اسلام آباد خودکش حملہ: وفاق المدارس العربیہ پاکستان کی شدید مذمت
اشاعت کی تاریخ: 8th, February 2026 GMT
وفاق المدارس العربیہ پاکستان کے قائدین نے اسلام آباد کی ایک امام بارگاہ میں ہونے والے خودکش حملے کو انتہائی افسوسناک، ظالمانہ اور قابلِ مذمت قرار دیا ہے۔
یہ مذمتی بیان صدر وفاق المدارس مولانا مفتی محمد تقی عثمانی، سینئر نائب صدر مولانا انوار الحق، ناظم اعلیٰ مولانا محمد حنیف جالندھری اور دیگر رہنماؤں کی جانب سے جاری کیا گیا۔
وفاق المدارس کے قائدین نے واضح کیا کہ بے گناہ انسانوں کی جان لینا اور خون بہانا اسلام اور انسانیت دونوں کے سراسر خلاف ہے۔
ان کا کہنا تھا کہ مساجد، امام بارگاہوں اور مدارس جیسے مقدس مقامات پر حملے کرنے والے انسان کہلانے کے بھی مستحق نہیں۔
ملک کو عدم استحکام سے دوچار کرنے کی کوششبیان میں کہا گیا کہ اس نوعیت کی خونریز کارروائیاں پاکستان کو عدم استحکام، انتشار اور خوف و ہراس کی طرف دھکیلنے کی دانستہ کوشش ہیں، جن کا مقصد قومی یکجہتی کو نقصان پہنچانا ہے۔
وفاق المدارس العربیہ پاکستان کے قائدین نے مطالبہ کیا کہ اس دلخراش واقعے میں ملوث عناصر اور ان کے سہولت کار نیٹ ورک کا سراغ لگا کر انہیں نشانِ عبرت بنایا جائے تاکہ آئندہ ایسے واقعات کی روک تھام ممکن ہو۔
فول پروف سیکیورٹی فراہم کرنے کا مطالبہوفاق المدارس نے حکومت سے مطالبہ کیا کہ ملک بھر کی تمام مساجد، امام بارگاہوں اور دینی مدارس کو فوری طور پر فول پروف سیکیورٹی فراہم کی جائے، تاکہ عبادت گاہوں کو دہشت گردی سے محفوظ بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مفتی تقی عثمانی وفاق المدارس العربیہ پاکستان.
ذریعہ
ذریعہ: WE News
کلیدی لفظ: مفتی تقی عثمانی وفاق المدارس العربیہ پاکستان وفاق المدارس العربیہ پاکستان
پڑھیں:
مستونگ میں فتنہ الہندوستان کے 6 دہشتگرد مارے گئے، مرد و خواتین خودکش بمبار گرفتار
سیکیورٹی فورسز کی بلوچستان میں انٹیلیجنس بیسڈ مؤثر کارروائیاں جاری ہیں، مستونگ کے علاقہ کھڈ کوچہ میں فتنہ الہندوستان کے 6 دہشتگرد مارے گئے۔
سیکیورٹی فورسز کی کارروائی کے دوران متعدد دہشتگرد گرفتار کیے گئے، گرفتار دہشتگردوں میں سہولتکار سمیت مرد اور خواتین خودکش بمبار بھی شامل ہیں، کارروائی میں دہشتگردوں کےمتعدد ٹھکانے تباہ کر دیے گئے۔
علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے، دہشتگردوں کے ٹھکانوں سے بھاری مقدار میں اسلحہ، گولہ بارود برآمد کرلیا گیا ہے۔
سیکیورٹی ذرائع کا کہنا ہے کہ مستونگ کے علاقہ کھڈ کوچہ میں سیکیورٹی فورسز کی جانب سے انٹیلیجنس بیسڈ آپریشنز تیز کر دیے گئے، دہشت گردی کے خاتمے اور علاقے میں امن و امان کے قیام تک سیکیورٹی فورسز کی کارروائیاں جاری رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار