’آپ کا بیان مایوس کن اور حقیقت سے دور ہے‘، میجر جنرل (ر) زاہد محمود نے محمود اچکزئی کے حقائق درست کردیے
اشاعت کی تاریخ: 9th, February 2026 GMT
پاک فوج کے میجر جنرل (ر) زاہد محمود نے اپوزیشن لیڈر قومی اسمبلی محمود خان اچکزئی کے حالیہ بیان پر شدید ردعمل دیتے ہوئے کہا ہے کہ فوج کو صرف پنجاب کی فوج کہنا انتہائی مایوس کن اور حقیقت سے دور ہے۔
اپنے ایک ویڈیو بیان میں میجر جنرل (ر) زاہد محمود نے وضاحت کی کہ پاکستان کی فوج میں تمام صوبوں کی نمائندگی موجود ہے۔
ان کے بقول پنجاب کی کل آبادی قریباً 51 سے 52 فیصد ہے اور فوج میں اس کی نمائندگی بھی اسی تناسب سے ہے۔ سندھ کی آبادی قریباً 20 سے 21 فیصد ہے اور فوج میں نمائندگی قریباً 17 فیصد ہے۔
’بلوچستان کی آبادی پاکستان میں 5 سے 6 فیصد ہے اور فوج میں اس کی نمائندگی قریباً 5 فیصد ہے۔ گلگت بلتستان اور آزاد کشمیر کی نمائندگی بھی فوج میں موجود ہے۔
میجر جنرل (ر) زاہد محمود نے مزید کہا کہ پاکستان کی فوج میں چیف آف آرمی اسٹاف جنرل محمد موسیٰ خان جو بلوچستان سے تعلق رکھتے تھے سے لے کر دیگر اعلیٰ افسران سندھ، بلوچستان اور دیگر صوبوں سے پاکستان کی فوج کی قیادت کر چکے ہیں۔
انہوں نے کہاکہ ایسے بیانات جو فوج اور عوام کے درمیان شکوک و شبہات پیدا کرتے ہیں، پاکستان کی جنگ اور بقا کے لیے خطرہ ہیں۔
میجر جنرل (ر) زاہد محمود نے عوام اور فوج کے درمیان اتحاد کی ضرورت پر زور دیا اور اپوزیشن لیڈر سے کہاکہ سیاست کو سیاست کے میدان میں رکھیں۔
انہوں نے زور دیا کہ دہشتگردی کے خلاف پاکستان کی قربانیاں اور افواج کی بہادری کو کمزور کرنے والی باتوں سے گریز کیا جائے تاکہ قومی اتحاد اور دفاعی محاذ پر کوئی دراڑ نہ آئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حقائق درست کردیے محمود اچکزئی میجر جنرل (ر) زاہد محمود وی نیوز.
ذریعہ
ذریعہ: WE News
کلیدی لفظ: حقائق درست کردیے محمود اچکزئی میجر جنرل ر زاہد محمود وی نیوز زاہد محمود نے کی نمائندگی پاکستان کی فوج میں فیصد ہے اور فوج کی فوج
پڑھیں:
ایک ملک نے پاکستانیوں کیلیے ویزہ فیس ختم کردی
سری لنکا کی حکومت نے پاکستانیوں کے لیے ویزہ فیس ختم کردی۔
ایکسپریس نیوز کے مطابق کراچی میں تعینات قونصل جنرل سری لنکا سنجیوا پٹیوالا نے میڈیا سے گفتگومیں بتایا کہ سری لنکن حکومت نے پاکستانیوں کے لیے ویزہ فیس ختم کردی جس کے بعد سری لنکا جانے والے پاکستانیوں سیاحوں کی تعداد میں اضافہ ہوا ہے۔
انہوں نے بتایا کہ پاکستان سے سری لنکا جانے والے ویزہ کی درخواست آن لائن دے سکتے ہیں۔
قونصل جنرل نے بتایا کہ پاکستان اور سری لنکن کے دوطرفہ تعلقات اہم ہیں، حکومت پاکستان نے 100 سری لنکن اسٹوڈنٹس کوعلامہ اقبال یونیورسٹی میں اسکالرشپ دی ہے جو ایک مثبت اقدام ہے۔
انہوں نے کاہ کہ پاکستان سری لنکا کےدرمیان فری ٹریڈ ایگریمنٹ پرسن 2005 میں دستخط ہوئے تھے لیکن تاحال دونوں ملکوں میں ٹریڈ بیریئرز موجود ہیں۔
قونصل جنرل نے مزید کہا کہ پاکستان سری لنکا درمیان درمیان دفاعی تعلقات بھی اہم ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع