلامی کے رہنما سیف الدین ایڈووکیٹ نے میئر کراچی مرتضیٰ وہاب کے حالیہ بیان پر شدید ردِعمل دیتے ہوئے کہا ہے کہ میئر کی گفتگو دراصل بوکھلاہٹ اور ناکامی کا کھلا اعتراف ہے،کراچی کو لوٹ کا مال سمجھنے والے خود پیپلز پارٹی کے حکمران ہیں، جنہوں نے گزشتہ 17 برسوں میں اس عظیم شہر کو کھنڈر بنا دیا ہے۔
سیف الدین ایڈووکیٹ نے کہا کہ عوامی احتجاج کو “چند سو افراد” کہنا کراچی کے لاکھوں مظلوم شہریوں کی توہین ہے جو بدترین نااہلی، بدانتظامی اور کرپشن کے خلاف سڑکوں پر نکلنے پر مجبور ہیں،حکمرانوں کی غلط پالیسیوں اور ناقص منصوبہ بندی نے کراچی کو مفلوج کر دیا ہے، جس کا خمیازہ شہری آئے روز بھگت رہے ہیں۔
انہوں نے واضح کیا کہ جماعت اسلامی نے ہمیشہ آئینی اور پرامن جدوجہد کی ہے اور عوام کے حقوق کے لیے ہر فورم پر آواز بلند کی ہے، حکومت طاقت کے زور پر عوام کی آواز دبانا چاہتی ہے، جبکہ ایف آئی آر پر فخر کرنا جمہوریت نہیں بلکہ فسطائیت کی علامت ہے۔
اپوزیشن لیڈر کے ایم سی نے کہا کہ جماعت اسلامی 9 ٹاؤنز میں محدود وسائل کے باوجود عوامی خدمت کی عملی مثال قائم کر رہی ہے جبکہ قبضہ میئر اور پیپلز پارٹی کے زیرِانتظام 13 ٹاؤنز کی کارکردگی سے عوام بخوبی واقف ہیں، اگر پیپلز پارٹی کی کارکردگی واقعی بہتر ہے تو شہر کی حالت کیوں دن بدن بدتر ہوتی جا رہی ہے؟
سیف الدین ایڈووکیٹ کا مزید کہنا تھا کہ پیپلز پارٹی نے منصوبوں کے نام پر پورا شہر کھنڈر بنا دیا ہے، سڑکیں، سیوریج اور بنیادی سہولیات تباہ حالی کا شکار ہیں،اس افسوسناک واقعے پر حکمرانوں کی بے حسی سب کے سامنے ہے مگر ذمہ داران کے خلاف مؤثر کارروائی نظر نہیں آتی۔
انہوں نے مطالبہ کیا کہ کراچی کے مسائل کا سیاسی بیانات کے بجائے عملی اقدامات سے حل نکالا جائے اور عوامی احتجاج کو دبانے کے بجائے شہریوں کی جائز شکایات سنی جائیں، جماعت اسلامی کراچی کے عوام کے ساتھ کھڑی ہے اور شہر کے حقوق کے لیے اپنی جدوجہد جاری رکھے گی۔
ذریعہ
ذریعہ: Jasarat News
کلیدی لفظ: سیف الدین ایڈووکیٹ جماعت اسلامی پیپلز پارٹی
پڑھیں:
نواز شریف ایک روزہ دورے پر گلگت بلتستان پہنچ گئے
گلگت (ڈیلی پاکستان آن لائن) پاکستان مسلم لیگ (ن) کے صدر اور سابق وزیراعظم نواز شریف ایک روزہ دورے پر گلگت بلتستان پہنچ گئے۔
نجی ٹی وی چینل دنیا نیوز کے مطابق وفاقی وزراء خواجہ محمد آصف، احسن اقبال، رانا ثناء اللہ، سینیٹر پرویز رشید، پنجاب کی سینئر صوبائی وزیر مریم اورنگزیب، سینیٹر انوشہ رحمن، کاظم پیرزادہ بھی نواز شریف کے ہمراہ ہیں۔
گلگت پہنچنے پر وفاقی وزیر امور کشمیر انجینئر امیر مقام، سابق وزیراعلیٰ گلگت بلتستان حافظ حفیظ الرحمان، کیپٹن (ر) محمد صفدر اور دیگر پارٹی رہنماؤں نے پارٹی صدر کا استقبال کیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
نواز شریف پارٹی رہنماؤں اور گلگت بلتستان کے انتخابات میں حصہ لینے والے پارٹی ٹکٹ ہولڈرز سے ملاقاتیں کریں گے۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے