ٹی ٹوئنٹی ورلڈکپ: نیدرلینڈز نے نمیبیا کو 7 وکٹوں سے ہرادیا
اشاعت کی تاریخ: 10th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
نئی دہلی: آئی سی سی مینز ٹی20 ورلڈ کپ 2026 کے دسویں میچ میں نیدرلینڈز نے نمیبیا کو سات وکٹوں سے شکست دے کر اپنی پہلی فتح سمیٹ لی۔
نئی دہلی کے ارون جیٹلے اسٹیڈیم میں کھیلے گئے آئی سی سی مینز ٹی20 ورلڈ کپ کے گروپ اے کے میچ میں نیدرلینڈز نے نمیبیا کے خلاف ٹاس جیت کر بولنگ کا فیصلہ کیا۔
نمیبیا نے مقررہ اوورز میں آٹھ وکٹوں کے نقصان پر 156 رنز بنائے۔ جان نیکل نے سب سے نمایاں بیٹنگ کا مظاہرہ کیا اور صرف 38 گیندوں پر دو چھکوں اور ایک چوکے کی مدد سے 42 رنز اسکور کیے، تاہم باقی بیٹنگ لائن مستقل مزاجی دکھانے میں ناکام رہی۔
نیدرلینڈز کی جانب سے بیس دی لیڈ نے جارحانہ بیٹنگ کرتے ہوئے 48 گیندوں پر پانچ چوکے اور چار چھکوں کی مدد سے 72 رنز بنائے اور ٹیم کو مقررہ ہدف تک پہنچانے میں اہم کردار ادا کیا۔ نیدرلینڈز نے 157 رنز کے ہدف کو 18 ویں اوور میں حاصل کر کے میچ اپنے نام کر لیا اور گروپ میں اپنی پوزیشن مستحکم کر لی۔
نمیبیا کی جانب سے جان نکول لافٹی ایٹون، برنارڈ شولٹز اور روبن ٹرمپلمین نے ایک ایک وکٹ حاصل کی۔
اس میچ کے نتائج سے گروپ اے کی جدوجہد اور دلچسپی مزید بڑھ گئی ہے، اور ٹیموں کے درمیان حریفانہ ماحول دیکھنے والوں کے لیے دلچسپی کا باعث بن رہا ہے۔
ورلڈکپ میں آج مزید دو اہم میچز شیڈول ہیں، پہلے نیوزی لینڈ اور یو اے ای کی ٹیمیں آمنے سامنے ہوں گی جبکہ شام کو پاکستان اور امریکا کے درمیان مقابلہ متوقع ہے، جس میں شائقین کو ایک سنسنی خیز اور دلچسپ میچ دیکھنے کو ملے گا۔
ذریعہ
ذریعہ: Jasarat News
کلیدی لفظ: نیدرلینڈز نے
پڑھیں:
پاکستان کا بنگلہ دیش کے ساتھ تعلیمی تعاون بڑھانے کا عزم، ڈھاکہ یونیورسٹی کے شعبہ اردو میں کمپیوٹر لیب قائم
پاکستان نے بنگلہ دیش کے ساتھ تعلیمی اور علمی تعاون کو مزید مضبوط بنانے کے عزم کا اعادہ کرتے ہوئے ڈھاکہ یونیورسٹی کے شعبہ اردو کو نئے کمپیوٹر عطیہ کر دیے، جبکہ پاکستانی ہائی کمیشن کے تعاون سے قائم جدید کمپیوٹر لیبارٹری اور تزئین و آرائش شدہ کلاس رومز کا بھی افتتاح کر دیا گیا۔
تقریب میں بنگلہ دیش میں پاکستان کے ہائی کمشنر عمران حیدر اور ڈھاکہ یونیورسٹی کے وائس چانسلر پروفیسر ڈاکٹر اے بی ایم عبیدالاسلام نے مشترکہ طور پر کمپیوٹر لیب کا افتتاح کیا۔ اس موقع پر دونوں رہنماؤں نے تعلیم، تحقیق، ثقافتی روابط اور انسانی وسائل کی ترقی کے شعبوں میں تعاون کو مزید وسعت دینے پر اتفاق کیا۔
ہائی کمشنر عمران حیدر نے افتتاحی تقریب سے خطاب کرتے ہوئے کہا کہ کمپیوٹر لیب کا قیام صرف نئی سہولیات کی فراہمی نہیں بلکہ پاکستان اور بنگلہ دیش کے درمیان تعلیم، ثقافتی ہم آہنگی اور نئی نسل کے روشن مستقبل کے لیے مشترکہ عزم کی علامت ہے۔ انہوں نے امید ظاہر کی کہ جدید لیبارٹری طلبہ اور اساتذہ کی صلاحیتوں میں اضافے، تحقیق کے فروغ اور معیاری تعلیم کے حصول میں اہم کردار ادا کرے گی۔
انہوں نے کہا کہ تعلیم باہمی اعتماد، تعاون اور عوامی روابط کو فروغ دینے کا مؤثر ذریعہ ہے، اسی مقصد کے تحت پاکستانی ہائی کمیشن مختلف تعلیمی اور علمی تعاون کے منصوبوں پر کام کر رہا ہے۔ ان کے مطابق دونوں ممالک کی جامعات کے درمیان مشترکہ تحقیقی منصوبوں، اساتذہ اور طلبہ کے تبادلہ پروگرام، سمسٹر ایکسچینج، مشترکہ ڈگری پروگرامز اور قلیل مدتی تربیتی کورسز شروع کرنے کے وسیع امکانات موجود ہیں۔
اس سے قبل ہائی کمشنر عمران حیدر نے وائس چانسلر پروفیسر ڈاکٹر اے بی ایم عبیدالاسلام سے ملاقات کی، جس میں ڈھاکہ یونیورسٹی اور پاکستان کی مختلف جامعات کے درمیان تعلیمی روابط بڑھانے اور مشترکہ تحقیقی سرگرمیوں کو فروغ دینے پر تبادلہ خیال کیا گیا۔
یہ بھی پڑھیں:بنگلہ دیش میں طارق رحمان کی وزراتِ عظمیٰ: پاک بنگلہ دیش تعلقات میں تاریخی پیشرفت کے مواقع
وائس چانسلر نے پاکستانی ہائی کمیشن کی جانب سے شعبہ اردو کی ترقی کے لیے فراہم کیے گئے تعاون پر شکریہ ادا کرتے ہوئے کہا کہ 1921 میں قائم ہونے والا شعبہ اردو یونیورسٹی کے قدیم اور ممتاز شعبوں میں شمار ہوتا ہے، جہاں اس وقت بی ایس (آنرز)، ماسٹرز، ایم فل اور پی ایچ ڈی کی سطح پر تعلیم دی جا رہی ہے۔ انہوں نے امید ظاہر کی کہ پاکستان کا تعاون مستقبل میں بھی جاری رہے گا، جس سے دونوں ممالک کے درمیان تاریخی، ثقافتی اور تعلیمی تعلقات مزید مستحکم ہوں گے۔
تقریب میں فیکلٹی آف آرٹس کے ڈین پروفیسر ڈاکٹر محمد ابوالکلام سرکار، شعبہ اردو کے چیئرمین ایسوسی ایٹ پروفیسر محمد غلام مولا، پروفیسر ڈاکٹر محمد غلام ربانی، پاکستانی ہائی کمیشن کے ڈپٹی ہائی کمشنر محمد واصف سمیت اساتذہ، طلبہ اور دونوں ممالک کے حکام نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بنگلہ دیش پاکستان پروفیسر ڈاکٹر محمد ابوالکلام سرکار ڈھاکہ یونیورسٹی کمپیوٹر لیب
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی