ایران، امریکا مذاکرات پر اتفاق، پاکستان شرکت کریگا، ترجمان خارجہ
اشاعت کی تاریخ: 3rd, February 2026 GMT
اسلام آباد(نیوزڈیسک) مشرق وسطیٰ پر چھائے جنگ کے بادل چھٹنے لگے۔ ایران اور امریکا کےدرمیان ایٹمی پروگرام پر مذاکرات پر اتفاق ہوگیا۔ دفتر خارجہ کے مطابق پاکستان بھی مذاکرات میں شرکت کرے گا۔
ترجمان دفتر خارجہ کے مطابق پاکستان کو ایران امریکا مذاکرات میں شرکت کی دعوت مل گئی ہے، پاکستان ایران اور امریکا مذاکرات میں شرکت کرے گا۔ ایران،امریکاکےدرمیان مذاکرات جمعہ کو استنبول میں ہوں گے
واضح رہے کہ جنگ کی دھمکیوں کے بعد ایران اور امریکا کے درمیان برف پگھلنے لگی۔ دونوں ملک ایٹمی پروگرام پر بات چیت کیلئے رضامند ہوگئے۔ دونوں ملک جمعے کو استنبول میں مذاکرات کی میز پر بیٹھیں گے۔
ایرانی صدر کا کہنا ہے کہ دوست ممالک کے کہنے پر مذاکرات کی امریکی پیشکش پر غور کرنے کا فیصلہ کیا۔ وزیر خارجہ کو بات چیت کیلئے ماحول سازگار بنانے کی ہدایت کی ہے۔ مذاکرات میں ایران کے قومی مفادات کو مقدم رکھا جائے گا۔
ایرانی وزیر خارجہ نے کہا کہ کوئی عزت سے پیش آئے تو ہم بھی عزت دیں گے۔ دھمکیوں کے آگے سر نہیں جھکائیں گے۔ عباس عراقچی نے کہا کہ سازش ناکام ہونے کے بعد امریکا پھر سے مذاکرات کے میز پر آگیا۔
امریکی صدر نے بھی ایران سے مذاکرات کی تصدیق کردی، وائٹ ہاؤس میں میڈیا سے گفتگو کرتے ہوئے کہا کہ ایران کے ساتھ بات چیت کر رہے ہیں۔ مذاکرات کامیاب ہوجائیں تو سب کیلئے بہتر ہے۔ ورنہ بہت برا ہوگا۔
.
ذریعہ
ذریعہ: Daily Mumtaz
پڑھیں:
علامہ ساجد علی نقوی سے علامہ جواد نقوی کی ملاقات، شہید امت کانفرنس میں شرکت کی دعوت دی
ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔ اسلام ٹائمز۔ تحریک بیداری امت مصطفیٰ کے سربراہ اور اتحاد امت فورم کے رہنما علامہ سید جواد نقوی نے شیعہ علماء کونسل پاکستان کے سربراہ علامہ سید ساجد علی نقوی صاحب سے ملاقات کی اور ان کی اہلیہ کے انتقال پر تعزیت و تسلیت، فاتحہ خوانی اور دعائے مغفرت کی۔ علامہ سید جواد نقوی نے علامہ سید ساجد علی نقوی کیساتھ 13 جون کو مینارِ پاکستان لاہور میں منعقد ہونے والی ’’شہیدِ اُمت کانفرنس‘‘ کے حوالے سے بھی گفتگو کی۔ ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ