کشمیر کانفرنس: جماعت اسلامی کا کشمیری عوام کے حق خودارادیت کی حمایت کا اعادہ
اشاعت کی تاریخ: 4th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی میں امیر جماعت اسلامی کراچی منعم ظفر خان کی زیر صدارت بدھ کو ادارہ نور حق میں منعقدہ “کشمیر کانفرنس” میں بھارت کے غاصبانہ تسلط اور بدترین ریاستی جبر کے خلاف اہل کشمیر کی جدوجہد آزادی کی مکمل حمایت کا اعادہ کیا گیا اور شہداء کی قربانیوں کو خراج تحسین پیش کیا گیا۔
کانفرنس میں شرکاء نے واضح کیا کہ آزادی کشمیر پر کوئی سمجھوتہ قبول نہیں کیا جائے گا اور حکومت و ریاست کو اقوام متحدہ کی قراردادوں کے مطابق مسئلہ کشمیر کے حل کے لیے اپنا کردار ادا کرنا چاہیے۔
منعم ظفر خان نے کہا کہ کشمیر برصغیر کی تقسیم کا نا مکمل ایجنڈا ہے اور گزشتہ 45 سال میں پاکستان نے کشمیر کے لیے پانچ جنگیں لڑیں، آج بھی کشمیری عوام کو بھارتی تسلط سے نجات دلانے کے لیے ریاست اور حکومت کو اپنا کردار ادا کرنا ہوگا۔
انہوں نے کہا کہ پاکستان ایک نظریاتی مملکت اور ایٹمی قوت ہے اور اگر ریاست اقوام متحدہ کی قراردادوں پر عمل درآمد کرانے کے لیے فعال کردار ادا کرے تو بھارت کو کشمیری عوام کو ان کا حق خودارادیت دینے پر مجبور کیا جا سکتا ہے۔
کانفرنس میں نائب امیر جماعت اسلامی کراچی مسلم پرویز، جے یو آئی سندھ کے نائب امیر قاری محمد عثمان، جمعیت علمائے پاکستان کے سید عقیل انجم قادری، شہری رابطہ کونسل کے نصرت مرزا، کل جماعتی حریت کانفرنس کے چوہدری شاہین اقبال، فلسطین فاؤنڈیشن کے ڈاکٹر صابر ابو مریم، عوامی نیشنل پارٹی کے محمد یونس بونیری، جمعیت علمائے اسلام کے حافظ احمد علی سمیت دیگر رہنما بھی شریک ہوئے اور خطاب کیا۔
کانفرنس نے 5 فروری کو جماعت اسلامی کے تحت “یکجہتی کشمیر ریلی” کی حمایت کا اعلان بھی کیا اور اہل کشمیر کے حق خودارادیت کے لیے جماعت اسلامی کی جدوجہد کو سراہا۔
منعم ظفر خان نے مزید کہا کہ بھارت نے 5 اگست 2019 کو آرٹیکل 370 اور 35A کو معطل کر کے کشمیریوں کی علیحدہ آئینی حیثیت اور تحفظ ختم کر دیا اور اب پاکستان کو بحیثیت ریاست اور مسلح افواج کشمیری عوام کو بھارتی مظالم سے نجات دلانے کے لیے بھرپور کردار ادا کرنا چاہیے۔
ذریعہ
ذریعہ: Jasarat News
کلیدی لفظ: جماعت اسلامی کشمیری عوام کے لیے
پڑھیں:
پیٹرول کی قیمتیں روزانہ بدلنے کا نظام، عوام خوش یا پریشان؟
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی