مظلوموں کی آہوں سے بچو
اشاعت کی تاریخ: 4th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اے ابن آدم کراچی کو لاوارث بنانے والے اللہ کے عذاب سے تم بھی نہیں بچو گے، کراچی والوں کا کام کیا لاشیں اُٹھانا رہ گیا، کبھی بھتا نہ دینے پر گولی مار دی جاتی ہے تو کبھی ظالم ٹرالر مار دیتا ہے، کوئی پرسان حال نہیں، اتنے بڑے بڑے حادثات ہونے کے باوجود ہم نے سبق نہیں سیکھا اور ایک اور حادثہ رونما ہوگیا۔ گل پلازہ کی ظالم آگ نے 86 لوگوں کی زندگی کے چراغوں کو گل کردیا۔ درجنوں افراد ابھی بھی لاپتا ہیں۔ لوگ اپنے پیاروں کے منتظر ہیں۔ ایک دکاندار جو پلازہ میں پھنسا ہوا تھا اُس نے آخری پیغام یہ دیا کہ غلطی ہوگئی ہو تو معاف کردینا، اس بیچارے کی کیا غلطی، غلطی تو ہے اداروں کی کہ جن کی نااہلی کی وجہ سے یہ ہلاکتیں ہوئیں، سینئر رپورٹر مرتضیٰ نے اپنی رپورٹ میں لکھا ہے کہ اس سے پہلے میں اس رپورٹ پر بات کروں میں آپ لوگوں کو ماضی میں آگ لگنے والے واقعات یاد کراتا ہوں۔ 2016ء میں پہلی بار گل پلازہ میں خوفناک آگ لگ چکی تھی۔ 2022ء میں حفیظ سینٹر میں آگ لگی۔ 2021ء میں چائولہ مارکیٹ میں آگ لگی۔ جون 2022ء میں Chase up میں آگ لگی۔ 2022ء میں صدر کی مارکیٹ میں آگ لگی جس میں میرے بھی کپڑے جل گئے تھے۔ 2024ء میں رمپا پلازہ میں آگ لگی۔ 2024ء گلستان جوہر کی فرنیچر مارکیٹ جل کر خاک ہوگئی۔ 25 نومبر 2023ء آر جے مال میں خطرناک آگ لگی۔ جون 2025ء میں ملینیم مال میں آگ لگی۔ 18 فروری 2025ء کو کلفٹن شاپنگ سینٹر میں آگ لگی۔ کراچی پورٹ ٹرسٹ میں آگ لگی۔ بلدیہ کی فیکٹری کی آگ تو کوئی نہیں بھول سکتا اور پھر ایک قیامت ٹوٹی 17 اور 18 جنوری کی درمیانی رات ایک بار پھر گل پلازہ میں آگ لگی جس نے پوری عمارت کو زمین بوس کردیا۔
کراچی کے ذمے داران جائے حادثہ پر دیر سے پہنچے، کچھ کو تو عوام نے وہاں سے بھاگنے پر مجبور کردیا جس کو دیکھو وہ ایک نئی کہانی سنا رہا تھا۔ وزیراعلیٰ سندھ نے بھی وہی کیا جو وہ ہمیشہ سے ہر حادثے کے بعد کرکے چلے جاتے ہیں۔ مرنے والوں کے لیے ایک کروڑ اور دکانداروں کے لیے دوبارہ ان کے کاروبار کو سیٹ کرنے کا اعلان کیا۔ گورنر سندھ نے پانی اور کھانے دینے کا اعلان کیا۔ یہ ڈرامے بازی تو عوام برسوں سے دیکھ رہے ہیں، اس حادثے نے کئی سوالات بلند کیے ہیں۔ سب سے پہلے حکمران سندھ کے بادشاہ اور ان کے حواری فرماتے ہیں سیاست نہ کریں، بچے گٹر میں گر جائیں سوال نہ کرو، آگ لگ جائے سوال نہ کرو، ڈمپر مار دے سوال نہ کرو، جو کرنا ہے ہم کریں گے کیونکہ ہم تو سائیں سرکار ہیں اور تمہارے لیڈر تو ہم نے خرید لیے ہیں۔ لہٰذا کراچی کا مال ہم دونوں مل کر ہی کھائیں گے۔ ایک پیپلز پارٹی کے جیالے لیڈر فرماتے ہیں یہ آگ ایم کیو ایم اور جماعت اسلامی کا کارنامہ ہے، شرم بھی نہیں آتی ان کو جب ان پر سوالات اُٹھتے ہیں تو ان کو بس جماعت اسلامی اور ایم کیو ایم نظر آتی ہے۔ ارے میرے جیالے لیڈر تم نے سب کو بیوقوف سمجھ رکھا ہے یہ سب تمہارے اپنے اداروں کی نااہلی ہے جن میں تم نے نااہل افسران کی فوج بھرتی کررکھی ہے۔ ان افسران کو مال کمانے کے علاوہ کچھ نظر نہیں آتا مگر تم کو شرم تو آتی نہیں یہ رپورٹ دیکھ لو!
ایک بڑے اخبار کے ایماندار صحافی کی خبر ہے کہ آگ کے ذمے داروں میں گل پلازہ مارکیٹ ایسوسی ایشن، الیکٹرک انسپیکٹوریٹ سندھ انرجی ڈپارٹمنٹ، سول ڈیفنس، فائر بریگیڈ شامل ہیں۔ ایس بی سی اے کے ریکارڈ پر ایسوسی ایشن کی کوئی شکایت موجود نہیں ہے۔ باخبر ذرائع کے مطابق پلاٹ نمبر 32 پی آر ون ڈسٹرکٹ سائوتھ گل پلازہ گرائونڈ پلس بیس
منٹ پلس تھری فلور کا ریگولرائزیشن پلان 14 اپریل 2003ء کو بلڈنگ کنٹرول اتھارٹی نے منظور کرکے دیا۔ منظور شدہ پلان کے مطابق بیسٹمنٹ میں 174 دکانیں، گرائونڈ پر 405 دکانیں، پہلی منزل پر 175 دکانیں، دوسری منزل پر 175 اور تیسری منزل پر 134 دکانیں، مجموعی تعداد 1021 بنتی ہے۔ تکمیل کے بعد گل پلازہ مارکیٹ ایسوسی ایشن کی ذمے داری شروع ہوگئی، یہ ایسوسی ایشن ہر دکان سے ماہانہ 5500 ہزار لیتی ہے جو ماہانہ 66 لاکھ اور سالانہ تقریباً 8 کروڑ روپے بنتے ہیں تو پھر گل پلازہ کی ہر دکان میں فائر فائٹنگ سسٹم کیوں نصب نہیں تھا؟ آگ بجھانے والا سلنڈر اور مٹی کی بالٹیاں کیوں نہیں رکھی گئیں۔ مارکیٹ میں داخل ہونے اور باہر نکلنے کے راستوں پر دکانیں بڑھانے اور کائونٹر لگانے کی اجازت دے کر باہر نکلنے کے راستے کس کے حکم پر تنگ ہوئے۔ ایک کی دو دکانیں بنانے والوں کی شکایت ایس بی سی اے میں کیوں نہیں کی گئی۔ مصنوعی پھولوں کی دکان میں لگنے والی آگ کو فائر فائٹنگ سسٹم کے ذریعے فوراً بجھا دیا جاتا تو 86 افراد کی جان نہیں جاتی۔ گل پلازہ کی تقریباً 25 فی صد دکانیں جلنے کی وجہ سے بلڈنگ گر گئی تو بھاری جانی و مالی نقصان ہوا۔ اس نقصان کے ذمے داروں میں دوسرا نام الیکٹرک انسپیکٹوریٹ سندھ انرجی ڈپارٹمنٹ سول ڈیفنس، فائر بریگیڈ شامل ہیں۔ ایس بی سی اے کے ریکارڈ پر ایسوسی ایشن کی کوئی شکایت موجود نہیں ہے۔
ذرائع کے مطابق بتایا کہ سول ڈیفنس کی ذمے داری ہے کہ وہ شہر کی ایسی بلڈنگز جن کی نشاندہی کچھ عرصے قبل ایس بی سی اے نے انہیں کی تھی وہاں فائر فائٹنگ سسٹم نصب کرائیں اور آگ لگ جانے کی صورت میں آگے آئیں، لوگوں کو آگ سے بچائیں۔ طبی امداد دیں اور آگ میں پھنسے لوگوں کو باہر نکالیں جیسا کہ کچھ دن قبل سول ڈیفنس کے ایک پروگرام میں وفاقی وزیر محسن نقوی کو دکھایا اور بتایا گیا فائر بریگیڈ کی ناکامی کی وجہ بھی کرپشن ہے، فائر مین کی آگ سے حفاظت کا سامان صرف کاغذوں میں خریدا جاتا ہے۔ ذرائع کا دعویٰ ہے کہ فائرمین کو اگر پوری حفاظتی کٹ دی ہوتی تو فائر مین کی جانچ بچ سکتی تھی پھر تقریباً ایک میل دور فائر اسٹیشن سے گل پلازہ آنے میں کتنی دیر لگتی ہے یہ سب جانتے ہیں ایک اعلیٰ تحقیقاتی ایجنسی کی ٹیم نے اپنی ابتدائی رپورٹ میں کہا ہے کہ گل پلازہ میں لگنے والی آگ میں دہشت گردی نظر نہیں آرہی۔
امیر جماعت اسلامی حافظ نعیم الرحمن نے گل پلازہ کا ہنگامی دورہ کیا انہوں نے کہا کہ اہل کراچی کے سنگین مسائل کے ذمے دار وزیراعلیٰ سندھ ہیں ان کو مستعفی ہوجانا چاہیے۔ انہوں نے کہا کہ جماعت اسلامی اور وہ خود اس شہر کو لا وارث اور عوام کو تنہا نہیں چھوڑیں گے وہ خود گلی گلی اور محلوں میں جا کر عوام کی قوت کو جمع کریں گے۔ وزیراعظم شادی سے فارغ ہوں تو آکر کراچی کا حال دیکھیں۔ پی ایم ڈی اے اور این ڈی ایم اے کہاں ہیں، پاکستان کے عوام کے فنڈز سے یہ ادارے چلتے ہیں کوئی ہیلی کاپٹر سروس موجود نہیں کوئی تربیت یافتہ عملہ موجود نہیں تھا۔ الخدمت، سیلانی، چھیپا، ایدھی اور دیگر NGO’s اور عوام اپنی مدد آپ کے تحت امدادی کام کررہے تھے۔ اسنارکل کیوں کام نہیں کررہی، پانی کیوں دستیاب نہیں تھا گاڑیوں کے لیے ڈیزل کیوں دستیاب نہیں تھا، کیمیکل کیوں دستیاب نہیں تھا، جو کام ریاست کے کرنے کے ہیں وہ عوام خود کررہے ہیں، سندھ حکومت ہوش کے ناخن لے۔ آخر میں ایک اہم بات ابن آدم کے قلم سے آئی آئی چندریگر روڈ، شارع فیصل اور شاہراہ قائدین کی 266 عمارتوں میں سے صرف 6 عمارتوں میں فائر سیفی سہولت موجود نہیں ہے لو کر لو بات! اب مزید حادثات کے لیے عوام کو تیار رہنے کی ضرورت ہے۔
شجاع صغیر
سیف اللہ
ذریعہ
ذریعہ: Jasarat News
کلیدی لفظ: ایسوسی ایشن ایس بی سی اے میں ا گ لگی موجود نہیں پلازہ میں سول ڈیفنس گل پلازہ نہیں تھا کے ذمے کے لیے
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار