بسنت بہار: تین روز میں 9 لاکھ گاڑیوں کی لاہور میں انٹری
اشاعت کی تاریخ: 8th, February 2026 GMT
سٹی42:بسنت فیسٹیول کے دوران لاہور میں شہریوں کی بڑی تعداد نے شرکت کی، جس کے باعث تین روز میں تقریباً 9 لاکھ گاڑیوں کی شہر میں انٹری ریکارڈ کی گئی۔ وزیراعلیٰ پنجاب مریم نواز شریف کی زیرِ نگرانی بسنت کے انتظامات اور ٹریفک صورتحال سے متعلق ایک خصوصی ویڈیو لنک اجلاس منعقد ہوا، جس میں سینئر وزیر مریم اورنگزیب نے دو روزہ بسنت کی تفصیلی رپورٹ پیش کی۔
سونے کی قیمت نئی بلند ترین سطح پر پہنچ گئی
اجلاس میں ہوم سیکرٹری احمد جاوید قاضی، کمشنر لاہور، محکمہ صحت، پی ایچ اے، پولیس اور سکیورٹی حکام نے انتظامات پر بریفنگ دی۔ بریفنگ کے مطابق حکومت پنجاب کی جانب سے فراہم کی گئی مفت سفری سہولت سے شہریوں نے بھرپور فائدہ اٹھایا۔
دو روز کے دوران سرکاری بسوں پر تقریباً 14 لاکھ مسافروں نے مفت سفر کیا۔ اورنج لائن میٹرو ٹرین پر 6 لاکھ سے زائد، میٹرو بس پر 2 لاکھ 78 ہزار، اسپیڈو فیڈر بسوں پر 3 لاکھ 57 ہزار، الیکٹرو بس فیڈر روٹس پر 30 ہزار، خصوصی مہیا کردہ بسوں پر 60 ہزار جبکہ گرین الیکٹرو بسوں پر 52 ہزار مسافروں نے مفت سفر کیا۔
13 سے 15 فروری کے درمیان زلزلہ خیز سرگرمیوں کا خدشہ
بریفنگ میں بتایا گیا کہ عوام کی سہولت کے لیے بسنت کے آخری روز بھی 419 بسیں دستیاب رہیں گی، جبکہ آج بھی 6 ہزار آن لائن رکشوں پر حکومت کی جانب سے مفت رائیڈز فراہم کی جا رہی ہیں۔
ذریعہ
ذریعہ: City 42
کلیدی لفظ: سٹی42
پڑھیں:
بی ایم ڈبلیو سے 5 لاکھ جرمانہ وصولی، ڈی ایچ اے ویجیلینس سے جواب طلب
کراچی:ایڈیشنل سیشن جج جنوبی نے بی ایم ڈبلیو تحویل میں لے کر پانچ لاکھ روپے جرمانہ وصولی پر ڈی ایچ اے ویجلنس، ایس ایس پی جنوبی اور ایس ایچ او ساحل کو نوٹس جاری کرتے ہوئے آئندہ سماعت پر جواب طلب کرلیا۔
ایکسپریس نیوز کے مطابق درخواست گزار نے ڈی ایچ اے ویجلنس پر گاڑی غیر قانونی طور پر قبضے میں لینے کا الزام عائد کیا ہے۔
درخواست گزار ارسلان خواجہ نے موقف اختیار کیا ہے کہ ڈی ایچ اے ویجلنس اہلکاروں نے اختیارات سے تجاوز کیا، بغیر شواہد درخواست گزار پر ڈرفٹنگ اور ڈونٹس کا الزام لگایا گیا، 25 سے 30 اہلکاروں نے گاڑی کو گھیر کر تحویل میں لیا، بی ایم ڈبلیو گاڑی ضبط کرکے ڈی ایچ اے ویجلنس دفتر منتقل کی گئی اور 5 لاکھ روپے جرمانہ عائد کیا۔
درخواست گزار نے وکیل کے توسط سے کہا کہ گاڑی کی رہائی کے لیے 5 لاکھ روپے طلب کیے گئے، ڈی ایچ اے ویجلنس کو گاڑیاں ضبط کرنے کا اختیار حاصل نہیں، شہریوں کو روکنے اور جرمانہ عائد کرنے کا اختیار صرف پولیس کے پاس ہے، ڈی ایچ اے ویجلنس پولیس فورس نہیں، ویجلنس حکام کے اقدامات اختیارات کے ناجائز استعمال کے مترادف ہیں، درخواست میں بھتہ خوری، غیر قانونی حراست اور دھمکیوں کے الزامات عائد کیے گئے ہیں۔
درخواست پر عدالت نے فریقین کو نوٹس جاری کرتے ہوئے 5 جون کو جواب طلب کرلیا۔
وزارت آئی ٹی نے 1.67 ارب روپے سے زاید کے فنڈز طلب کرلیے