data-id="863a0a8" data-element_type="widget" data-e-type="widget" data-widget_type="theme-post-content.default">
بنگلا دیش جماعت اسلامی کے امیر ڈاکٹر شفیق الرحمٰن پورے اعتماد کے ساتھ کہتے ہیں کہ جماعت اسلامی حکومت کرنے کے لیے تیار ہے۔ ان کا کہنا ہے کہ اللہ نے چاہا اور عوام نے انتخابات میں موقع دیا تو ہم حکومت چلانے کے لیے بھی تیار ہیں کیونکہ ہمیں اپنے آپ پر پورا اعتماد اور یقین ہے کہ ہم اِس کی اہلیت رکھتے ہیں۔ ان کا استدلال ہے کہ جماعت اسلامی نے نصف صدی کے دوران ایسے باصلاحیت اور دیانت دار رہنما تیار کیے ہیں جو ہر شعبے کو چلانے کی بھرپور صلاحیت و سکت رکھتے ہیں۔
ڈاکٹر شفیق الرحمٰن کا کہنا ہے کہ 2001 میں بی این پی کی قیادت میں قائم ہونے والی مخلوط حکومت میں جماعت اسلامی کے امیر مطیع الرحمٰن نظامی اور علی احسن مجاہد نے کابینہ میں اہم منصب سنبھالے تھے اور روزگار بڑھانے، محصولات کو ترقی کے لیے بروئے لانے اور کرپشن کو جڑ سے اُکھاڑ پھینکنے والے پروگرام متعارف کرائے تھے۔ ان کا استدلال ہے کہ دو عشروں کے بعد اِس حوالے سے جماعت اسلامی کے اعتماد میں غیر معمولی اضافہ ہوا ہے۔ جماعت اسلامی کے رہنما تمام وزارتوں کو عمدگی سے چلانے کی غیر معمولی صلاحیت رکھتے ہیں۔
جماعت اسلامی کے ایک انتخابی امیدوار قانون دان محمدششر منیر کا کہنا ہے کہ میں اکیلا 10وزارتیں چلانے کی صلاحیت رکھتا ہوں۔ اور یہ بھی کہ جماعت اسلامی میں ایسی صلاحیت والے افراد کی کمی نہیں۔
ڈھاکا یونیورسٹی کے پروفیسر اور سیاسی تجزیہ کار ڈاکٹر محمد صدیق الرحمٰن خان کہتے ہیں کہ جماعت اسلامی نے2001 سے 2006 تک چند وزارتیں ضرور چلائیں تاہم وہ پوری حکومت بنانے اور چلانے کے حوالے سے زیادہ قابل اعتماد تجربے کی حامل نہیں ہے۔
جہانگیر نگر یونیورسٹی کی سابق پروفیسر اور سیاسی تجزیہ کار دل آراء چودھری کہتی ہیں کہ ملک کو چلانے کے لیے تجربے سے زیادہ صلاحیت اور دیانت کی ضرورت پڑتی ہے۔ اس وقت جماعت اسلامی کی صفوں میں اعلیٰ تعلیم یافتہ اور غیر معمولی قابلیت رکھنے والے افراد بہت بڑی تعداد میں ہیں۔ دیگر جماعتوں کا معاملہ اِس کے برعکس ہے۔
بنگالی زبان کے اخبار پروتھوم آلو کے تجزیے کے مطابق جماعت اسلامی کے نشان ترازو کے تحت 224 افراد الیکشن لڑ رہے ہیں۔ ان میں201 اعلیٰ تعلیم یافتہ اور 10نے تو پی ایچ ڈی ہیں۔ بی این پی کے 287 امیدواروں میں229 اعلیٰ تعلیم یافتہ ہیں۔ اِن میں سے 8 کے پاس پی ایچ ڈی کی سند ہے۔
ذریعہ
ذریعہ: Jasarat News
کلیدی لفظ: جماعت اسلامی کے کہ جماعت اسلامی الرحم ن کے لیے
پڑھیں:
چاہتا ہوں کرنسی سے قائداعظم کی تصویر ہٹا دی جائے، شہزاد نواز نے ایسا کیوں کہا؟
پاکستانی اداکار شہزاد نواز نے اپنی خواہش کا اظہار کرتے ہوئے کہا کہ وہ چاہتے ہیں پاکستانی کرنسی سے بانی پاکستان قائد اعظم محمد علی جناح کی تصویر ہٹا دی جائے۔حال ہی میں شہزاد نواز سے اداکار علی سفینہ نے انٹرویو لیا جس میں ملکی حالات سمیت دیگر اہم موضوعات پر گفتگو کی گئی۔علی سفینہ نے کہا 'جب بھی کوئی حکومت بدلتی ہے تو آپ کو اپنے اردگرد تبدیلیاں نظر آتی ہیں، مثلاً ایک ثقافتی پالیسی کہتی ہے کہ قائداعظم اور علامہ اقبال ہیرو ہیں، ہم ان کے دور حکومت میں ان سب کو دیکھتے ہیں، ان کی تصاویر لگائی جاتی ہیں کہ پھر دوسری آنے والی حکومت ان کی تصویریں ہٹا کر اپنے قائدین کی تصویریں لگادیتے ہیں'۔شہزاد نواز نے سوال کیا کیا ایسا ہوا ہے؟ یہ غالباً کراچی ائیرپورٹ پر ہوا تھا، جواب میں علی نے کہا بالکل۔علی سفینہ سے گفتگو کے دوران شہزاد نواز کا کہنا تھا 'اگر یہ میرے اختیار میں ہوتا تو میں تمام کرنسی نوٹوں سے قائداعظم کی تصویر ہٹا دوں گا کیونکہ لوگوں میں کوئی شرم نہیں ہے، رشوت لے رہے ہیں اور دے رہے ہیں، فراڈ میں ملوث ہیں جب کہ کرنسی نوٹوں پر ان کی تصویر ہے اور وہ آپ کو یہ سب کرپٹ کام کرتے دیکھ رہے ہیں'۔انہوں نے کہا 'اگر اسی طرح نوٹوں کی سرعام بے عزتی ہوتی رہی تو اس تصویر کا کیا فائدہ، ضیاالحق کے دور میں بڑی اچھی تبدیلی آئی کے نوٹوں پر عبارت درج کی گئی رزقِ حلال عین عبادت ہے'۔شہزاد نواز نے کہا 'بعدازاں مشرف کے دور میں اس عبارت کو چھوٹا کردیا گیا، میرے خیال میں اب اسے نوٹوں پر سے نکال دینا چاہیے'۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ