اپوزیشن لیڈر کا وزیراعظم کو خط، عمران خان کی صحت کا معاملہ اٹھا دیا
اشاعت کی تاریخ: 3rd, February 2026 GMT
اسلام آباد(نیوزڈیسک)قومی اسمبلی میں اپوزیشن لیڈر محمود خان اچکزئی نے وزیراعظم شہباز شریف کو خط لکھ کر بانی پی ٹی آئی کی صحت کا معاملہ اٹھایا۔
قائدِ حزب اختلاف نے وزیراعظم کے نام خط میں بانی پی ٹی آئی کے طبی معائنے کے دوران اہلخانہ اور ذاتی معالجین کی عدم موجودگی پر تشویش کا اظہار کیا۔ محمود خان اچکزئی نے ذاتی ڈاکٹروں سے مکمل معائنہ کرانے کا مطالبہ بھی کر دیا۔
اپوزیشن لیڈر کے مطابق بانی پی ٹی آئی کی صحت بنیادی انسانی حقوق کا معاملہ ہے۔ وزیراعظم شہباز شریف اس معاملے میں فوری ذاتی مداخلت کا کریں۔ اڈیالہ جیل میں بانی پی ٹی آئی کا ذاتی ڈاکٹروں سے مکمل طبی معائنہ کرایا جائے ۔
خط کے مطابق عمران خان کا طبی معائنہ شوکت خانم اسپتال کے ڈاکٹروں سے کرایا جائے۔ خط میں ڈاکٹر عاصم یوسف، ڈاکٹرمظہر اسحاق اور ڈاکٹر عامراعوان کے نام بھی شامل ہیں۔
.
ذریعہ
ذریعہ: Daily Mumtaz
پڑھیں:
پنجاب میں انسداد ڈینگی کارروائیوں کیلئے افسران کو فوری متحرک ہونے کی ہدایت
کابینہ کمیٹی برائے متعدی امراض، ڈینگی و ڈیزاسٹر منیجمنٹ کا اجلاس لاہور میں ہوا، پنجاب کے وزرائے صحت سلمان رفیق اور خواجہ عمران نذیر نے اجلاس کی صدارت مشترکہ طور پر صدارت کی۔
اس موقع پر پنجاب کے وزرائے صحت نے کہا کہ ڈینگی کے افزائش والے اضلاع پر خصوصی توجہ دی جا رہی ہے، صوبے بھر میں ڈینگی کی تازہ صورتحال پر قابو پانے کیلیے اقدامات کا جائزہ لیا گیا۔
صوبائی وزیر خواجہ عمران نذیر نے متعلقہ افسران کو فوری متحرک ہونے کی ہدایت کی۔ انھوں نے کہا ہمیشہ دیکھا گیا ہے کہ جون جولائی میں انسداد ڈینگی کارروائیوں کے مثبت نتائج سامنے آتے ہیں۔
خواجہ عمران نذیر نے کہا ڈینگی وائرس پر قابو پانے کے اقدامات کسی ایک محکمہ کی ذمہ داری نہیں، اقدامات کی ذمہ داری تمام اسٹیک ہولڈرز کی ہے۔
خواجہ عمران نے سی ای او ہیلتھ کو ضلعی انتظامیہ کیساتھ مسلسل رابطے میں رہنے کی ہدایت کی۔
انھوں نے کہا کہ ایچ آر منیجمنٹ، والنٹیر ماڈل کو اپناتے ہوئے ڈینگی کا خاتمہ ممکن ہے، یونیورسٹی اور کالجز کے طلبہ کو انسداد ڈینگی کی کارروائیوں میں شامل کرنے کا فیصلہ بھی کیا گیا۔
خواجہ سلمان رفیق نے کہا ڈینگی کی بوگس سرویلنس ناقابل برداشت ہے، عوام اپنےگھروں، دکانوں اور دیگر مقامات پر صفائی کویقینی بنائیں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ