بلوچستان میں فتنہ الہندوستان کا تعاقب جاری،197دہشت گردہلاک
اشاعت کی تاریخ: 4th, February 2026 GMT
اسلام آباد (نیوز ڈیسک) سیکیورٹی ذرائع کے مطابق گزشتہ تین دنوں سے جاری دہشت گردی کے خلاف آپریشنز کے دوران فتنہ الہندوستان کے 197 دہشت گرد ہلاک کر دیے گئے ہیں۔
سیکیورٹی ذرائع کا کہنا ہے کہ ان دہشت گردوں کے خلاف مختلف علاقوں میں تعاقبی اور سینیٹائزیشن آپریشنز تاحال جاری ہیں تاکہ کسی بھی باقی ماندہ دہشت گرد نیٹ ورک کا مکمل خاتمہ کیا جا سکے۔
ذرائع کے مطابق مادرِ وطن اور معصوم شہریوں کی حفاظت کرتے ہوئے پاک فوج، فرنٹیئر کور، پولیس اور پاکستان میری ٹائم سیکیورٹی ایجنسی (پی ایم ایس اے) کے 22 بہادر جوانوں نے جامِ شہادت نوش کیا۔
سیکیورٹی ذرائع نے بتایا کہ دہشت گردوں کی بربریت کا نشانہ بننے والے معصوم شہریوں، جن میں بلوچ شہری بھی شامل ہیں، کی تعداد 36 ہے۔ شہداء میں خواتین اور بچے بھی شامل ہیں۔
سیکیورٹی ذرائع کے مطابق دہشت گردی کے خلاف جاری کارروائیاں آخری دہشت گرد کے خاتمے تک جاری رہیں گی اور ملک کے امن و استحکام کو ہر قیمت پر یقینی بنایا جائے گا۔
.
ذریعہ
ذریعہ: Daily Mumtaz
کلیدی لفظ: سیکیورٹی ذرائع
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
پاکستان نے ورلڈ کپ 2028 کیلیے براہ راست کوالیفائی کر لیا