شب برات پنجابی بازار پاراچنار میں کرم یکجہتی کونسل کے زیر اہتمام جشن پروگرام
اشاعت کی تاریخ: 4th, February 2026 GMT
اسلام ٹائمز: پروگرام کا باقاعدہ آغاز ساڑھے تین بجے تلاوت کلام پاک سے کیا گیا۔ جسکے بعد یک جہتی کونسل کے رہنماؤں نے خطاب کیا۔ کرم یک جہتی کونسل میں شامل تنظیموں میں سے تحریک حسینی کے صدر ماسٹر یونس علی، نائب صدر علامہ سید امین شاہ، مجلس علماء اہلبیت کے مولانا سید علی شاہ، تحفظ ملت کے رہنما مسرت حسین منتظر، آئی او کے ماسٹر سید رضا حسین اور آئی ایس او کے برادر منتظر حسین نے یکے بعد دیگرے خطاب کیا۔ پروگرام کا مقصد عوام کو اس رات کے حقیقی مقصد اور روح سے روشناس کرانا تھا۔ علامہ سید امین شاہ نے کہا کہ 15 شعبان کو روایتی خوشی منانے کی بجائے اسکی روح سے آشنائی ضروری ہے۔ ہمیں تعلیمات محمد وآل محمد سے خود کو آگاہ کرنا ہے۔ انہوں نے کہا امام مہدی کے انقلاب کے لئے آمادگی اور تیاری ضروری ہے۔ متعلقہ فائیلیںرپورٹ: استاد حسینی
14 شعبان المعظم شام ساڑھے 3 بجے قومی یکجہتی کونسل پاراچنار کے زیر اہتمام پنجابی بازار پاراچنار میں ایک پرنور اور پروقار پروگرام کا اہتمام کیا گیا۔ جس میں بازار اور اطراف سے بڑی تعداد میں لوگوں نے شرکت کی۔ اس موقع پر پنجابی بازار کو دلہن کی طرح سجایا گیا تھا۔ پنجابی بازار کے بالائی حصے یعنی شمال میں ایک خوبصورت سٹیج سجایا گیا تھا۔ اور نیچے امام بارگاہ گلی تک سینکڑوں کرسیاں رکھی گئی تھیں۔ کرسیوں کے اختتام پر ایک طرف یخنی کا سبیل لگایا گیا تھا۔ جہاں پر شرکاء کو گرم گرم یخنی سے پذیرائی کی جاتی تھی۔ پروگرام کا باقاعدہ آغاز ساڑھے تین بجے تلاوت کلام پاک سے کیا گیا۔ جسکے بعد یکجہتی کونسل کے رہنماؤں نے خطاب کیا۔ کرم یکجہتی کونسل میں شامل تنظیموں میں سے تحریک حسینی کے صدر ماسٹر یونس علی، نائب صدر علامہ سید امین شاہ، مجلس علماء اہلبیت کے مولانا سید علی شاہ، تحفظ ملت کے رہنما مسرت حسین منتظر، آئی او کے ماسٹر سید رضا حسین اور آئی ایس او کے برادر منتظر حسین نے یکے بعد دیگرے خطاب کیا۔ پروگرام کا مقصد عوام کو اس رات کے حقیقی مقصد اور روح سے روشناس کرانا تھا۔
علامہ سید امین شاہ نے کہا کہ 15 شعبان کو روایتی خوشی منانے کی بجائے اسکی روح سے آشنائی ضروری ہے۔ ہمیں تعلیمات محمد وآل محمد سے خود کو آگاہ کرنا ہے۔ انہوں نے کہا امام مہدی کے انقلاب کے لئے آمادگی اور تیاری ضروری ہے۔ اور یہ کہ اس انقلاب کے لئے تیاری کرنے والے اقوام کی کمک کرنا اس کا اصل مقصد ہے۔ انہوں نے کہا کہ آج ایران کفر کے مقابلے پر تنہا کھڑا ہے۔ اور انقلاب مہدی کے لئے زمینہ فراہم کررہا ہے۔ چنانچہ ہمیں چاہئے کہ ہم انکی آواز میں آواز ملائیں اور انکے ساتھ ہر طرح کی سیاسی، روحانی، مالی، سماجی اور اخلاقی تعاون کریں۔
تحریک حسینی کے صدر ماسٹر یونس علی نے کہا کہ علاقائی ترقی اور مسائل کے حل کے لئے باہمی اتفاق و اتحاد کی ضرورت ہے۔ کرم کے قبائل میں الحمد للہ آج اتحاد کافی حد تک مضبوط ہے۔ پھر بھی مسائل کی کوئی کمی نہیں۔ مسائل کی اصل جڑ زمینی مسائل ہیں۔ جس میں حکومت کما حقہ دلچسپی نہیں لے رہی۔ جنگوں سے علاقے کو بے پناہ نقصان پہنچا ہے، فریقین شیعہ سنی میں سے کوئی بھی جنگ کے حق میں نہیں۔ سب امن کے خواہاں ہیں۔ مگر پتہ نہیں کہ پھر بھی امن قائم نہیں ہورہا، انہوں نے کہا کہ ہم نے ہر پلیت فارم پر قوم کی آواز پہنچائی ہے۔ تاہم کوئی بھی فیصلہ عملی نہیں ہورہا۔ تحفظ ملت کے رہنما مسرت حسین نے کہا کہ علاقے میں ایک سازش کے تحت منشیات کو فروغ دیا جارہا ہے۔ ہمارے جوانوں کو اخلاقی طور پر تباہ کیا جارہا ہے۔ جس میں سب سے بڑا رول خود حکومت کا ہے۔ پروگرام کا اختتام شام ساڑھے پانچ بجے دعائے امام زمانہ سے کیا گیا۔
ذریعہ
ذریعہ: Islam Times
کلیدی لفظ: علامہ سید امین شاہ یکجہتی کونسل انہوں نے کہا پروگرام کا نے کہا کہ خطاب کیا ضروری ہے کیا گیا کے لئے
پڑھیں:
وفاقی بجٹ5جون کو پیش نہیں کیا جائے گا
اسلام آباد(ڈیلی پاکستان آن لائن)وفاقی بجٹ5جون کو پیش نہیں کیا جائے گا۔
نجی ٹی وی چینل جیو نیوز کے مطابق ذرائع کاکہنا ہے کہ وفاقی بجٹ پیش کرنے کی نئی تاریخ کا تعین نہیں ہوسکا، وفاقی بجٹ 8یا 12جون کو پیش کئے جانے کا امکان ہے۔
قومی اقتصادی کونسل کا 3جون کو ہونے والا اجلاس ملتوی کردیا گیا، جس کا نوٹیفکیشن بھی جاری کردیاگیا۔
یادرہے کہ اس سے قبل خیال کیا جارہا تھا کہ وفاقی بجٹ5جون کو پیش کیا جائے گا۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ