اسلام آباد کے شہریوں کو آج رات 8 سے 9 بجے تک متبادل راستوں پر سفر کرنے کی ہدایت
اشاعت کی تاریخ: 4th, February 2026 GMT
ترجمان اسلام آباد پولیس نے 4 جنوری 2026 کے لیے ٹریفک ایڈوائزری جاری کرتے ہوئے شہریوں کو آگاہ کیا ہے کہ رات 8 بجے سے 9 بجے تک وفاقی دارالحکومت کے مختلف اہم شاہراہوں پر ٹریفک ڈائیورشنز نافذ کی جائیں گی۔
کن سڑکوں پر ڈائیورشنز ہوں گی؟ترجمان کے مطابق مقررہ اوقات میں ایکسپریس وے، مری روڈ اور کلب روڈ پر ٹریفک ڈائیورشنز لگائی جائیں گی، جس کے باعث ایکسپریس ہائی وے اور فیصل ایونیو پر ٹریفک کا دباؤ بڑھنے کا امکان ہے۔
راولپنڈی سے اسلام آباد آنے والوں کے لیے متبادل راستےراولپنڈی سے اسلام آباد آنے والے شہریوں کو ہدایت کی گئی ہے کہ وہ سفر کے لیے راول روڈ، ، نائنتھ ایونیو، فقیر ایپی روڈ، سری نگر ہائی وے کو استعمال کریں۔
اسلام آباد سے راولپنڈی جانے والوں کے لیے ہدایاتاسلام آباد سے راولپنڈی جانے والے حضرات زیرو پوائنٹ، سرینگر ہائی وے کے ذریعے نائنتھ ایونیو استعمال کریں۔
مری، بارہ کہو اور سرینا کے لیے متبادل روٹسمری اور بارہ کہو سے اسلام آباد آنے جانے والے شہری کورنگ روڈ، بنی گالہ، پارک روڈ، لہتراڑ روڈ استعمال کریں۔ جبکہ سرینا اور بہارہ کہو سے راولپنڈی جانے والے شہری پارک روڈ، کھنہ روڈ کو ترجیح دیں۔
ترجمان اسلام آباد پولیس کے مطابق شہری کسی بھی قسم کی تازہ ٹریفک صورتحال یا رہنمائی کے لیے ٹریفک ہیلپ لائن 1915 یا پکار 15 پر رابطہ کر سکتے ہیں۔
انہوں نے مزید بتایا کہ اسلام آباد ٹریفک پولیس کے افسران شہریوں کی سہولت کے لیے سڑکوں پر موجود ہوں گے تاکہ ٹریفک کی روانی برقرار رکھی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: اسلام آباد کے لیے
پڑھیں:
دفتری نظم و ضبط کی پابندی کی ہدایت ،نیاسرکلرجاری
اسٹیبلشمنٹ ڈویژن(Establishment Division) نے دفتری نظم و ضبط اور پیشہ ورانہ ماحول کو بہتر بنانے کے لیے نیا سرکلر جاری کرتے ہوئے تمام افسران اور اہلکاروں کو مقررہ دفتری اوقات، بائیومیٹرک حاضری اور لباس کے ضوابط پر سختی سے عمل کرنے کی ہدایت کر دی ہے۔
جاری کردہ سرکلر کے مطابق تمام ملازمین کے لیے صبح 8 بجے سے شام 4 بجے تک کے سرکاری اوقاتِ کار پر مکمل عمل درآمد لازمی ہوگا، جبکہ مقررہ وقت پر دفاتر میں حاضری یقینی بنانے کے لیے بائیومیٹرک حاضری کے نظام پر سختی سے عمل کرنے کی بھی ہدایت کی گئی ہے۔
سرکلر میں سرکاری ملازمین کے لیے ڈریس کوڈ بھی واضح کیا گیا ہے۔ ہدایات کے مطابق افسران اور اہلکار یا تو لاؤنج سوٹ پہنیں یا پھر شلوار قمیض کے ساتھ ویسٹ کوٹ زیب تن کریں تاکہ دفاتر میں پیشہ ورانہ اور باوقار ماحول برقرار رکھا جا سکے۔
مزیدپڑھیں:آج کہاں کہاں بادل برسیں گے ،محکمہ موسمیات نے بڑی پیشگوئی کردی
اسٹیبلشمنٹ ڈویژن نے دفتری ماحول کو بہتر بنانے کے لیے راہداریوں میں شور شرابے اور بلند آواز میں گفتگو سے بھی گریز کرنے کی ہدایت کی ہے، تاکہ سرکاری امور کی انجام دہی کے دوران پرسکون اور منظم ماحول برقرار رہے۔
سرکلر میں واضح کیا گیا ہے کہ یہ تمام ہدایات فوری طور پر نافذ العمل ہیں اور متعلقہ افسران کو ان پر مکمل عمل درآمد یقینی بنانے کی ذمہ داری سونپی گئی ہے۔
پاکستان نے ورلڈ کپ 2028 کیلیے براہ راست کوالیفائی کر لیا