نیویارک،پاکستانی امریکن طالبہ پرتیزاب حملے میں ملوث ملزم پانچ سال بعد گرفتار
اشاعت کی تاریخ: 11th, February 2026 GMT
نیویارک(آئی این پی )نیویارک کے قریب لانگ آئی لینڈ کے علاقے میں ایک پاکستانی امریکن طالبہ پر مشہور تیزاب حملے میں ملوث ملزم پانچ سال بعد گرفتار کرلیا گیا ۔
نیویارک پولیس گزشتہ پانچ سال سے ملزم کوپکٹر نے کی کوشش کررہی تھی،تحقیقات کے بعد پاکستانی نژاد امریکی میڈیکل طالبہ نافیہ اکرام پرہونے والے خوفناک تیزاب گردی کے حملے میں ملوث مشتبہ شخص کو گرفتار کیاگیاہے لیکن اب تک اس کی شناخت ظاہر نہیں کی جارہی۔مقامی حکام اورپولیس کاکہنا ہے کہ جدید فرانزک شواہد اور ڈیجیٹل ٹریکنگ کی مدد سے پولیس آخرکار ملزم تک پہنچنے میں کامیاب ہوئی،نافیہ اکرام پر یہ حملہ 17 مارچ 2021 کو اس وقت ہواتھاجب وہ لانگ آئی لینڈ میں اپنے گھر کے باہرموجود تھیں،ایک نامعلوم شخص نے انکے چہرے پر تیزاب پھینکا اور فرار ہو گیا۔
لاہور والو! پاک ویلز نیو وہیلز ایکسپو میں نئی گاڑیاں اور ٹیسٹ ڈرائیوز آپ کی منتظر
اس حملے کے نتیجے میں نافیہ شدید زخمی ہوئی تھیں،انکی بینائی متاثر ہوئی اور چہرے پر گہرے زخم آئے، واقعہ کے بعد مسلم کمیونٹی میں تشویش کی لہر دوڑ گئی تھی اور معاملے اعلی ترین سطح پر اٹھایا گیا۔
مزید :.
ذریعہ
ذریعہ: Daily Pakistan
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار